Connect with us

Радовиш

Рудниците Бучим и Боров Дол доделија две вредни донации, за две јавни институции во Радовиш

Media Press

Published

на

Две донации на рудниците Бучим и Боров Дол за две јавни институции во Радовиш. Донација булдожер  за потребите  на ЈП Плаваја и амбулантно возило за Здравствениот дом во Радовиш.  Генералниот директор на Рудникот Бучим Олег Чусовитин и генералниот директор на Боров Дол Павло Кривинскиј, денеска ги предадоа донациите на директорите на  јавните институции, во присуство на градоначалникот на Општина Радовиш Герасим Конзулов и раководителот на одделението за урбанизам Кирчо Сусинов.

Директорот на ЈП Плаваја Дејан Крстев рече дека оваа машина булдожер ќе се користи исклучиво за уредување на градската депонија.  Тој додели благодарница на директорот на Бучим, во знак на благодарност на двете компании кои ја донираа оваа вредна донација, градежна машина булдожер, тешка околу 35 тони.

Здравствениот дом во Радовиш доби ново амбулантно возило опремено со  потребната медицинска опрема. Директорката д-р Лимонка Илиевска се заблагодари за оваа вредна донација и со тоа како што рече, возниот парк на Итната медицинска помош се зголеми на пет амбулантни возила.

Градоначалникот Герасим Конзулов се заблагодари на  рудниците Бучим и Боров Дол за овие донации, кои ќе бидат искористени за потребите на двете институции. Тој спомна дека ЈП Плаваја е едно од најопремените јавни претпријатија во државата, и тоа благодарение на успешното менаџирање на директорот и со помошта од општината и од рудниците Бучим и Боров Дол.

На вработените во Здравствениот дом им посака што помалку да го користат новото амбулантно возило, односно да имаат што помалку пациенти.

 „Со подобрување на ефикасноста на општинските институции ја потврдуваме нашата заложба дека и понатаму ќе работиме во интерес на граѓаните“, рече прес секретарот на рудниците Бучим и Боров Дол, Крстина Крстева.

Таа додаде дека согласно општествената одговорност на двата рудника секогаш работат кон унапредување и подобрување на условите на локалното население во општините во кои што работат.

Радовиш

Откриена група крадци од Радовиш кои извршиле девет кривични дела

Media Press

Published

на

 Одделението за внатрешни работи Радовиш поднесе кривична пријава против три полнолетни лица од Радовиш и едно известување за две малолетни лица од Штип, кои престојувале во Радовиш, поради постоење основи на сомнение дека во текот на месеците мај, јуни и јули 2021 година, извршиле девет кривични дела на подрачјата на Радовиш.


Петте лица се сомничат дека сториле шест кривични дела „тешка кражба “ и 3 кривични дела „тешка кражба во обид“ во објекти сопственост на  физички и правни лица, лоцирани во  Радовиш и на планината Плачковица.
Со сторените дела осомничените се стекнале со противправна имотна корист од околу 301.550 денари.

Прочитај повеќе

Радовиш

Чаракчиев: И покрај пандемијата со Ковид – 19, Владата во изминатиот период инвестираше најмногу во здравството

Media Press

Published

на

И покрај пандемијата со Ковид – 19 Владата во изминатиот период инвестираше најмногу во здравството,  рече пратеникот  и претстедател на  ОО на СДСМ  од Радовиш Коле Чаракчиев, на денешната прес конференција. Тој спомна дел од мерките кои ги реалзира владата во

„Владата инвестираше како во човечки капитал така и во ресурси , инфраструктура и опрема, Специјализации заклучно со 2022 година ке добијат некаде околу 930 лица, во исто време е зголемена капитацијата на матичните лекари“, рече меѓудругото Чаракчиев.

Прочитај повеќе

Радовиш

Во предизвикан пожар делумно изгореле викенд куќа и помошен објект во близина на река Сушица во Радовиш

Media Press

Published

на

Вчера околу 20.00 часот во Полициската станица Радовиш, Б.К.(36) од Радовиш пријавил дека настанал пожар во викенд куќа, сопственост на В.Б. лоцирана во близина на река Сушица, атар на Радовиш, во кој делумно изгореле викенд куќата и помошен објект.

По интервенција на екипа на Територијалната противпожарна единица Радовиш пожарот бил изгаснат, а увид на местото извршила екипа на Одделението за внатрешни работи Радовиш.

Прочитај повеќе