Connect with us

Радовиш

ЈП Плаваја од Радовиш апелира до граѓаните за совесно и контролирано користење на водата за пиење

Media Press

Published

на

ЈП Плаваја од Радовиш апелира до граѓаните за совесно и контролирано користење на водата за пиење во овој период на високи летни температури, кога поради сушниот период и зголемената потрошувачка од вода, капацитетот на бунарите се намалува.

„Почитувани корисници,

Како се вжештува летото, така издашноста на извориштата и бунарите од кои Ве снабдуваме со чиста и здрава вода за пиење се намалува. Сосема спротивно на тоа нашата потреба за вода во овие летни, жешки денови се зголемува. Сакаме најучтиво да апелираме до Вас, водата да ја користите исклучиво за пиење, потребите на Вашите домаќинствата и се разбира за одржување на личната хигиена.

Со секоја друга употреба на водата за пиење (разладување на дворови, полевање на тревници, наводнување на земјоделски површини и слично) нанесувате штета на самите себе, на целиот водоснабдителен систем и не доведувате во состојба и таа количина на вода што ја имаме сеуште на располагање да не можеме да ја транспортираме до Вашите роднини и пријатели кои живеат на високите зони, на кои исто како и на Вас им треба вода, а замислете со таквите Ваши постапки тие ќе немаат ниту за пиење.

Затоа размислете малку пред да го вклучите цревото во чешмата!

Исто така апелираме да бидете храбри и да ги пријавите сите кои неовластено користат вода или народски кажано крадат вода. Тие таквите што и во 21 век сеуште постојат, се најголеми душмани на Вас и Вашите најблиски, Ви го крадат најпотребното нешто – ВОДАТА ЗА ПИЕЊЕ!“ стои во апелот од ЈП Плаваја.

Одтаму додаваат дека ќе продолжат со зголемените контроли, бидејќи сега е полесно да ги лоцират местата на кои се троши голема количина на вода, откако го надградија системот со мерно регулациона опрема.

“Се надеваме дека овој искрен апел ќе допре до Вас и ќе ја разбуди човечноста и пред се почитта кон другите. Сите сакаме вода, на сите ни е топло, сите имаме разни потреби, но количините на вода во лето се на граница на минимумот, затоа штедете ја водата и користете ја со разум“, се додава во апелот до граѓаните од Јп Плаваја, Радовиш.

Радовиш

,,РАДОВИШАНКИ ЕТНО,, најдобри во автентичен фолклор на Меѓународниот фолклорен фестивал ,,ИЛИНДЕНСКИ ДЕНОВИ,,-Битола 2022

Media Press

Published

на

ЖФГ „Радовишанки етно“ беа дел од 52 издание на Фестивалот ИЛИНДЕНСКИ ДЕНОВИ во Битола, кој годинава започна на 18 јули и се одржуваше  до 30 јули, под мотото „Од корените до цветот”.

ПРВО МЕСТО за најуспешна група која презентираше традиционална музика и игра беше доделена на  ЖФГ „Радовишанки етно” од Радовиш, што беше највисока награда на Меѓународниот фолклорен фестивал ,, ИЛИНДЕНСКИ ДЕНОВИ,,-БИТОЛА 2022, од страна на стручното жири во кое членуваа д-р Владимир Јаневски, д-р Родна Величковска, д-р Мирјана Мирчевска, д-р Беким Рамадани и м-р Христијан Николовски

52-то издание на ИЛИНДЕНСКИ ДЕНОВИ заврши со доделување на награди за најдобрите македонски културно уметнички друштва и со интернационална вечер што ја приредија гости од Шпанија, Италија, Колумбија, САД, Србија и Полска, во Битола заврши 52 издание на Фестивалот на народни песни и игри „Илинденски денови”.

 Награда за најуспешна група која презентираше староградска музика и игра доби КУД „Далги” од Охрид, оркестарот на фолклорниот ансамбл „Китка” од Истибање доби награда за најуспешен изворен состав, вокалната солистка Дијана Анастасовска членка на КУД „Илинден”-Битола е прогласена за најдобра вокалистика, додека КУД „Илинден” од Струга се наградени за ансамбл кој презентира најуспешна и најкомплетна изворна носија.

52 -то издание на фестивалот кој го слави фолклорот и традицијата траеше 12 фестивалски ИЛИНДЕНСКИ ДЕНОВИ во оваа 2022 година.

Вкупно беа одржани 61 настан кои понудија неверојатната програма во која имаше концерти, изложби, промоции на книги, филмски проекции, перформанси, работилници за деца, стручни конференции …

Вкупно имаше 1.300 учесници и гости од 7 земји учеснички. Беа поставени 3 паралелни сцени и целиот град беше претворен во отворена сцена за настап.

Фестивалот ќе остане запаметен по огромна бројка на млада публика, нешто што било реткост на овој стар Фестивал.

Мотото на фестивалот е оправдано • Од коренот до цветот• потврдуваат од Центарот за култура, Битола.

Прочитај повеќе

Радовиш

ЈП Плаваја, Радовиш: ИЗВЕСТУВАЊЕ ВО ВРСКА СО ЗОНСКОТО ПАРКИРАЊЕ

Media Press

Published

на

ЈП Плаваја Радовиш пред официјалното започување на зонското паркирање во градот се соочуваат со проблеми околу оштетување на поставените тебли и сообраќајна сигнализација на улиците кои се обележани за зонско паркирање. Граѓаните од различни причини негодуваат на овој проект и тоа го искажуваат со уништување на таблите.

Од тие причини ЈП Плаваја излезе со известување до граѓаните во кое се вели:

„Во согласност со одлуките на Советот на општина Радовиш и одобрениот сообраќаен проект, ЈП”Плаваја” во рамките на своите надлежности меѓу кои спаѓаат и јавните паркиралишта во согласност со Законот за комуналните дејности, формира организациона структура на ниво на Одделение за јавни паркинзи кое ќе ги спроведува одлуките и правилниците во врска со начинот на користење и паркирање на јавните паркинзи во Радовиш, усвоени од страна на Советот на општина Радовиш на предлог на Градоначалникот на општина Радовиш Ацо Ристов.

Во соработка и постојана комуникација со Градоначалникот и општинската администрација, во изминатиот период направена е хоризонтална и вертикална сообраќајна сигнализација на локациите на кои е планирано зонското паркирање.

Во последните денови се поставуваат и информативните табли за начинот на паркирање (кои патем веќе ги оштетувате, вртите и на разни начини ја искажувате својата “креативност” во уништување на таблите, нешто што е обврска на општината и нејзините јавни претпријатија да го уредуваат јавниот простор, а на Вас кои сте над законот тоа ништо не Ви значи).

Поставувањето на информативните табли не значи и почеток на зонското паркирање туку подготовка за негово започнување.Сите правни и технички работи се во завршна фаза и Вие како крајни корисници ќе бидете навреме информирани за официјалниот почеток на зонското паркирање. Дотогаш Ве замолуваме да не ширите дезинформации и да не подлегнувате на улични муабети во врска со зонското паркирање. Единствена цел на зонското паркирање е решавање на сообраќајниот хаос и сообраќајната некултура кои за жал постојат во нашиот град и општина и најважно од се да не ја уништувате вертикалната сигнализација бидејќи нанесувате само штета, на таа локација ќе се постави нова табла или нов сообраќаен знак.

Ниту еднаш намерата ниту пак целта не била и не е богатење на грб на граѓаните или остварување на приходи, приходите и расходите се јавни и секогаш достапни преку објавување на финансиските извештаи на нашата интернет страница. Време е да покажеме дека имаме општествен и културен капацитет и како цивилизирани жители на оваа општина да започнеме да се однесуваме како што доликува и кон прописите и кон урбаната средина“, стои во известувањето и реакција од ЈП Плаваја во врска со актуелниот проект „Зонско паркирање“ кој предизвика различни реакции кај граѓаните.

Инаку пред неколку дена на последната седница на Совет, советниците го изгласаа ценовникот за паркирање и според него ќе се плаќа по 30 денари од час во прва зона и по 20 денари од час за втора паркинг зона. Граѓаните кои што немаат услови за сопствен паркинг ќе плаќаат по 300 денари месечно или по 3.600 денари годишно и ќе имаат право да се паркираат било каде на улицата на која што живеат, каде ќе има слободно место. Доколку имате и второ возило за него ќе платите 500 денари месечно или 6.000 денари годишно. А за резервирање на паркинг пред вашиот дом или деловен објект тоа ќе ве чини 40.000 денари годишно.

Прочитај повеќе

Радовиш

Во предвечерието на 2 Август Илинден, положено свежо цвеќе на споменикот на Гоце Делчев во Паркот на младите во Радовиш

Media Press

Published

на

Со положување на свежо цвеќе на споменикот на Гоце Делчев во Паркот на младите во Радовиш, одбележан големиот национален празник 2 Август, Илинден – Денот на Републиката.

Со положување на свежо цвеке беа одбележани 119 години од почетокот на Илинденското востание и 78 години од Првото заседание на АСНОМ.

Свежо цвеќе положија делегација на Општина Радовиш, делегација од Советот на Општина Радовиш, пратеникот во Собранието на Република Македонија од Радовиш Здравко Трајанов,  делегација на сојузот на борците, делегација на Здружението на пензионери од Радовиш и Конче и делегации на  ОК на ВМРО ДПМНЕ и делегација на ОО на СДСМ од Радовиш.

На 2 август 1944 година во Манстирот Прохор Пчински кај Куманово се одржа првото Антифашистичко собрание на НОБ на Македонија и на овој ден се удрени темелите на денешната држава Република Македонија.

Прочитај повеќе