Connect with us

Радовиш

Еуромакс го поддржа проектот „Бесплатен логопед“ за децата во Радовиш

Media Press

Published

на

Здружението на граѓани „Невена за тебе, за мене, за нас“ од Радовиш со поддршката на Еуромакс Ресоурцес набави нагледни средства и дидактичко – поучителни материјали кои ќе помогнат за реализација на проектот „Бесплатен логопед за децата со пречки во развојот и децата од социјално ранливите категории“.

Претседателот на Здружението Гордана Здравкоска вели дека проектите од социјална кохезија со кои се опфаќаат најранливите категории на деца, за да опстанат пред се зависат од надворешни поддржувачи.

„Деновиве имаме причина за радост. Односно за непречено функционирање и реализирање на проектите од социјална кохезија како што е и проектот „ Бесплатен логопед за децата со пречки во развојот и децата од социјално ранливите категории“, добивме донација од приватната компанија  Еуромакс Ресоурцес во нагледни средства и дидактичко – поучителни материјали. Опремата значително ќе го подобри функционирањето на проектот„ Бесплатен логопед“, но и целокупното функционирање на  детското катче „Невена“, каде нашите членови секојдневно преку низа активности го поминуваат слободното време“, вели Гордана Здравкоска од здружението „Невена за тебе, за мене, за нас“..

Здружението постои веќе четири години, од кои две во услови на пандемија што дополнително го отежнува реализирањето на проектите.

„Поради пандемијата се соочивме со неочекувани потешкотиите со секојдневното функционирање, но сепак тимот на ‘Невена’ успева да ги реализира своите цели, бидејќи мисијата е јасна, подобар свет за сите деца. Посебно сме горди  на нашите проекти од  социјална кохезија ‘Бесплатен логопед’ и ‘Јога за деца и деца со пречки во развој’. Да работиш на проекти во кои се таргетирани деца од ранливите категории на семејства е благородна и возвишена мисија. Но за жал и исклучително тешко, затоа што секој ваков проект не може да биде самостојно финансиски одржлив доколку не биде поддржан од компании во кои општествената  одговорност е  високо изразена“, вели Здравковска и истакнува дека сакаат во иднина да ја продлабочат соработката со Еуромакс со цел и нивната мисија „За свет со еднаквост за сите за насмевка на секое детско лице“, де продолжи да радува уште многу деца.

Од Здружението изразуваат голема благодарност до компанијата бидејќи менаџментот на компанијата позитивно одговори на апликацијата која ја поднесоа по повикот на Еуромакс за поддршка на локални проекти пред неколку месеци.

Еуромакс Ресоурцес, инвеститорот на проектот за рудник за бакар „Иловица – Штука“, во изминатите месеци реализира поголема кампања под мотото „Со акција и дела за подобар живот СЕГА и ВЕДНАШ“ со цел преку локални проекти и соработка со невладиниот сектор се поддржи и населението во Југоистокот и да се намалат последиците од здравствено – економската криза предизвикана од Ковид пандемијата.

Еуромакс ресоурцес,  во изминатиот период поддржа повеќе проекти, меѓу кои и поддршка за женското претприемништво, земјоделците, сточарите и малите бизниси во општините Босилово и Ново Село, како и за првиот етно – ресторан со едукативен пристап за деца со аутизам и спонзорство за обнова на каналите за наводнување во соработка со АД Водостопанство – Подружница Струмичко поле – Струмица.

Радовиш

Во ООУ „Кирил и Методиј“ во Ораовица во тек е реализација на проект за спроведување на мерки за енергетска ефикасност

Media Press

Published

на

Градоначалникот на општина Радовиш Ацо Ристов денеска  беше во посета на општинското основно училиште „Кирил и Методиј“ во Ораовица каде во тек е реализацијата на проектот за спроведување на мерки за енергетска ефикасност согласно програмата за аерозагадување.

Со цел за енергетска ефикасност и заштеда на енергија ке биде заменета постоечката алуминиумска столаријата со ПВЦ. Исто така во ова училиште целосно беше реконструиран и спортскиот терен.

Прочитај повеќе

Радовиш

Дали општинските згради за нова година ќе останат без струја, градоначалникот Ацо Ристов бара решение од надлежните институции

Media Press

Published

на

Дали зградата на  Локалната самоуправа на Општина Радовиш за нова година ќе остане без струја, како и и јавните образовни институции и уличното осветлување во градот, поради актуелната енергетска криза, или ќе има измени во постапката за набавка на струја, беше проблем кој го спомна градоначалникот Ацо Ристов на одржаниот регионален состанок на ЦУК, кој вчера се одржа во Радовиш и на кој беше присутен и директорот Стојанче Ангелов.

Со овој проблем како што спомна Ристов освен Радовиш се соочуваат и останатите општини и тој побара брза интервенција на Владата со уредба да се смени регулативата за набавка на електрична енергкија и од слободен да се префрлат на регулиран пазар за купување на струја.

Прочитај повеќе

Радовиш

Директорот на ЦУК Стојанче Ангелов на работна средба со институциите за безбедноста на граѓаните за општините Радовиш и Конче

Media Press

Published

на

Работна седница на Регионалниот штаб на РЦУК Радовиш во проширен состав, со активно присусто на новите градочалници на општините Радовиш, Ацо Ристов и на Конче, Златко Ристов, се одржа во просториите на општина Радовиш- сала за совет, под раководство на Стојанче Ангелов, диркторот на Центарот за управување со кризи (ЦУК). По воведодот на рководителот на РЦУК Радовиш, Драги Стојанов согласно дневниот ред, се разви обемна и конструктивна дискусија за подготвеност на субјектите за претстојниот зимски период.
Притоа, имаше размена на идеи предлози, законски надлежности на институциите на подрачјето на општините Радовиш и Конче во интерес на безбедноста и сигурноста на граѓаните.


На работната средба учествуваа и раковидители на Секторот за операции и координација (СОК) од Центарот за управување со кризи (ЦУК) и сите субјекти од Системот за управување со кризи од општините Радовиш и Конче.
Беа донесени заклучоци што претставуваат идна патека за работа во контекст со локалниот менаџмент на кризи во координација со националните правци, со стратешка определба за реално техничко и командно зајакнување, како што посочи Ангелов, а како што градоначалниците потврдија, во контекст на намалување и анулирње на невољите при кризни состојби, како локални, така и регионални. Конкретно, беа донесени глобални заклучоци, кои ќе се практикуваат и локално адаптирани на можните кризни предизвици:

Интензивирање и продолжување на соработката и комуникацијата со субјектите во системот на локално ниво, заради навремено информирање за сите појави и настстани што можат да предизвикаат несакани последици и опасности од поплави, одрони на земја, лизгање на терени, прекини во патниот сообраќај, студено време , наноси од снег и други карактеристични појави за периодот што следува.

Задолжително следење на комуналните претпријатија и водостопанските субјекти на водостоите на реките и речните корита, постојана комуникација и координација со стопанствениците на високи брани. Нормално и да се пропагира до населението да не ги фрла отпадоците во веќе исчистените канали.

Задолжително користење и постапување по оперативните планови за заштита и одбрана од поплави, што ги имаат донесено за дејствување во вакви состојби.

Инаку, покрај директор на Центар за управување со кризи, градоначалниците на општините Радовиш и Конче, управителот на ДПТУ “Боров Дол” ДООЕЛ Радовиш, на седницата зедоа учество и членовите на Ргионалниот штаб: директорот на ЈЗУ „Здравствен дом“ Радовиш, СВР Струмица ОВР Радовиш, ЕЛС Радовиш, ЕЛС Конче, МЗШВ ПЕ Радовиш, Републички инспектор за патишта, ОО Црвен крст Радовиш, ЈП „Плаваја“ Радовиш, ТППЕ Радовиш, Македонски шуми ПШС „Плачковица“ Радовиш, и АД „Водостопанство“ подружница Радовиш.

Прочитај повеќе