Започна Кампањата „16 дена
активизам против родово базирано насилство“ која во
Македонија се одбележува од 2014 година и има цел да ја подигне
општествената свест и да поттикне на размислување за индивидуалниот и
колективниот придонес во борбата за спречување на родово базираното насилство. Кампањата се случува секоја
година во текот на 16 дена во периодот помеѓу 25 ноември – Меѓународниот ден за
елиминација на насилството против жените и 10 декември – Меѓународниот ден на
човековите права.
Во текот
на овие шеснаесет дена вообичаено се реализираат
бројни активности со цел промоција на кампањата ширум целата земја, меѓу кои и
вклучување на јавни личности од сите сфери од општественото живеење, кои ќе ја
споделат својата поддршка преку бројни панели и работилници, како и преку низа
активности во медиумите и на јавните места.
„Секој од нас може да спречи насилство, а жртвите на родово
базирано насилство, жени и девојчиња, мора да знаат дека не се сами“ апелираат од мадлежните институции.
МТСП и
останатите институции координирано постапуваат и преземаат конкретни мерки за
заштита на жртвите согласно законските надлежности.
„Ги охрабруваме сите жени кои се
соочуваат со каква било форма на семејно насилство или насилство од својот
партнер да пријават на 192, СОС линиите, во центрите за социјална работа или
најблиската полициска станица, велат од
Министерството.
Од МТСП од Радовиш велат дека во последната година немаат
пријави од жртви на семејно насилство. Бидејќи Радовиш сеуште нема прифатилиште за жртви на семејно насилство,
во претходните години кога имало такви случаи жртвите ги сместувале во Шелтер
центрите во Свети Николе или во Кочани, доколку немаат свое живеалиште.