Connect with us

Радовиш

Радвиш загуби двајца големи алпинисти и спортисти, еден од нив, наш поранешен колега Зоран Мајсторки

Media Press

Published

на

Радовиш денеска загуби професионален алпинист, познат по своите успеси на домашно и меѓународно ниво, во несреќен случај на својата последна работна задача, чистење на силоси во рудникот Бучим, заедно со уште едно младо момче, негов колега.

Еден од најдобрите сниматели и фотографи во Радовиш, голем пријател, граѓански активист, спортист и пред се храбар човек кој постигнуваше големи успеси, поранешен снимател во Телевизија Кобра, наш колега Zoran Majstorski. РТВ Кобра изразува длабоко сочувство до неговото семејство и семејството на неговиот пријател.

Дваесет години работеше како снимател во Регионална телевизија Кобра и локалната ЕМИ телевизија.  Од него има направено безброј професионални видеа и фотографии во архивата на телевизја Кобра. Последното негово ангажирање во ТВ Кобра беше токму вчера на снимањето на Дебатната емисија со кандидатите за градоначалници на Општина Радовиш. Мајсторски вчера ги направи и последните фотографи со својот телефон во студиото на РТВ Кобра, Радовиш, токму од позади камерата, со која секогаш со голема љубов работеше.

Мајсторски е планинар е од својата 12 година, како што самиот знаеше да каже, прв пат тоа се случило кога избегал од часови од училиште.  Со алпинизам се занимава  од 1993, се искачил на највисоките европски врвови, а во последните неколку години и егзистенцијата ја обезбедуваше од висинска работа – со чистење на високи фабрички оџаци, круни на брани, силоси, во Македонија, но и во Србија, Бугарија, Косово, Црна Гора.

Од ова добро заработувам за живот за себе и за семејството, сопругата и двата сина“ често знаеше да каже 44 годишниот наш пријател, Зоран Мајсторски. Токму една таква работа која денеска ја извршуваше беше кобна по неговиот живот и живот на неговиот колега.

Јажето и алпинизмот кој му беа хоби, во последните неколку години му беа  животна егзистенција. Изведуваше работи на солитери, на високи фабрички оџаци и друга висинска работа во Македонија и во соседните земји.

 „Сега комплетно му се посветив на јажето. И како алпинист и како професија, но од камерата и од фотоапаратот никогаш нема да се  откажам. Убавините кои ги гледам кога се искачувам на највисоките врвови, морам да ги забележам“, често знаеше да каже Зоран.

Зоран Мајсторски, беше  истакнат македонски алпинист. Од 1993 година, почнува со алпинизмот. Во долгогодишниот алпинистички стаж, Мајсторски се има искачено на многу познати и опасни европски врвови, а посебен предизвик му биле тие на Алпите. Бил на Мон Блан, Матерхорн и на други врвови. Последното негово искачување беше токму на Мон Блан пред два месеци.

 Во последната деценија во повеќе наврати е добитник на годишната награда за алпинизам „Јован Ангелов Циго“ на Македонската алпинистичка федерација. Во 2006 година го формира Алпинистичкиот клуб „Плоча“ од Радовиш, во кој беше и претседател, инструктор по алпинизам и главен тренер. Клубот лани го доби Шестоноемвриското признание на Радовиш, а лично Зоран тоа признание го има добиено во 2012 година.

Во алпинизмот полека и со љубов ги воведе и неговите двајца синови Александар и Матеј, а посебно активен е помалиот Матеј (12), кој веќе има повеќе признанија на државно ниво во неговата возрасна категорија.

Радовишкиот алпинистички клуб „Плоча“ го има атрактивниот алпинистички локалитет Плоча, кој е покрај патот Радовиш – Штип кај месноста Пилав Тепе каде Зоран често се искачуваше заеднос со своето семејство, неговата сопруга Данче и неговите синови. РТВ Кобра искрено сочувствува и жали за загубата на еден голем професионалец. Почивај во мир Zoran Majstorski. Ќе те паметиме како голем професионалец и голем човек.

Радовиш

СТОП ЗА СООБРАЌАЈНОТО НАСИЛСТВО -мирен јавен собир во Скопје

Media Press

Published

на

Семејството, роднини и пријатели на 24-годишната Викторија Николова од Радовиш, која загина во сообраќајната несреќа кај Сити Мол во Скопје и нејзиното момче кое беше полесно повредено, во недела ќе организираат мирен собир на местото на трагедијата.

„Во знак на револт кон СООБРАЌАЈНОТО НАСИЛСТВО и начинот на кој се третирани пешаците и сите учесници во сообраќајот, кои се придржуваат до правилата, а со последната трагедија каде што на 20.01.2022 згасна млад живот, згасна надежта Викторија да ги оствари своите соништа.
Поради тоа на 30.01.2022 година од 12:00ч до 13:00ч на место на несреќата, раскрсницата на бул.”Партизански одреди” кај City Mall ќе се одржи мирен, достоен и јавен собир каде што ќе оддадеме почит кон Викторија Николова како последна жртва во ваквото сообраќајно насилство, а воедно и ќе оддадеме почит кон сите жртви во вакви и слични сообраќајни несреќи.
Нашата цел е единствена, а тоа е да се стави КРАЈ на бeзобзирното возење ни улиците во државата и да ја подигнеме свеста на учесниците во сообраќајот дека нашите деца, а и самите ние треба да се движиме слободно на пешачките зони и по тротоарите, зато што тоа е единственото место каде што пешаците треба да се чувствуваат слободно.

На мирен и достоинствен начин да го искажеме нашето незадоволство од непочитување на сообраќајните правила, сите сме пешаци и учесници во сообраќајот, вакви настани повеќе да не се повторат, свеста е кај секој од нас, да ја искористиме и да ја подигнеме за побезбедни улици“, стои во објавата за настанот.

Прочитај повеќе

Радовиш

Предадени уметнички слики од здружението ДЛУР„Рада“ на Општина Радовиш

Media Press

Published

на

Во знак на благодарност за повеќегодишната поддршка и покровителство на меѓународната радовишка ликовна колонија „Св.Ѓоргија“ која традиционално се одржува секоја година во Радовиш, од страна на Здружението на ликовни уметници „РАДА-ДЛУР“ од Радовиш на ЕЛС општина Радовиш и беа дадени неколку уметнички слики, изработени од ликовните уметници кои учествуваа на минатогодишната ликовна колонија.

На средбата се разговараше за тековните и идните проекти на Друштвото, проблемите со кои се соочуват членовите како и продолжувањето на традицијата на одржување и уште посилен меѓународен карактер на ликовната колонија „Св.Ѓоргија“, која е еден од најважните културни брендови на општина Радовиш.

Подарените дела од страна на претседателот на здружението Душан Коцев ги прими гадоначалникот Ацо Ристов кој ја потврди поддршката и во иднина.

Прочитај повеќе

Радовиш

Минусни температури се измерени во целата држава, во Радовиш утринава минус 10 степени

Media Press

Published

на

Минусни температури утринава низ целата територија на државата. Најтопло во Дојран со минус 5 степени, а најстудено во Делчево со минус 18 степени. Во Радовиш утринава се измерени минус 10 степени целзиусиви, исто и во Струмица.

Времето денеска студено, сончево и ветровито на повисоките места ќе паѓа и снег. Ќе дува ветер од северн правец со 30 километри на час.

УХМР информира дека највисока снежна покривка од 39 сантиметри има во Маврови Анови, 31 на Попова Шапка, a 14 сантиметри во Крушево.

Прочитај повеќе