Кандидатот за градоначалник на Радовиш Ацо Ристов, во посета на наслените места Ораовица и Бучим
Кандидатот
за градоначалник на Радовиш Ацо Ристов, од редовите на
ВМРО-ДПМНЕ и коалицијата оствари средба со жителите
на населените места
Бучим и Ораовица.
„Овие трудољубиви луѓе кои опстануваат од земјоделството и сточарството се разочарани. Велат, на секои избори ни ги ветуваат истите работи но никако да ги остварат. Немат ниту едно ново вработување на младите лица. Добро ги ислушав сите нивни критики и ги запишав сите барања. Овие луѓе заслужуваат максимална поддршка и тоа им го ветив. Ќе работиме максимално да го вратиме нормалниот живот во Бучим. Со чиста вода за пиење, со редовно собирање на сметот, со нови зелени површини и со бесплатен интернет“, вели Ристов.
Ацо Ристов ја посети и Ораовица за кој што вели дека е секогаш мотивирана кога треба да се сака и брани сопствената држава и сопствениот народ.
„За жал актуелната власт го заборави ова место. Дозволи да почнат да се распаѓат изградените објекти а не ни помисли да изгради нешто ново. Никој не ги прашува дали се задоволни од животот, дали живеат во нормална држава, дали воопшто имат надеж. Освен се поголемото иселување друго ништо не е мрднато. Им ветивме дека на овие локални избори влегуваме со чисто срце подготвени за многу работа и конкретни резултати“, вели Ристов.