Connect with us

Свет

Влез во Швјцарија само со сертификат за примена вакцина, во Австрија може и со доказ за прележан коронавирус

Media Press

Published

на

Швајцарија, Белгија и Австрија донесуваат нови Ковид-19 правила за патници кои влегуваат во нивните земји, информира Министерството за надворешни работи на Република Македонија. 

За Швајцарија повеќе не е во сила забраната за влез на државјани од трети земји, вклучително и од Република Македонија, заради туристички или било каков друг вид престој, но само со потврда/сертификат за примени две дози од вакцина (Повеќе информации за видот на вакцината и условите за влез, може да се пронајде на следниот линк: https://travelcheck.admin.ch/check). Условот за поседување на негативен тест (PCR или Antigen), повеќе не се прифаќа како основ за влез за оваа категорија лица.

Доколку лицето ги исполнува условите за влез во Швајцарија, потребно е до 12 часа пред влезот во Швајцарија, да го пополни формуларот кој се наоѓа на веб страна на Федералната канцеларија за јавно здравје на Швајцарија, или поточно на следниот линк: https://swissplf.admin.ch/formula 

Белгиската Влада воведува карантин за невакцинираните патници кои во Белгија ќе влегуваат од црвените зони меѓу кои е и Северна Македонија. Поради зголемениот број на нови пациенти во болниците во регионот на главниот град и пошироко во Белгија, веќе од утре (петок, 17 септември) ќе се воведат построги правила на карантин за патниците кои пристигнуваат од црвената зона. Оние кои не се целосно вакцинирани (две дози во соодветен временски интервал) или немаат сертификат за прележана болест, по пристигнувањето во Белгија од црвената зона, мора да поминат 10 дневен период на карантин. Карантинот може да се скрати ако резултатот од дополнителниот тест на седмиот ден е негативен.

За влез во Австрија потребен е еден од следните докази: доказ за вакцинација или доказ за прележан коронавирус, што преставува единствен начин да се избегне карантин од 10 дена, кој може да биде прекинат по 5 дена со нов негативен резултат на ПЦР тест.

Малолетниците до дванаесет години, исто така, мора да се изолираат и да се регистрираат при пристигнувањето, освен ако возрасниот што патува со нив не е ослободен од самоизолација; децата над 12 години мора да поседуваат доказ за вакцинација или доказ за прележан ковид-19. За примена вакцина со единечна доза, мора да покажете дека сте ја примиле вакцината пред повеќе од 21 дена, но не повеќе од 360 дена, пред пристигнувањето.

Повеќе информации за рестриктивните мерки за сите држави се објавени на веб страната на МНР, поконкретно на следниот линк –https://www.mfa.gov.mk/mk/page/1706/informacii-za-covid19

прикажи повеќе
Advertisement

Свет

Во Холандија и Шведска нема повеќе карантин за македонските граѓани кои се вакцинирани

Media Press

Published

на

Холандија и Шведска го укинаа задолжителниот карантин од десет дена за патниците кои се целосно вакцинирани и кои ќе приложат сертификат за вакцина, без разлика дали доаѓаат од групата високо ризични земји каде спаѓа и Македонија, соопшти денеска Министерството за надворешни работи (МНР).

Слични олеснителни мерки наскоро најави и Белгија и тоа почнувајќи од 1 октомври.

Досега, 35 % од популацијата во Македонија примила две дози вакцина или вкупно се вакцинирани 786.979 граѓани.

Прочитај повеќе

Свет

И покрај зголемениот број на заразени од коронавирусот Грција не размислува да воведе строги мерки

Media Press

Published

на

Грчката Влада не планира да воведе строги ограничувачки мерки и покрај зголемениот број новозаболени од Ковид-19, јавуваат тамошните медиуми. Вчера имаше нови 3.600 лица заразени со коронавирусот за еден ден.

Властите соопштија дека се интензивираат полициските контроли во туристичките места. Тие веќе затвораат објекти кои имаат повеќе гости од дозволениот број и не се во согласност со мерките.

За влез во Грција, задолжителни се два документи, едниот е специјален образец (PLF) со лични податоци, адреса и траење на престојот во земјата, што се пополнува на специјален сајт до еден ден пред патувањето, а вториот е документ е поврзан со Ковид-19 што докажува или вакцинација или негативен ПЦР тест или прележана болест.

Прочитај повеќе

Свет

Денеска започнува второто судење на Трамп пред Сенатот

Media Press

Published

на

Поранешниот американски претседател Доналд Трамп денеска ќе го започне второто судење пред Сенатот, една година по првиот процес за отповикување. Членови на Сенатот мора да одлучат дали тој го поттикнал нападот врз Капитол, кој заврши со смртни последици.

Бунтот, кој што според некои демократи е обид за државен удар извршен од домашни терористи, се смета за најопасен напад врз американската демократија од Граѓанската војна во 1860 година.

Претставничкиот дом го обвини Трамп на 13 јануари за „поттикнување бунт, засекогаш означувајќи го како претседател кој двапати беше отповикан.

Прочитај повеќе