Connect with us

Струмица

Во Струмица отворен првиот Регионален саем на социјални претпријатија од југоисточниот регион

Media Press

Published

на

Во Струмица вчера беше отворен првиот Регионален саем на социјални претпријатија од југоисточниот регион во организација на Центарот за развој на Југоисточниот плански регион, заедно со Канцеларијата на регионалниот центар за поддршка на социјални претпријатија од Скопје, а во рамките на проектот „Поддршка социјални претпријатија“ поддржан од Европската Унија.

Саемот се одржа во фоајето на НУЦК „Антон Панов“, а беа презентирани потенцијалите на дваесетина потенцијални социјални претпријатија и невладини организации кои имаат економска социјална активност.

Градоначалникот Костадин Костадинов ги поздрави учесниците на саемот и рече дека тој е една многу важна регионална иницијатива која ќе донесе позитивни социо-економски промени во областа на социјалната инклузија и општествено одржливиот развој.

„Овој прв регионален саем за социјално претприемништво во Југоисточниот плански регион, воедно претставува модел на имплементирање на еден поинаков и поактивен пристап на обезбедување поддршка на локални заедници и луѓе од ранливи категории, со цел да бидат поинтегрирани во општеството и да ги развијат своите претприемачки способности за да можат да се ослободат од системот на користење на социјална заштита.

Оваа локална иницијатива произлезе благодарение на поддршката од проектот „Поддршка на социјалните претпријатија“ кој што е финансиран од Европската Унија. Навистина сум многу среќен што се финализира и се усвои Стратегијата за социјално претприемништво. Тоа значи дека веќе го имаме првиот правен документ во нашата земја, којшто заедно и со Акцицискиот план за развој на социјалното претприемништво во Македонија ќе се стреми кон усвојување на Законот за Социјално претприемништво, кој што ќе даде дополнителна тежина кон препознавање, видливост и финансиска поддршка на социјалните претпријатија.

Во нашиот регион постојат иницијативи за социјални претпријатија кои што имаат силна социјална мисија и ги промовираат нивните високо-квалитетни услуги и производи, истовремено обезбедувајќи одржливо решение за ранливите категории на луѓе“, рече Костадинов.

 

прикажи повеќе
Advertisement

Струмица

Во Струмица годинава сепак ќе има карневал, одлучија градоначалникот Костадинов и Организациониот одбор

Media Press

Published

на

Градоначалникот Костадин Костадинов и Организациониот одбор на карневалот, а почитувајќи ги барањата на граѓаните, одлучија по пауза од две години, оваа година да продолжи вековната карневалска традиција во Струмица.

„Оваа вековна традиција не смее да има сериозни паузи од две или три години затоа што ги демотивира карневалските групи во иднина да учествуваат на карневалот. Но заради пандемијата во којашто се наоѓаме, карневалот ќе биде од локален карактер, а како гости ќе бидат поканети по еден претставник од карневалските групи од странство кои најчесто доаѓаа на струмичкиот карневал и со кои имаме долгогодишна соработка. Барање и на струмичани е да не престане таа традиција да обезбедиме континуитет“ вели градоначалникот Костадин Костадинов.

Карневалот ќе почне на 2 март и ќе заврши на 9 март со тримерските обичаи.

„Апелирам до сите учесници и посетители максимално да ги почитуваат мерките и протоколите за заштита, но сепак да си ја изнегуваме нашата вековна традиција струмичкиот карневал“ додава градоначалникот Костадинов.

Главната карневалска вечер ќе се одржи на 5 март, а во осумте карневалски денови ќе ги има традиционалните карневалски содржини, концерт под маски на музичкото училиште „Боро Џони“, маскенбал, детски карневал, бел грав на градскиот плоштад, доделување на награди на најдобрите карневалски маски, афоризми, карикатури и литературни творби на тема карневал, карневалско село – забава на плоштадот, а ќе биде промовирана и Монографија по повод 30 – годишниот јубилеј.

Прочитај повеќе

Струмица

Започна исплатата на помошта на сопствениците на дуќани и тезги кои беа зафатени во големиот пожар во „Глобал“ на 2 јануари 2021 година

Media Press

Published

на

Вкупно 13 милиони денари парична помош ќе бидат исплатени на сопствениците на дуќани и тезги кои беа зафатени во големиот пожар во „Глобал“ на 2 јануари 2021 година. Градоначалникот на Општина Струмица Костадин Костадинов најави дека од денеска започна исплатата на помошта од Владата на Република Македонија на сопствениците на дуќани и тезги кои беа зафатени во големиот пожар во „Глобал“ од пред една година. Педесет правни и 20 физички лица ќе добијат по 20 проценти или вкупно 13 милиони денари.

„Општина Струмица и финансиски и со други активности во рамките на нејзините надлежности, помагаше во санирањето на последиците и обновувањето на опожарениот дел на Глобал.Се надевам дека овие средства ќе бидат од помош и НИКОГАШ повеќе да не се повтори“, објави градоначалникот Костадинов.

Прочитај повеќе

Струмица

56 -годишно лице физички бил нападнат во неговиот дом и му биле одземени пари

Media Press

Published

на

Вчера во 20.30 часот во Полициската станица Струмица било пријавено дека М.О.(56) од село Нова маала, струмичко, бил физички нападнат во неговиот дом, при што му биле нанесени повреди и му биле одземени пари.

М.О. бил пренесен во Медицински центар Струмица за укажување на лекарска помош, а увид на местото извршиле Јавен обвинител од Основно јавно обвинителство Струмица и екипа на СВР Струмица.

Прочитај повеќе