Connect with us

Македонија

Полициски час од утре до 15 мај, исклучок само за Велигден и за Рамазан, угостителите ќе работат до 20:30 часот

Media Press

Published

на

На денешната седница Владата ги прифати препораките на Комисијата за заразни болести и донесе измени и дополнувања на мерките за заштита и спречување на ширењето на КОВИД-19.

Со овие измени и дополнувања од утре, 28 април (среда), забраната за движење на населението и на возила од јавен превоз на целата територија на државата, наместо од 20:00 ќе важи од 21:00 до 5:00 часот наредниот ден.

Исклучок од забраната и посебниот режим на движење се вечерните часови меѓу 1 и 2 мај, односно за време на верскиот празник Велигден, и вечерта меѓу 13 и 14 мај за време на верскиот празник Рамазан Бајрам.

Почнувајќи од 28 април сите угостителски објекти ќе можат да работат само во отворените делови, односно на терасите на угостителските објекти и тоа до 20:30 часот после што треба да бидат затворени за посетители.

Компаниите од угостителската дејност регистрирани за прослави (свадби, родендени, крштевки и слично) ќе можат да ја организираат работата само како ресторани на отворено, односно на терасите, а забраната за организирање свадби, родендени, крштевки и слично, останува.

Исклучок од ова се угостителските објекти на меѓународните аеродроми, како и во објектите за сместување (хотели, мотели, хостели, пансиони и друго) за лицата кои се сместени во овие објекти, кои остануваат да работат како и до сега.

Соодветно на овие исклучоци ќе се применуваат адаптираните Протоколот за отворање и работа на кафетериите, Протоколот за отворање и работа на угостителските објекти за исхрана и Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од КОВИД-19.

Согласно препораките на Комисијата останува забраната за работа на сите вежбални, фитнес клубови, спортски центри и сали наменети за вежбање на затворен простор, а дејноста може да ја обавуваат на отворен простор согласно соодветниот наменски протокол.

Новите мерки важат до 15 мај.

Македонија

Министерот Филипче денеска се вакцинираше со кинеската вакцина „Синофарм“

Media Press

Published

на

Денеска се вакцинираше министерот за здравство Венко Филипче, за заштита од ковид -19 со вакцина од кинеската компанија „Синофарм“.

„Вакцините се сигурни, безбедни, развиени на безбедни платформи. Несаканите ефекти се мали. Контраиндикации има за одредени посебни категории граѓани кои нема да примат вакцини, а препораките за нив ги влечеме од научни испитувања. Јас примив „Синофарм“, рече министерот Филипче по вакцинацијата во салата „Борис Трајковски“.

„Само во текот на вчерашниот ден се аплицирани 12.606 вакцини од кои 10.135 прва доза а останатите ревакцина. Досега се вакцинирани 84.312 граѓани, а согласно последните бројки 28% од населението над 70 години имаат примено барем една доза вакцина“, рече Филипче. Тој апелираше сите да се пријават за вакцина на вакцинација.мк за што побрзо да добијат термин.

„Согласно тајмингот на пријавување сите ќе добијат известување преку СМС или мејл да се јават за вакцина“ објасни министерот Филипче.

Вчера истата вакцина ја прими и премиерот Зоран Заев, а деновиве ќе се вакцинираат сите останати министри од Владата.

Прочитај повеќе

Македонија

Олабавување на мерките. Полицискиот час од 5 до 15 мај ќе започнува во 23:00 и ќе завршува во 05:00 часот

Media Press

Published

на

 Владата донесе одлука согласно која од 5 мај, среда, забраната за движење со цел заштита од КОВИД-19 наместо од 21:00 часот, ќе започнува од 23:00 часот и ќе трае до 05:00 часот наредниот ден. Мерката започнува да важи од 5 мај и ќе трае до 15 мај.
 
Соодветно на овие измени угостителските објекти ќе бидат отворени за гости до 22:30 часот и тоа само на отворените делови, тераси, на угостителските објекти, како што е утврдено со постојните мерки и наменски протоколи.
 
Комисијата за заразни болести дополнително предложи, а Владата на седницата прифати воведување мерка за задолжителна самоизолација (карантин) во траење од 14 дена за сите домашни и странски физички лица – патници кои пристигнуваат од Индија и Бразил заради спречување на ширење на новите соеви SARS-CoV-2.

Прочитај повеќе

Македонија

Владата ќе одлучува дали од среда полицискиот час ќе почнува од 23 часот, а угостителските објекти да работат до 22:30 часот

Media Press

Published

на

Главниот координативен кризен штаб поради намалениот број на заразени и намалениот притисок во болниците   предложи од среда полицискиот час да почнува од 23 часот и да трае до 05 часот наредниот ден, а летните тераси на угостителските објекти да работат до 22:30 часот.

За овие предлог-мерки денеска ќе се одлучува на седница на Влада и би биле со важност од 5 мај 2021 година.

„ Главниот координативен кризен штаб го поддржа предлогот за измена на времетрањето на забраната за движење и на денешната седница ги разгледуваше предлозите кои ги дадовме. Врз основа на нив предложи на наредната седница на Владата да се усвои одлука за постојните мерки:

– забраната и посебниот режим на движење да почнува од 23:00 часот до 05:00 часот наредниот ден;

– време за работа на угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел) да биде до 22:30 часот“, напиша министерот Венко Филипче на својот ФБ профил.

За време на продолжениот викенд вкупниот бројот на новозразени беа 746, а оздравени 1.700 пациенти. Вчера односно на 3 мај беа регистрирани 62 новозаболени и 398 оздравени пациенти, додека на 2 мај имаше 105 новозаболени и 403 оздравени пациенти, на 1 мај 214 новозаболени и 305 оздравени, а на 30 април 365 новозаболени и 594 оздравени.

Вкупната бројка на КОВИД-дијагностицирани лица во нашата земја од почетокот на епидемијата изнесува 152.747, бројката на оздравени пациенти е 133.871, на починати е 4.961, а бројот на активни случаи изнесува 13.915

Инаку масовната имунизација на населението започна во повеќе регионални центри низ државата – Скопје, Куманово, Штип, Кавадарци, Тетово, Охрид и Битола од  200.000 кинески вакцини, кои пристигнаа минатата недела. Предвидено е да се вакцинираат меѓу 10 до 15 илјади граѓани на ден, со што здравствените власти очекуваат до почетокот на летото да имаме висок процент на вакцинирано население и целосно менување на епидемиолошката состојба. Министерот за здравство Венко Филипче, по пристигнувањето на 200 илјади вакцини „Синофарм“ во петокот најави дека се очекува да пристигнат и други големи количества на вакцини и тоа уште 600.000 од Кина и 26.000 од „Фајзер“.

Прочитај повеќе