Connect with us

Струмица

Општина Струмица денеска одбележува 9 години од големиот пожар во кој загинаа четворица струмички пожарникари

Media Press

Published

на

Денеска се навршуваат девет години од оној 23 јули 2012 година, кога големиот пожар предизвикан од човечки фактор, а кој избувна на струмичкиот рид, над периферијата од градот, беше причина четворица струмичани трагично да го загубат својот живот.

Струмица вечно ќе ги памети имињата на браќата Блажо Стојков и Пено Стојанов од Рич, Мите Ѓоргиев од Струмица и Војо Гркљанов од Вељуса кои храбро се бореа со огнената стихија и со натчовечки напори се обидуваа да спречат, огнените јазици да ги зафатат и куќите од горниот дел на градот.

Во знак на почит, претставници од Општина Струмица, положија свежо цвеќе пред Споменикот подигнат во нивна чест, а цвеќе положија и членови на семејствата и претставници на политички партии.

Струмица

Републичкиот совет за безбедност на сообраќајот на патиштата ја започна кампањата „За безбедно дете“

Media Press

Published

на

Републичкиот совет за безбедност на сообраќајот на патиштата ја започна кампањата „За безбедно дете“ чиј императив е безбедно, внимателно и одговорно учество на децата и младите во сообраќајот. Во склоп на оваа кампања РСБСП обезбеди и подари едукативен хардвер и софтвер за доопремување на сообраќајниот кабинет во СОУ „Никола Карев“ – Струмица.

Првенствена цел на оваа донација е како што велат од Републичкиот совет за безбедност на сообраќајот на патиштата е поддржување и промовирање на проектот за унапредување на образованието и развој на информатичкото општество, но пред сè подигнување на безбедноста во сообраќајот преку изучување на правилата и прописите во сообраќајот во средните училишта во Република Македонија.

Прочитај повеќе

Струмица

Звездана Ангеловска добитник на наградата „Ристо Шишков“

Media Press

Published

на

Aктерката Звездана Аангеловска  е 29 –от  лауреат на фестивалот на камерен театар Ристо Шишков кој заврши синоќа во Струмица. Ангеловска единствената награда на фестивалот која го носи името на Ристо Шишков, а се доделува за високо актерско остварување ја доби за улогата на Таа во претставата ,,Само Глас,, во продукција на Македонскиот народен театар. наградата ја доби во конкуренција помеѓу триесетина актери од земјата од странство. Во образложението на жири комисијата меѓу другото стои дека Ангеловска  манифестирала  модерен актерски израз во контекст на актуелниот глобален и општествен миг.

Ангеловска не присуствуваше на доделувањето на наградата, која се состои од златен медалјон со ликот на Шишков и парична награда во износ од 1.500 евра. Според директорот на Фестивалот, Ванчо Ристов Патриков, наградата ќе и биде врачена дополнително.

Инаку, Звездана Ангеловска по втор пат ја добива наградата „Ристо Шишков”. Прв пат ја доби во 2003 година и досега е единствена која два пати се закитува со ова признание.

Прочитај повеќе

Струмица

Во Струмица нестабилно, короната влезе и во училиштата

Media Press

Published

на

Короната влезе и во струмичките училишта. Еден клас од средно и еден од основно училиште во Струмица се ставени во изолација откако меѓу учениците се појавиле позитивни случаи на коронавирус, соопштија од Центарот за јавно здравје во Струмица, од каде велат дека трансмисијата на вирусот била во самите уличишта и затоа се водат како нови кластери.

,, Имаме дури и два кластери, еден во основно општинско училиште, друг во средно општинско училиште. Прeземени се сите неопходни мерки и се надевам дека во иднина нема да се појавуваат други ученици, меѓутоа ако постои ние по епидемиолошка индикација секако ќе тестираме. Дел од учениците веќе се ставени во домашна изолација, тие се под надзор и се следи нивната здравствена состојба.,, вели епидемиологот Мери Николова Гичева.

Освен во училиштата позитивни случаи се регистрирани и во две  градинки поради што две групи од околу дваесетина деца и неколку вработени се ставени во изолација.

Од центарот за јавно здравје моменталната состојба во струмичкиот регион ја оценуваат како нестабилна бидејќи вирусот и понатаму забрзано се шири и затоа апeлираат до граѓаните на максимално почитување на мерките и пропишаните протоколи.

Прочитај повеќе