Connect with us

Радовиш

Пуштен во употреба новиот експресен пат Штип-Радовиш, прва фаза

Media Press

Published

на

„Од денес граѓаните ќе можат да патуваат по експресниот пат Штип – Радовиш, кој е комплетно завршен со должина од 23,56 километри од клучката Штип-југ до Бучим. Оваа прва фаза е завршена на 22 април годинава, пред предвидениот рок, во услови на пандемија. Кога застана целиот свет, тука се работеше интензивно. Така, во рок од три години, согласно предвидената динамика добивме завршен проект по сите европски правила за подигнување на нивото на безбедност во сообраќајот и изградба на експресен пат по најсовремени стандарди“, рече премиерот Зоран Заев во воведното обраќање по повод пуштање во употреба на експресниот пат Штип-Радовиш, прва фаза.


На настанот свои обраќања имаа и министерот за транспорт и врски Благој Бочварски, директорот на Јавното претпријатие за државни патишта Ејуп Рустеми, како и претставникот на Европската банка за С. Македонија, Андри Аранитаси.

„Изградбата на експресниот пат Штип-Радовиш има исклучително влијание врз развојот на економијата во овие три региони Штип, Радовиш и Струмица и придонесува за рамномерниот регионален развој, побрз транспорт на стоки, на услуги како и на луѓе. Модерната патна инфраструктура ќе биде од големо значење за сите граѓани, за студентите, за бизнис секторот, за земјоделците од Струмичкиот, Радовишкиот, Штипскиот и Кочанскиот регион, кои своите производи ги пласираат на пазарите во земјава и во странство. Експресниот пат, Штип-Радовиш се надоврзува на автопатот Миладиновци-Штип и благодарение на тоа граѓаните на југоисточниот дел на нашата земја за многу пократко време ќе патуваат и пристигнуваат до главниот град, Скопје. Времето за патување возејќи прописно и безбедно – двојно се скратува“, подвлече Заев. 


Министерот Бочварски рече дека експресниот пат Штип-Радовиш е од огромно значење и за економскиот развој на регионот ако се има во предвид дека овде работат околу 12 илјади мали и средни претпријатија.
„Сакам да информирам дека интензивно работиме и на изградба на втората фаза од овој експресен пат делниците од клучка Три чешми до Штип-Југ како и делница од Бучим до Радовиш. Очекуваме оваа делница комплетно да биде завршена средината на следната година. Овој експресен пат е дел од државната А4 рута, започнувајќи од граничен премин Блаце, преку обиколницата Скопје и новиот автопат до Штип, и преку овој експресен пат се поврзуваме со соседна Бугарија.  На тој начин добиваме брза патна врска по целиот Југоисточен регион“, рече Бочварски.

Директорот Рустеми рече дека вкупната проектирана,  должина на комплетниот експресен пат А4 е 40,46 километри, а вкупната вредност е околу 60 милиони евра.

Претставникот на Европската банка за Северна Македонија, Андри Аранитаси, истакна дека проектот претставува постојан придонес на Банката во насока на подобрување на транспортната инфраструктура на земјата.

„Со над 1,2 милијарди евра, инвестирани во патишта, железница, општински и енергетски сектор. ЕБОР е голем пријател на земјата и нејзините граѓани, и ќе продолжиме да бидеме пријатели се до влегувањето на земјата во ЕУ и потоа!“, рече Аранитаси.

прикажи повеќе
Advertisement

Радовиш

Пописот се одвива без проблеми. Досега се попишани околу 11.000 граѓани во општините Радовиш и Конче

Media Press

Published

на

  Пописот кој започна на 5 септември се одвива без проблеми и согласно предвидената динамика во општините Радовиш и Конче. Во  двете општини досега се попишани околу 11 илјади граѓани.

Денеска во посета на Радовиш беше и експертот за попис Данило Доленц  кој ја наблудуваше самата пописна операција при посета на  неколку домаќинства.

Претседателот на Пописната комисија за општините Радовиш и Конче Драги Стојанов, изразува балгодарност до граѓаните  што одговорно се однесуват спрема оваа статистичка операција.

Експертот за попис Данило Доленц  изрази задоволство од соработката на граѓаните со попишувачите и притоа рече дека Македонија ќе добие еден квалитетен попис.

„Денеска ми е веќе четврти ден како го обиколувам теренот во Македонија и би сакал да кажам дека пописот кој се спроведува во Македонија, а тое е мојот седми попис и имам многу искуство во изведувањето на попишувањето,  можам слободно да кажам дека овој метод кој што се употребува во Македонија е најнапредниот и најмодерниот попис, кој се прави во овој момент на просторот во цела Европа. Така да ми е големо задоволство што јас учествувам во овој голем проект кога успеавме да собереме многу податоци од овие  извори така што попишувањето оди многу брзо и  и квалитетно. Благодарма уште еднаш на домаќините за топлиот прием и знам дека овој попис ќе биде голем успех за Република Македонија“, рече експертот за попис Данило Доленц.

Државниот инструктор Кирил Ангелов задолжен за реонот 9  кој ги опфаќа општините Радовиш и Конче, рече дека се надминати  почетните техничките проблеми и пописот е во полн ек.  Досега се попишани околу 11.000 граѓани во општините Радовиш и Конче.

Тој вели дека досега во двете општини  Радовиш  и Конче нема случај на одбивње на попишувач и не попишување или инцидент.  

Пописот ќе се спроведува до 30 септември,  а до тогаш трае и електронското самопопишување на иселениците во стрнаство.

Прочитај повеќе

Радовиш

ОО на Црвен крст од Радовиш го одбележа Светскиот ден за прва помош

Media Press

Published

на

ОО на Црвен крст од Радовиш го одбележа Светскиот ден за прва помош кој годинава се одбележува под мотото “Биди херој во твоето училиште и заедница” со акцент за афирмација на оваа животоспасувачка вештина меѓу младите.

 Вештините за прва помош треба да бидат достапни за сите како хуманитарен акт што ги оспособува луѓето да спасуваат животи и помагаат да се закрепнат од ненадејна болест или повреда, вели  секретарот на  Црвен крст во Радовиш Верица Беќарова.

Волонтерите од Клубот на млади од црвениот крст од Радовиш практично во сималциони вежби кои се одржаа во центарот на градот, покажаа вештини за прва помош за спасување на нечии живот.

 Светскиот ден за прва помош е можност за промовирање и застапување за знаење и вештини за прва помош за пошироката јавност. Црвениот крст  секоја година  обучува повеќе од 20 милиони луѓе ширум светот за прва помош. Поседувањето вештини за прва помош го зголемува капацитетот на поединецот да преземе брза акција за да ги намали или стабилизира сериозните повреди и да ги подобри шансите за преживување на жртвата.

Прочитај повеќе

Радовиш

Сосетка пyкaла кон комшискиот двор со воздушна пyшкa, случајот пријавен во радовишката полиција

Media Press

Published

на

На 11 септември во 20.10 часот во Полициска станица Радовиш, Д.Н.(24) од с.Ораовица пријавил дека околу 18.15 часот додека бил во своето дворно место со воздушна пушка била испукана една дијабола од неговата сосетка Ј.М. во правец на неговата куќа каде во непосредна близина бил и пријавителот. Се преземаат мерки за расчистување на случајот.

Прочитај повеќе