Connect with us

Конче

Општина Конче го одбележа празникот на општината 12 -ти Јули, Петровден

Media Press

Published

на

Општина Конче го одбележа празникот на општината 12 -ти Јули, Петровден со пригодна свеченост, и културно иметничка програма.

По повод празникот на општината,  беше одржана свечена седница на Советот, на која градоначалникот Благој Илиев, изврши прием на поканети гости, деловни партнери и пријатели, директори на јавни институции  и приватни компании меѓу кои и генералниот  директор на РБ Бучим, Олег Чустовитин, потоа градоначалникот на Општина Радовиш Герасим Конзулов и други гости. Присутните ги поздрави градоначалникот Благој Илиев  кој притоа изрази задоволство од укажаната чест, а  спомна и дел од проектите кои се реализираа во изминатиот период.

Градоначалникот Илиев во оваа прилика ја потврди и својата кандидатура за втор мандат.

На свечената седница беа доделени признанија и благодарници за успешна соработка  со Општина Конче на повеќе правни и физички лица и раководители на институции.  Благодарница беше доделена на менаџерскиот тим на рудниците Бучим и Боров Дол. На градиначалнникот на Општина Радовиш Герасим Конзулов,  на проф. д-р Ванчо Чифлиганец, на директорката на Инфективна болница во Штип, на директорката на Здравствениот дом во Радовиш, на Регионална телевизија Кобра и на други соработници и подржувачи на Општина Конче.

На свечената седница беше одржана и културно уметничка програма. Согласно програмата празнувањето заврши со пригоден коктел во дворот на манастирот Свети Стефан во Конче, кој им беше претставен на гостите како атрактивна  рурална туристичка дестинација.

прикажи повеќе
Advertisement

Конче

Одржана манифестацијата од ,, ОД ЗРНО ДО ПОГАЧА “, во Конче

Media Press

Published

на

Одржана манифестацијата од ,, ОД ЗРНО ДО ПОГАЧА “, во Конче на која беа прикажани мултиетничките традиции и обичаи.

Имено вчера во  Општина Конче, под покровителство на МЗШВ на РМ и во соработка со ЗРРР Блесок од Радовиш и повеке учесници на КУД од Конче и Радовиш , успешно беше спроведен проектот ,, ОД ЗРНО ДО ПОГАЧА “. На вчерашната манифестација покрај традиционачните изворни ора и носии беше изложена прекрасната традиционална храна од нашето поднебје.

Проектот е аплициран преку Мултиетничко општество, со цел да се покаже традицијата, обичаите, културата, здравата храна и соживот на македонското и турското население кое живее во општина Конче.

Прочитај повеќе

Конче

ЛАГ Плачковица реализира локална иницијатива за партерно уредување на централното подрачје во с.Лубница

Media Press

Published

на

ЛАГ Плачковица реализира локална иницијатива за партерно уредување на централното подрачје во с.Лубница, за подобрување на условите за живеење во руралните средини. Оваа инивијатива како што вели Столе Ѓоргиев од ЛАГ Плачковица, произлегла од самите локални чинители и жители од општина Конче.

Во рамките на проектот ќе биде уреден и пристапниот пат до црквата Свети Константин и Елена — главна селска црква во селото Лубница. Црквата  е изградена во 1840 година и се наоѓа во средишниот дел од селото, но речиси е запоставена. Со овој проект се прават напори да се уреди барем влезот.

Работните активности се во понапредна ваза и се очекува за околу 2 месеци целосно да биде звршен овој проект.

Лубница е многу старо село, едно од најстарите села во Лакавичко и Радовишко за што сведочат пишани записи уште од XIV век. Селото е сместено во средишниот дел на Општина Конче, на само 3 километри од општинското средиште Конче.

Иницијатива за партерно уредување на централното подрачје е дел од проектот на УСАИД “Програма за развој на заедниците” кој го спроведува Мрежата за рурален развој на Македонија, преку ЛАГ Плачковица, општина Конче, ЈКП Лакавица и трговското друштво ЕЛДИСИ од с.Лубница.

Прочитај повеќе

Конче

Општина Конче денеска го одбележа празникот на општината 12-ти Јули Петровден

Media Press

Published

на

Општина Конче денеска го одбележа празникот на општината 12-ти Јули Петровден. По тој повод градоначалникот Златко Ристов најпрво изврши прием на поканети гости во општината, меѓу кои и гости од збратимена општина од Турција. Во чест на 26- годишнината од востанувањето на Општина Конче градоначалникот Ристов засади дрвце во дворот на општинската зграда, заедно со својот турски колега.

Потоа неколку делегаци положија свежо цвеќе на спомен обележјето на паднатите борци во Општина Конче.

Потоа беше одржана свечена седница на Советот. На истата добредојде на присутните гости им посака градоначалникот Златко Ристов при што изврши кратка презентација на сработеното досега но спомна и што ќе се реалзира во наредниот период.

На свечената седница беа доделени благодарници на повеќе лица за успешна соработка и промовирање на општина Конче, на деловни соработници, фирми и физички лица, здруженија, спортисти и спортски клубови.

Програмата заврши со настап на културно уметнички друштва во дворот на манастирот Свети Стефан во Конче каде присутните имаа можност да вкусат и од прекрасните традиционални специјалитети на традиционалната трпеза, која за прв пат се организира оваа година во организација на здружението на жени.

На свеченоста во дворот на манастирот имаа можност да уживаат во програмата и речиси најстарите жители од Конче, кои со задоволство се насмевнуваа кон камерата.

Прочитај повеќе