Connect with us

Регион

МОН го легитимира правото на протест на граѓаните, но го задржива и ставот: Промените во образованието мора да се случат

Media Press

Published

на

 Млади родители со деца но и повозрасни граѓани во саботата преку протест го изразија своето несогласување со реформите во образованието односно дека се против дигитализација на образованието. Вакви протести имаше  во Струмица каде ги блокираа улиците пред општинското собрание но и пред општинската зграда во Радовиш. Своите мислења, барањата и предлозите за образованието,  граѓаните ги кажаа на протестот.  

Протест на ридители со деца имаше и пред општинската зграда во Радовиш кои го изразија своето несогласување со дигитализација на образованието.

Министерството за образование и наука целосно го легитимира правото на протест на граѓаните, затоа што е уставно загарантирано. Но сепак, причината поради која се користи ова право, не е оправдана, велат од министерството.

„Апсурдно е да се протестира против дигитализација на образованието, ако се има предвид дека тоа е глобален процес кој се случува во голем број земји во светот, а С. Македонија мора да фати чекор со современите трендови и да се приближува кон стандардите за квалитет на образование, кои ги наметнуваат развиените општества.

Промените мора да се случат. Новините се предизвик за сите, но од нив не треба да се откажуваме, туку напротив заедно и транспарентно да продолжиме да работиме на нивно интегрирање во системот“, додаваат од Министарстово.

Според ресорното Министерство законското решение кое се однесува на материјалите за учење е целосно во согласност со времето и ерата на ИТ технологијата во која младите живеат и за најголем дел од нив, примената на електронски уред за совладување на одредена наставна материја или тема, пребарување и истражување на податоци преку интернет не претставува проблем, туку вообичаена практика која со законот ќе стане достапна за сите, вклучително и за учениците од социјално ранливите семејства.

 „Преку поставување на повеќе филтри низ постапката за изработка и усвојување на учебниците, а воедно и со вклучување на граѓанскиот сектор во целиот процес се елиминира веројатноста за појава на несоодветни содржини и грешки од било каква природа. Во учебниците се воведуваат теми од областа на мултикултурализмот, толеранцијата, почитување на различностите како вредности кои мора да ги поседува секој европски и граѓанин на современо општество. Можноста за ажурирање на учебниците секоја година, пак, значи дека повеќе ќе нема да се применуваат учебници со застарена содржина“, велат од министерството.

прикажи повеќе
Advertisement

Регион

Кампања на СВР Струмица: „Не користи петарди и пиротехнички средства“

Media Press

Published

на

Одделението за превенција при Секторот за внатрешни работи Струмица преку реализирање на повеќе активности ја спроведе кампањата „Не користи петарди и пиротехнички средства“, промовирана од страна на Министерството за внатрешни работи.


Од страна на полициски службеници се спроведени едукативни предавања со ученици од осмо и деветто одделение во сите основни училишта на подрачјата на општините Струмица, Василево, Ново Село и Босилово, сѐ со цел подигање на свеста кај младата популација за можната опасност и последиците од употребата на петарди и други пиротехнички средства, која е посебно актуелна пред и за време на новогодишните и божиќните празници, информираат од СВР Струмица.
Покрај ова, на подрачјето на Секторот за внатрешни работи Струмица, односно во Струмица, Радовиш, Гевгелија и Валандово се поделени 700 флаери со пораки за превенирање на ризиците од користење на пиротехнички средства, а воедно се наведени и казнените одредби за употреба на петарди и други пиротехнички средства.
Секторот за внатрешни работи Струмица апелира до сите граѓани, а пред сѐ до младата популација да не употребуваат петарди и пиротехнички средства, да го заштитат својот живот и животот на останатите, а доколку се констатираат такви случаи истите ќе бидат соодветно санкционирани.

Прочитај повеќе

Регион

Преземени мерки на СВР Струмица за санкционирање на возачи кои управуваат возила под дејство на алкохол

Media Press

Published

на

На 26.12.2021 во периодот од 16.00 до 22.00 часот на подрачјето на Секторот за внатрешни работи Струмица биле преземени мерки за санкционирање на возачи кои управуваат возила под дејство на алкохол. Притоа, кај тројца возачи (2 во Гевгелија и 1 во Радовиш) било утврдено присуство на алкохол и на истите им биле изречени соодветни санкции.

Прочитај повеќе

Регион

Делницата Три чешми – обиколница Штип е пуштена за сообраќај за сите возила под времен режим

Media Press

Published

на

Градежните работи на последната делница од Три чешми до обиколница Штип се завршени, со што се комплетира изградбата на експресниот пат од  Штип до Радовиш.  Од вчера делницата Три чешми – обиколница Штип е пуштена за сообраќај за сите возила под времен режим.

Вкупната должина на овој патен правец изнесува 40 километри и се грaдеше во две фази и тоа првата фаза од Штип до Бучим која е во должина од 23,5 километри и вредност од 48 милиони евра, додека втората фаза, делницата Три Чешми до Штип – Југ и од Бучим до Радовиш е со должина од 17 километри и инвестиција од 14,9 милион евра. 

“Веќе најавив дека завршувањето на овој експресен пат се случува четири месеци пред рокот. Драго ми е што и во текот на овој месец декември се уште гледаме механизација на терен, се уште се асфалтира а тоа значи дека и капиталните инвестиции во државата растат. И вториот аспект што сакам да нагласам е дека се реконструира и асфалтира и помошниот пат на излезот од Штип за да го вратиме во првобитната состојба. На барање на жителите на Три чешми,  одговоривме позитивно и заедно со тимот инжењери од ЈП за државни патишта, од Министерството и од Изведувачот и Надзорот веќе го градиме ислучувањето, така да имаме едно модерен и безбеден патен правец”, изјави министерот за транспорт и врски Благој Бочварски.

Прочитај повеќе