Министерката за труд и социјална политика, Јованка Тренчевска заедно со градоначалникот на Општина Богданци, Блаже Шапов и директорката на Меѓуопштинскиот центар за социјални работи на Општина Гевгелија, Васка Илиева официјално ја отворија подрачната канцеларија за социјални работи во Општина Богданци, која ќе функционира во состав на Меѓуопштинскиот центар за социјални работи, Гевгелија.

Министерката Тренчевска во оваа прилика се осврна на заложбите на Владата за социјална правда, инклузивност и еднаков третман за сите граѓани.

„Отворањето на подрачната канцеларијата за социјални работи во Општина Богданци која ќе функционира при Центарот за социјални работи,  Гевгелија е потврда дека за нас сите граѓани се еднакви.  Од денеска, жителите на Општина Богданци заедно со останатите населени места добиваат можност на пристап до социјалните права и услуги во своето место на живеење,“ рече Тренчевска.

Тоа се 569 корисници на социјални права, 40 корисници на социјални услуги односно над 600 корисници на права и услуги од системот за социјална заштита од Богданци, Стојаково, Ѓавато и Селимлија. Овие граѓани повеќе нема да имаат потреба да патуваат до Гевгелија за остварување на правата и услугите од системот на социјална заштита.

Министерката Тренчевска изрази благодарност до Општина Богданци и градоначалникот Шапов за отстапувањето на просторот за канцеларија за социјални работи. Ова е потврда за слухот на локалната заедница за потребите на своите жители. 

Министерката Тренчевска истакна дека, грижата за сите граѓани беше поставена од почеток високо на агендата на оваа Влада и така продолжува.

„Социјалната реформа беше креирана во тој дух, да обезбеди достоинствен живот за оние граѓани кои поради разни причини не се можност да обезбедат самостојно доволно средства за живот и оние на кои поддршката им е неопходна, порача Тренчевска.

На 09.05.2023 во 08.15 часот кај Железничката станица Неготино, полициски службеници од Полициската станица за граничен надзор Михајлово при Регионалниот центар Југ го лишиле од слобода А.Г.(39) од Богданци. При преглед во патничкото возило „ауди“, кое го управувал со регистарски таблички од друго возило, пронајдени се 11 лица мигранти од Сирија, од кои четири малолетници.

Имено, претходно, тој бил забележан на регионален пат Демир Капија-Неготино, кај с.Тремник, но не застанал со возилото на даден знак од полициски службеник и се обидел да побегне, но набргу фил фатен и лишен од слобода. А.Г. бил задржан во полициска станица, возилото било одземено, а мигрантите биле сместени во прифатно-транзитен центар. По целосно документирање на случајот, во координација со јавен обвинител, против него ќе биде поднесена соодветна пријава.

Денеска во просториите на Општина Богданци, Претседателот на Синдикатот на УПОЗ Трпе Деаноски и претседателот на синдикалната организација при Општина Богданци Силвана Узунова и градоначалникот на Општина Богданци Блаже Шапов, потпишaа Анексот на Колективниот договор за вработените Општина Богданци, со кој вработените во општината ќе добијат усогласување на платите со порастот на минималната плата.

Со овој Анекс на Колективниот договор вработените во Општина Богданци, со платата за месец јули, ќе добијат усогласување во износ од 2.806,00 денари. Претседателот на Синдикатот на УПОЗ Трпе Деаноски искажа задоволство на конструктивниот дијалог кој го имавме со Градоначалникот Шапов, кој во овие тешки моменти изјнајде начин да ги усогласи платите на вработените, со што дополнително ќе ги мотивира уште по енергично и ефикасно да ги извршуваат своите работни задачи.