Connect with us

Струмица

Средствата за новогодишно украсување на Струмица од планираните 1,5 милиони денари намалени на 400 илјади денари, на предлог на градоначалникот

Media Press

Published

на

Советот на општина Струмица  ја одржа втората седница на која беше усвоен кварталниот извештај за извршување на општинскиот буџет за третиот квартал од 2021 година чија реализација изнесува 71 процент.

Основниот буџет има реализација од 72 процента во однос на планираното, наменските дотации 75 проценти, самофинансирачките активности 32 проценти, донациите 37 проценти од планираното и реализацијата на кредити е 100 проценти.

Беше донесена и одлука за измена и дополнување на буџетот за 2021 година и тоа во Програмите за изработка на урбанистички планови и уредување на градежното земјиште, за активностите на општина Струмица во областа на локалниот економски развој и туризмот, во областа на меѓународна соработка, за изградба и одржување на јавното осветлување, за одржување на јавно зеленило, за изградба, реконструкција, одржување и заштита на локалните патишта и улици, во областа на културата, спортот и младите, за активностите на општина Струмица поврзани со спроведување на проекти финансирани од фондовите на Европската унија, за активности во областа на заштитата на животната средина, социјалната заштита и заштитата на децата и за активностите на Општина Струмица во областа на заштитата и спасувањето, противпожарната заштита и справувањето со кризи во 2021 година.

Советниците едногласно го прифатија предлогот на градоначалникот Костадин Костадинов за намалување на средствата за новогодишно украсување на градот од планираните 1,5 милиони денари на 400 илјади денари, поради енергетската криза, а ќе се украсува само градскиот плоштад.

На седницата беше донесена уште една одлука на предлог од градоначалникот Костадинов за продажба на службеното возило наменето за градоначалникот, а средствата од продажбата ќе бидата наменети за Младинскиот културен центар.

На дневен ред беа и извештајот за работата на јавното претпријатие „Паркиралишта – Струмица“ и програмата за работа на општинската јавна установа –Отворен граѓански универзитет за доживотно учење „Јоска Свештарот“ Струмица за 2022 година.

 

Струмица

Приведен струмичанец, со метален предмет го нападнал и повредил неговиот чичко

Media Press

Published

на

Во текот на вчерашниот ден во 16.30 часот на ул.„Крушевска Република“ во Струмица, полициски службеници од СВР Струмица го лишиле од слобода М.Т.(29) од Струмица затоа што околу 15.45 часот во дворот од семејната куќа со метален предмет го нападнал и повредил неговиот чичко А.Т.(57).

Тој бил приведен во полициска станица и по целосно документирање на случајот против него ќе биде поднесена соодветна пријава.

Прочитај повеќе

Струмица

Во Струмица отворен првиот Регионален саем на социјални претпријатија од југоисточниот регион

Media Press

Published

на

Во Струмица вчера беше отворен првиот Регионален саем на социјални претпријатија од југоисточниот регион во организација на Центарот за развој на Југоисточниот плански регион, заедно со Канцеларијата на регионалниот центар за поддршка на социјални претпријатија од Скопје, а во рамките на проектот „Поддршка социјални претпријатија“ поддржан од Европската Унија.

Саемот се одржа во фоајето на НУЦК „Антон Панов“, а беа презентирани потенцијалите на дваесетина потенцијални социјални претпријатија и невладини организации кои имаат економска социјална активност.

Градоначалникот Костадин Костадинов ги поздрави учесниците на саемот и рече дека тој е една многу важна регионална иницијатива која ќе донесе позитивни социо-економски промени во областа на социјалната инклузија и општествено одржливиот развој.

„Овој прв регионален саем за социјално претприемништво во Југоисточниот плански регион, воедно претставува модел на имплементирање на еден поинаков и поактивен пристап на обезбедување поддршка на локални заедници и луѓе од ранливи категории, со цел да бидат поинтегрирани во општеството и да ги развијат своите претприемачки способности за да можат да се ослободат од системот на користење на социјална заштита.

Оваа локална иницијатива произлезе благодарение на поддршката од проектот „Поддршка на социјалните претпријатија“ кој што е финансиран од Европската Унија. Навистина сум многу среќен што се финализира и се усвои Стратегијата за социјално претприемништво. Тоа значи дека веќе го имаме првиот правен документ во нашата земја, којшто заедно и со Акцицискиот план за развој на социјалното претприемништво во Македонија ќе се стреми кон усвојување на Законот за Социјално претприемништво, кој што ќе даде дополнителна тежина кон препознавање, видливост и финансиска поддршка на социјалните претпријатија.

Во нашиот регион постојат иницијативи за социјални претпријатија кои што имаат силна социјална мисија и ги промовираат нивните високо-квалитетни услуги и производи, истовремено обезбедувајќи одржливо решение за ранливите категории на луѓе“, рече Костадинов.

 

Прочитај повеќе

Струмица

Организацијата на жени од Струмица, одржа презентација на клучните приоритети на жените

Media Press

Published

на

Во рамките на кампањата 16 дена Ативизам против родово базирано насилство, а во организација на Организацијата на жени од Струмица, се одржа презентација на клучните приоритети на жените од три заедници, населените места Добрејци и Дабиле и 6-урбана заедница во градот.

Градоначалникот Костадин Костадинов ги поздрави учесниците на презентацијата потенцирајќи дека Струмица е и останува родова сензитивна Општина.

„Овој проект е уште една потврда за добрите практики и политики на нашата Општина и поддршката што ја даваме на невладиниот сектор. Овде и сега го гледам резултатот од враќањето на Јавните собири во урбаните и месните заедници и Форумите во заедницата – Буџетски форум 2021/2022 година. Партиципативното учество на граѓаните во креирањето на буџетот и подигање на повисоко ниво на транспарентноста и отчетноста на Општината ќе бидат мои приоритети во овој мандат. Ме радува што денеска разговараме за утврдените потреби и приоритети на жените во нивните места на живеење, а евидентирани од Организацијата на жените од Струмица која работи на јакнење на капацитетите на жените и идентификување на нивните проблеми. Да се слушнат потребите на жените е од суштинско значење бидејќи сеуште превладуваат стереотипите дека улогата на жената е во домот, во грижата на децата и старите лица. Време е да ставиме крај на тие стереотипи и мислам дека заедно сме на добар пат“, рече градоначалникот Костадинов.

Потврдувајќи ја својата поддршка на сите активности, Костадинов најави дека во неговиот градоначалнички мандат ќе работи за рамноправна застапеност на жените во раководните структурии во општинските институции 50-50, развој на женското претприемништво и формирање на здружение на бизнис жени.

Прочитај повеќе