Избори 2021
Втор круг на локални избори ќе има во пет општини во Југоистокот
Објавено на
Од
Media Press
Во пет општини во Југоистокот ќе има втор круг на гласање кое ќе се одржи на 31 октомври.
Втор круг на локалните избори ќе има во општина Радовиш. Според обработените податоци на ДИК, засега Ацо Ристов од ВМРО-ДПМНЕ со 4.894 води пред останатите тројца противкандидати. Тој ќе ја води битката во вториот круг со Коле Чаракчиев кој засега има 3280 освоено гласови. Горан Поцев освои 2071 и Герасим Конзулов 1895 од вкупните гласачи.
Во Гевгелија во трка во вториот круг влегуваат Андон Сарамандов, кандидатото на ВМРО -ДПМНЕ со 6.064 гласа и актуелниот градоначалник и кандидат за втор мандат од СДСМ, Сашо Поцков со 4.465 освоени гласови. Виктор Петков од ЛДП и ДОМ освои 999 гласови, Глигор Петков независен кандидат 504 и Љупчо Кадиев од ИНТЕГРА 129 гласа.
Тесна ќе биде трката во вториот круг помеѓу кандидатите за градоначалник на општина Василево. Таму води Славе Андонов од ВМРО -ДПМНЕ со 3.090 гласови пред Марјан Јанев од СДСМ кој освои 3.035.
Втор круг на гласање ќе има и во Општина Конче. Актуелниот градоначалник води со 968 освоени гласови пред Златко Ристов од ВМРО ДПМНЕ кој освои 859. Орхан Баров од ДПТ освои 172 гласови.
Уште една општина во југоистокот ќе има втор круг за избор на градоначалник на локалните избори 2021. Ново Село не доби градоначалник во првиот круг. За две седмици двајцата кандидати уште еднаш ќе си ги одмерат силите. Звонко Ангелов од СДСМ и Ѓорге Божинов од ВМРО-ДПМНЕ повторно ќе се тркаат за две седмици. Неофицијално, причина е големиот број на неважечки ливчиња, околу 160. Вера во Македонија се одржаа седмите по ред локални избори на кои според податоците кои сега стојат на располагање, вкупната излезенос била 48% односно гласале 848.104 граѓани од вкупно запишаните во избирачкиот список 1.824.864 гласачи, а податоците сеуште се обработуваат.
Гласањето во последните избирачки места според ДИК завршило во 21:55 часот вчера, односно два часа и 55 минути по 19 часот, кога требаше да се затворат избирачките места.
Апаратите за земање отпечаток од прст, што првпат се користат на овие избори, не оставија добар впечаток кај гласачите и тие беа најчестите проблеми со кои се соочуваа и гласачите и членовите на избирачките одбори.

Поврзани содржини

ДИК ги објави конечните резултати од вториот изборен круг

Од обработените податоци за Локалните избори ќе има шареноликост во општинските совети во Југоистокот

Десети ден изборна кампања за локалните избори, партиите на терен ја бараат поддршката

Дури 35 кандидати за градоначалници влегуваат во трка за градоначалничко место, во општините во Југоистокот
Избори 2021
ДИК ги објави конечните резултати од вториот изборен круг
Published
5 години agoна
ноември 4, 2021By
Media Press
Државната изборна комисија на вчерашната седница го донесе заклучокот за известување за конечност на резултати од гласањето за Избор на градоначалници на општините и Градоначалник на Град Скопје, по одржан втор изборен круг на ден 31.10.2021, за соодветните општини.
На гласањето во вториот изборен круг одржано на 31.10.2021 година се избрани градоначалници во следните општини:
| Општина | Подносител на листа на кандидат за градоначалник | Име и презиме на избран градоначалник |
| Арачиново | Демократска унија за интеграција – ДУИ | Ридван Ибраими |
| Битола | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Тони Коњановски |
| Боговиње | Демократска унија за интеграција – ДУИ | Бесник Емши |
| Василево | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Славе Андонов |
| Вевчани | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Спасе Кочовски |
| Врапчиште | Коалиција алијанса за албанците и алтернатива | Исен Шабани |
| Гевгелија | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Андон Сарамандов |
| Гостивар | Коалиција алијанса за албанците и алтернатива | Арбен Таравари |
| Дебрца | Група избирачи „Зоран Ногачески“ | Зоран Ногачески |
| Демир Капија | Коалиција „Најдоброто за мојата општина“ предводена од СДСМ | Лазар Петров |
| Демир Хисар | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Никола Најдовски |
| Долнени | Демократска унија за интеграција – ДУИ | Урим Ибески |
| Зелениково | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Коста Маневски |
| Карпош | Граѓанска опција за Македонија – ГРОМ | Стевчо Јакимовски |
| Кичево | Демократска унија за интеграција – ДУИ | Фатмир Дехари |
| Кратово | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Тодорче Николовски |
| Куманово | Група избирачи „Максим Димитриевски“ | Максим Димитриевски |
| Лозово | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Бошко Цветковски |
| Македонска Каменица | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Димчо Атанасовски |
| Македонски брод | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Жарко Ристески |
| Ново Село | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Ѓорѓе Божинов |
| Охрид | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Кирил Пецаков |
| Пехчево | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Александар Китански |
| Радовиш | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Ацо Ристов |
| Ранковце | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Борче Спасовски |
| Ресен | ВМРО-ДПМНЕ и коалиција „Обнова на македонија“ предводена од ВМРО-ДПМНЕ | Јован Тозиевски |
| Росоман | Коалиција „Најдоброто за мојата општина“ предводена од СДСМ | Стојан Николов |
| Струга | Демократска унија за интеграција – ДУИ | Рамис Мерко |
| Теарце | Демократска унија за интеграција – ДУИ | Нухи Незири |
| Тетово | Движење БЕСА | Биљал Касами |
| Центар | Коалиција „Најдоброто за мојата општина“ предводена од СДСМ | Горан Герасимовски |
| Чаир | Демократска унија за интеграција – ДУИ | Висар Ганиу |
| Чашка | Коалиција „Најдоброто за мојата општина“ предводена од СДСМ | Горан Стојановски |
| Чучер Сандево | Коалиција „Најдоброто за мојата општина“ предводена од СДСМ | Сашко Комненовиќ |
| Град Скопје | Група избирачи „Данела Арсовска“ | Данела Арсовска |
Избори 2021
ДИК ги објави првичните официјални резултати од вториот круг на Локалните избори
Published
5 години agoна
ноември 1, 2021By
Media Press
Согласно објавените првични официјални податоци ВМРО-ДПМНЕ и коалицијата „За подобра Македонија“ во вториот круг од Локалните избори освоија градоначалнички места во 20 општини од кои во 5 општини во Југоисточниот регион. ВМРО -ДПМНЕ однесе победа во Битола, Брвеница, Василево, Вевчани, Гевгелија, Демир Хисар, Зелениково, Конче, Кочани, Кратово, Лозово, Македонска Каменица, Македонски Брод, Ново Село, Пехчево, Охрид, Ранковце, Ресен, Чешиново-Облешево и Радовиш.
Коалицијата „Најдоброто за мојата општина“ предводена од СДСМ освои градоначалнички места во седум општини – Демир Капија, Пробиштип, Росоман, Старо Нагоричане, Чашка, Чучер Сандево и Центар. Седум градоначалнички места во вториот круг освои и ДУИ и тоа во Арачиново, Боговиње, Долнени, Кичево, Струга, Теарце и Чаир.
Избори 2021
Зоран Заев поднесе оставка како лидер на СДСМ и премиер на државата
Published
5 години agoна
октомври 31, 2021By
Media Press
Премиерот Зоран Заев на прес конференција по упатувањето честитки на опонентите за победата во Локалните Избори поднесе оставка од премиерската позиција на државата како и од претседателската функција во СДСМ.
„Ја преземам одговорноста на себе за ваквиот развој на политичките настани заклучно со резултатите на овие избори. Поднесувам оставка од премиер и од претседател на социјал демократскиот сојуз на Македонија.“ – изјави Заев на прес конференција

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

