Лидерот на СДСМ Зоран Заев, на прес конференција по седницата на
раководството на партијата објави триесет имиња за кандидати за
градоначалници од нивната партија. Во Југоисточниот регион најголемиот дел од
постојните градоначалници ќе бидат кандидати и за втор мандат.
Перо
Костадинов за Валандово, Анго Ангов за Дојран, Блаже Шапов во Богданци, Зоран
Зимбаков во Босилово, Маријан Јанев во Василево и Благој Илиев во Конче.
Според изјавата на Заев, половина од
десетте градоначалници во овој регион ќе бидат во трката за градоначалници и на
локалните избори наесен.
Сеуште е неизвесно кој ќе биде кандидат на оваа партија за Општина Струмица, за Општина Радовиш, за Гевгелија и за Ново Село. Лидерот Заев рече
дека одлуката за овој избор не ја донел сам, туку е направена врз
база на анкети. Според него кандидатите со најголема доверба меѓу граѓаните, но
и тие кои се покажале како чесни и вредни ќе бидат предложени за повторен
избор.
До СДСМ биле
поднесени 630 кандидатури за градоначалници и 5.000 кандидати за советници,
преку можноста за самокандидирање, но и во постапките во рамки на партијата.
„По спроведените испитувања на јавното мислење, на мислењето на
граѓаните, анализите и истражувањата, консултациите со нашето членството,
целосно се завршени и со одлука на раководството дефинирани се првите 30
кандидати за градоначалници од редовите на СДСМ“, рече Заев.
- Перо Костадинов – Валандово
2. Меликије Халими – Арачиново
3. Благојчо Шапов – Богданци
4. Зоран Зимбаков – Босилово
5. Велимир Смилевски – Бутел
6. Маријан Јанев – Василево
7. Сашо Јанковски – Вевчани
8. Ивица Димитров – Виница
9. Роберт Бешовски – Градско
10. Горан Трајковски – Делчево
11. Лазар Петров – Демир Капија
12. Анго Ангов – Дојран
13. Борче Гиевски – Зелениково
14. Јордан Насев – Карбинци
15. Филип Темелковски – Кисела Вода
16. Благојчо Илиев – Конче
17. Томе Христовски – Крушево
18. Аце Велковски – Лозово
19. Медат Куртоски -Маврово-Ростуше
20. Љубе Кузмановски – Новаци
21. Константин Георгиевски – Охрид
22. Елизабета Зелениковска – Петровец
23. Славчо Пандурски – Пехчево
24. Драган Анастасов – Пробиштип
25. Живко Гошаревски – Ресен
26. Стојан Николов – Росоман
27. Жаклина Јовановска- Старо Нагоричане
28. Горан Стојановски – Чашка
29. Сашко Николов -Штип
30. Петре Шилегов – Скопје
