Традиционално и оваа година, под покровителство на
Градоначалникот и Советот на општина Радовиш, а во организација на Македонската
православна црква, Брегалничка епархија – Храм Св.Троица, ќе биде одбележано чествувањето на патронот и заштитник на градот – Св.Спасо
Радовишки.
Согласно протоколите и препораките од комисијата за заразни болести при министерството за здравство и центарот за јавно здравје, и годинава чествувањето ќе биде организирано само со духовен односно црковент дел и со превземање на сите неопходни мерки за заштита на граѓаните.
За годинава кога заштитникот на градот Радовиш се празнува по
13 пат поради пандемијата
со Ковид 19 е предвидена скромна Програма:
Утре 20 август – Петок е предвидено е во 18:00 час. Вечерна богослужба во Храм „СВ.ТРОИЦА“, веднаш потоа во 19:30 час. Молебен пред Параклисот „Св.Спасо Радовишки“.
На 21 август во Сабота во 08:00 час. ќе се одржи Света литургија во Храм „СВ.ТРОИЦА“ и Славски колач. Спасителот Спасо кој по потекло е од радовишко го загубил животот во тешки маки во 1794 година бранејќи ја Христивата вера, по што малку подоцна е прогласен за светец поради неговата голема љубов и пожртвуваност кон господ Исус Хростос.
За одбележување на празникот секоја година црковниот храм Света Троица и Општина Радовиш на 20 и 21 август предвидуваат богата духовна и музичка програма.