Вчера околу 15.00 часот во Полициската станица Валандово било пријавено дека на крстосница од улиците „Првомајска“ и „Лазар Колишевски“ во Валандово се случила сообракајна несреќа помеѓу патничко моторно возило „ауди“ со велешки регистарски ознаки, управувано од А.А.(20) од Валандово и мотоцикл без регистарски ознаки, управуван од Џ.К.(19) од село Дедели, валандовско.

Во несреќата со тешки телесни повреди се здобил возачот на мотоциклот, констатирани во Медицински центар Гевгелија, а увид на местото извршила екипа на Полициската станица Валандово.

ВМРО -ДПНЕ вечерва со митинг во Валандово. На граѓаните им се обрати кандидатот за градоначалник Тони Узунов и лидерот на ВМРО -ДПМНЕ Христијан Мицкоски.

Мицкоски ја спомна бугарската пилитика во која се бара промена на Уставот и внесување на бугарите малцинство во него. Тој рече дека треба да има реципроцитет, и македонците во Бугарија да бидат внесени во бугарскиот устав.

Министерката за труд и социјална политика, Јагода Шахпаска денеска беше во посета на Општина Валандово и заедно со градоначалникот Перо  Костадинов, направија увид во градежните работи на новиот објект-детска градинка во село Јосифово, Општина Валандово.

„Новата градинка во Јосифово има капацитет да згрижи 57 деца организирани во три воспитни групи, за која Министерството за труд и социјална политика издвои 22 милиони денари“ , рече министерката Шахпаска.

Градоначалникот на Општина Валандово, Перо Костадинов изрази задоволство од темпото со кое се движат градежните активности и воедно изрази и благодарност до Министерството за труд и социјална политика, за инвестицијата во Јосифово, со која на децата од ова населено место им се овозможува да посетуваат нова современа градинка со сите услови за квалитетно  предучилишно образование.