Како што информираат од Хигиенско-епидемиолошката служба (ХЕС) во Здравстениот Дом во Радовиш, од понеделник 15 -ти ноември започнува вакцинацијата против сезонски грип за 2021/2022.
„Вакцинација против сезонски грип е најефикасна мерка за
превенција на грип, која спречува појава на потешки форми, компликации и смртен
исход особено кај ризичните групи. Вакцинацијата против сезонскиот грип е незадолжителна, по желба
на граѓанинот“
стои во известувањето од ХЕС службата.
Бесплатната
вакцинација против сезонски грип е наменета за следните ризични групи:
- Стари лица (над 65 години)
- Лица со хронични заболувања
- Здравствени работници
- Бремени жени
- Деца на возраст од 6 месеци до
5 години
„Со пополнување на формата на vakcinacija.mk се регистрирате за
вакцинација директно во системот Мој Термин. Согласно распоредот предвиден во планот за
вакцинација, по пат на смс ќе добиете информација за точниот датум и час кога
треба да се вакцинирате на пунктот кој ќе го изберете при регистрацијата. Сите граѓани кои не
влегуваат во горе споменатите ризични
групи може да се вакцинираат и да се заштитат. Оваа вакцина е 800 денари“,
се додава во известувањето.
Инаку вакцинацијата ке се
спроведува секој работен ден од 8:30 до 14 часот.
Годинава
се набавени 40 илјади дози вакцини на сезонски грип, а денес се пуштени 4.300
термини во 18 пунктови низ земјава, и се ичекува за десетина дена да заврши имунизацијата, изјави министерот за здравство
Венко Филипче, Кој додаде дека во исто време може да се
примат вакцините против ковид-19 и сезонски грип.
„Без
разлика дали е прва, втора или трета доза на вакцина против ковид-19 може да се
прими во исто време со другата вакцина, а ако има временска разлика нема
никаква врска колкава е временската дистанца“, рече Филипче.