Официјално
одобрен Проектот за јакнење на отпорноста на земјоделството кон климатски
промени во регионот на општина Радовиш преку подобрено наводнување и управување
со земјиште и води.
„Станува збор за проект во висина од 9.991.000 долари кој e грант и поднесен за финансирање до Глобалниот Фонд за Адаптација кон климатски промени преку тесна соработка на Министерството за земјоделство, шумарство и Водостопанство и Министерството за животна средина и просторно планирање. Целта е подобрување на отпорноста кон климатските промени во Радовишкиот регион преку рехабилитација на системот за наводнување, подобрување на земјишната структура на земјоделските стопанства, примена на подобрени земјоделски практики и осовременување и дигитализација на земјоделството.
Ова е првиот поднесен проект од Република Македонија до овој фонд и ќе биде и првиот реализиран проект кој значително ќе му помогне на Радовишкиот регион во подобрување на конкурентноста на земјоделското производство и зголемување на приходите на земјоделците“, рече Коле Чаракчиев кандидат за градоначалник на Радовиш од СДСМ, кој додаде дека истиот е предвиден во неговата програма и негова имплементација се очекува во текот на 2022.
Вкупниот
проценет број на земјоделски стопанства директни корисници на овој проект е
1400 или просечно околу 6000 жители на општина Радовиш кои се занимаваат со
земјоделска дејност.
Самиот проект опфаќа повеќе
компоненти кои се инвестициски.
Компонента
за подобрување на системот за наводнување, која опфаќа затворање на еден
од главните канали на системот за наводнување за да се намалат техничките
загуби и загубите од испарување кој покрива отпилика 140 хектари земјоделско
земјиште, со оваа интервенција истовремено се очекува зголемување на
достапноста на вода преку левиот канал и дополнителни количина на вода за
струмичкиот дел од водниот слив.
Изградба на енергетски
ефикасна пумпна станица како и целосна промена на постоечките хидранти како и
делумна замена на хидромеханичката опрема на површина на целиот систем за
наводнување.
Рехабилитација на заштитните
структури на системот во близина на селото Ињево и подобрување на системот за
мониторинг на потрошувачката на вода.
Втората
компонента е за подобрување на структурата на земјоделското земјиште и
производствените практики:
Имплементација на
консолидација на земјоделско земјиште согласно Закон за консолидација преку
подготвување на студии за оправданост, планови за распределба и регистрација на
истите во катастарот на недвижности на преку 10 000 парцели земјоделско
земјиште.
Подготвување на технички
дизајн и изградба на потребна земјоделска инфрастуктура во рамки на проектите
за консолидација како пристапни патишта.
Воспоставување на земјоделски
практики за климатски одржливо земјоделско производство преку:
-пилотирање со обезбедување на
опрема за воспоставување на капка по капка на 40 хектари.
-пилотирање на технологија за заштита од мраз и УВ заштита на 10 ха.
– набавка на земјоделски
репроматеријали и обуки за диверсификација на земјоделското производство за
околу 400 земјоделци или околу 150 хектари производство.
– Паралелна поддршка за
органско производство и набавка на машини за мулчирање и нивно ставање на
располагање на најмалку 30 земјоделски стопанства
Третата компонента опфаќа подобрување на пристап кон климатските и метереолошките податоци: Воспоставување на нови метереолошки станици поврзани со УХМР. Мапирање на почвата и дигитализација во земјдеолското производство.