Радовиш
Изграден новиот детски парк на просторот позади Основниот суд во Радовиш
Радовиш доби уште едно детско катче. Изграден новиот детски парк на просторот позади Основниот суд во Радовиш. Остануваат уште некои завршни работи со што целосно ќе биде подготвено за пуштање во употреба. Новиот детски парк е изграден со средства од донација од Турската агенција за соработка и координација ТИКА, која за таа цел одобри 40 илјади евра. Според онформациите од градоначалникот на Општина Радовиш Герасим Конзулов, паркот ќе биде предаден во употреба на 7 јули, кога се очекуваат и високи гости од Турција.
Граѓаните задоволни што и во овој дел од градот се изгради едно вакво детско катче, кое ќе можат да го користат за одморање и повозрасните.
Но тие со право се прашуваат дали и колку ќе дотрае, имајќи го искуството од претходните паркови, посебно во населените места каде детските паркови се претворени во депонии со искршени реквизити. Можеби навистина треба да има редари и во градот и по населените места, кои редовно ќе се грижат за јавните добра, бидејќи свеста на граѓаните сеуште не е на високо ниво. Посебно кај тинејџерите кои со уништувањето и кршењето мислат дека прават нешто посебно, или му се одмаздуваат некому.
Како што најави градоначалникот Конзулов новиот детски парк ќе го добие името Тошко Кукутанов. Веднаш до паркот е изграден и паркин простор за потребите на вработените во Основниот суд во Радовиш, како и за потребите на детската градинка.
Радовиш
Општинска народна библиотека ,,Браќа Миладиновци” – Радовиш го одбележа Меѓународниот ден на книгата и авторското право
Општинска народна библиотека ,,Браќа Миладиновци” – Радовиш го одбележа Меѓународниот ден на книгата и авторското право.
Одбележувањето беше со објавување на резултатите од традиционалниот награден конкурс за ученици од основно образование на тема: ,,Книгата и знаењето – цел универзум” што библиотеката го распиша по повод овој Меѓународен ден.
Во рамките на ова, за најдобра песна беше прогласена творбата на ученичката Јована Ѓоргиева од ПОУ ,,Орце Николов” од село Злеово. За второ наградена песна беше песната на ученикот Ѓорге Газепов од ООУ ,,Крсте Петков – Мисирков” од Радовиш. а третопласирана беше творбата на ученичката Данче Митковска од ООУ ,,Коста Рацин”- од село Подареш.
На останатите учесници на конкурсот како и на менторите на учениците, им беа доделени признанија за учество на конкурсот.
ОУ Никола Карев од Радовиш со пригодна програма го одбележа својот патронен празник. Беше одржана свечена академија и спортски натпревари. Исто така беа доделени и награди и признанија за освоени прво второ и трето место во спортски натпревари и во литературен конкурс, како и благодарници за успешна соработка.
Мицкоски: Работата не е завршена. Победата е голема. Финалето следи на 8 мај
Општинска народна библиотека ,,Браќа Миладиновци” – Радовиш го одбележа Меѓународниот ден на книгата и авторското право
ОУ Никола Карев од Радовиш го одбележа својот патронен празник
Радовишанец извршил обљуба врз малолетничка од радовишко село
