Православните верници денеска го слават празникот посветен на Света Петка
Православните верници денеска го слават празникот посветен на Преподобната Параскева или меѓу народот позната како Света Петка. По тој повод на манастирот Света Петка во Ињево денеска голем број верници присуствуваа на божествена литургија и на прослава во текот на целиот ден. Значењето на Преподобна Параскева е големо и црквата и верниците со посебна почит го чествуваат овој празник.
Света Петка се смета за заштитничка од разни несреќи, но и од многу болести поради што народот ја нарекува уште и мајка Параскева. Многу лековити извори се поврзани со нејзиното име и се наречени Петочни води. На денешното празнување на манастирот Света Петка во Ињево беше подготвен и манастирски ручек за повеќе верници кои пристигаа не само од општина Радовиш туку и од други градови и села од земјава.
Во духот на вистински православни христијани верниците се помолија на иконата Света Петка и запалија свеќа за здравје а потоа се придружија на прославата. Мајсторот Ѓорге Димитров кој учествувал во изградбата на манастирот Света Петка, раскажува кога е изграден и како се започнало, уште во далечната 1974 година, кога не бил во состав на црквата. Потоа бил разрушен за во 1994 година да започне вистински да се гради признаен и благословен од Православната црква.