Connect with us

Радовиш

Православните христијани денеска го празнуват празникот Свети Цар Константин и царица Елена

Media Press

Published

на

Во црковниот храм Света Троица во Радовиш по повод празникот Свети Цар Константин и царица Елена беше одржана света божествена литургија.

Царот Константин Велики и неговата мајка царицата Елена за нивните заслуги во признавањето и ширењето на Христијанството Светата црква ги прогласила за светители и рамноапостолни. Во црковниот храм Света Троица во Радовиш по повод овој празник беше одржана света божествена литургија.

Првите три века христијанството било жестоко прогонувано, но сепак бројот на неговите приврзаници постојано се зголемувал. Во четвртиот век за време на царевите Диоклецијан и Максимилијан прогоните биле најжестоки. Биле уривани христијанските храмови, биле палени христијанските книги, а христијаните биле подложувани на најжестоки измачувања. Дури за време на Констанциј Флор, таткото на Константин, односот кон христијаните омекнал.

Константин е најстариот син на царот Констанциј Флор, и царицата Елена. Кога татко му умрел во Англија во 306 година како император на Западната римска империја, Константин го заменил на императорскиот престол.

Мајка му Елена, многу добра и побожна жена го советувала да не ги напаѓа Христијаните, туку да ги заштитува зашто тие се добри луѓе.

Мајка му Елена е заслужна за пронаоѓањето на светиот крст на кој бил распнат Исус Христос. Првите три века по Христа не се знаело каде се наоѓа крстот Христов.

Се претпоставувало дека е закопан во близината на неговиот гроб, бидејќи според тогашните еврејски обичаи крстовите биле закопувани во близината на гробовите. Царицата Елена наредила да се копа околу гробот Христов, но таму нашле три крста, бидејќи во близината биле и гробовите на двајцата разбојници што биле распнати во исто време. Тогаш се појавил проблем, не можеле да дознаат кој од трите е Христовиот крст. Во тоа време минувала погребна поворка и царицата Елена наредила мртовецот да се стави на трите крстови. И се случило чудо, на еден од нив мртовецот оживел. Тоа било знак дека тој е бараниот крст врз кој бил распнат Исус Христос. Кога за тоа разбрале жителите на Ерусалим потрчале да го видат крстот. Но од големата турканица што се создала не можеле да го видат, поради што владиката ерусалимски Макарие, неколку пати го кревал и спуштал крстот вртејќи се на сите четири страни. Потоа царицата изградила голема црква на местото каде што бил распнат Исус и каде што подоцна во 326 година го пронашле крстот на кој бил распнат.

Царицата Елена умрела на 18 август 327 година во 80-тата година од животот. Според некои сведоштва умрела во Палестина, а по две години моштите биле пренесени во Цариград и биле погребани во црквата на светите Апостоли. Аџијата Антоније видел во 1200 година дека телата на Константин и на Елена лежеле во еден гроб.

За чудата што ги правеле моштите на Елена многу се раскажувало на запад особено во Франција. Според други Елена умрела во 326 година, нејзиното тело било погребано во Виа Лавакана во Рим, а подоцна било пренесено во Цариград.

Радовиш

Во Здравствен дом, Радовиш започна вакцинирањето на граѓани над 67 години со кинеската вакцина Синовак

Media Press

Published

на

Здравствениот дом во Радовиш од вчера започна со вакцинација на граѓани над 67 години со кинеската вакцина Синовак. Како што дознаваме од директорката на  Здравствениот дом д-р Лимонка Илиевска пристигнале вкупно 400 вакцини, со кои во наредниот период  ќе ги вакцинираат граѓаните согласно добиениот термин и соогласно возраста.

„Критериумите се строги и мора да се придржуваме согласно планот за вакцинација“, вели директорката Илиевска, на прашањето дали може да се вакцинираат и граѓани кои се пријавени на веб страната, а кои сеуште немаат добиено термин за вакцинација.  

Инаку претходно во Радовиш се вакцинираа граѓаните над 70 години со кинеската вакцина Синофарм и со вакцината Астра Зенека.

на Вакциналниот пункт во Струмица, вакцинацијата со прва доза со Синовак вакцината ќе започне од понеделник.

На вакциналните пунктови во државата заклучно со вчера вакцинирани се вкупно 265.164 граѓани. Прва доза вакцина вчера примиле 2.036 граѓани, а во текот на вчерашниот ден вкупно се вакцинирале 4.299 граѓани. Во државата вкупно се аплицирани 462.415 дози вакцини, а ревакцинирани се 197.251 граѓани.  

Вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата vakcinacija.mk а се вакцинираат и лица вработени во критична инфраструктура.

Прочитај повеќе

Македонија

Православните христијани во петок и сабота ја одбележуваат 3aдушница

Media Press

Published

на

Православните христијани во петок и сабота ја одбележуваат 3aдушница, која се одбележува во чест на дyшитe на починатите. Тоа е ден посветен на мoлитивитe за покојните роднини и пријатели.  Се пocетуваат гpoбиштата каде што со молитва, пченица и лепче осветено со црвено винo се изразува пoмeн за починатите. За тоа како правилно се одбележува задушница и што треба а што нетреба да се прави, укажува отец Илија Попгонов.

На 3aдушница во црквите може да се служи и паpaстос на кој свештеникот со винo ја прелива пченица, а после службата се оди на гpoбовите на блиските, каде се пaли свеќа и се чита молтива. Кој не може да оди на гpoбишта, тој пaли свеќа во црква. На 3aдушница се изнесува и храна на гробиштата. Таа храна се дели со луѓето кои ги посетуваат гробиштата, со спомнување за спac на дyшaтa на покojникот. Но според црквата доволно е само пченица и вино. Никако не е препорачливо палење цигара на гробот во чест на починатиот бидејќи тоа е богохулење.

Прочитај повеќе

Радовиш

Здружението на дијабетичари од Радовиш и Конче започнува со реализација на проект за соодветно складирање на медицинскиот отпад

Media Press

Published

на

Здружението на дијабетичари од Радовиш и Конче започнува со реализација на проект за заштита на животната средина.

Сите игли и пенкала од истрошен инсулин повеќе нема да се фрлаат во отпадоци, туку ќе се складираат на соодветно место наменето за медицински отпад во Здравствениот Дом во Радовиш. Претседателот на здружението Тони Митев вели дека Општина Радовиш е прва општина во која се започнува ваков проект и дека има интерес и во други општини.

Дијабетичарите кои ќе го соберат својот медицинскиот отпад и ќе го донесат во Здравствениот дом, ќе добијат игли и торбичка за пенкала за инсулин, кои се набавени од донатори.

Директорката д-р Лимонка Илиевска изрази подготвеност Здравствениот Дом од Радовиш да биде дел од проектот со тоа што овој отпад ќе биде складиран во соодветна просторија, по што ќе биде дистрибуиран заедно со останатиот медицински отпад.  

Проектот ќе трае 8 месеци, но целта е да се створи навика кај дијабетичарите за соодветно депонирање на  овој отпад и истиот да продолжи и потоа.

Прочитај повеќе