Connect with us

Богданци

Левица: Луксузирањето на грбот на народот мора да престане!

Media Press

Објавено на

Политичката партија Левица со Реакција до јавноста за недомаќински потрошени општински пари од Буџетот на Општина Богданци, за угостителски услуги.

„Градоначалникот Шапов и општинската администрација само за календарска година 2020 ЗА УГОСТИТЕЛСКИ УСЛУГИ И НАБАВКА НА ХРАНА И ПИЈАЛОЦИ за потребите на општината потрошиле ни повеќе ни помалку туку вкупно 335 000 ДЕНАРИ, или 5500 евра НАРОДНИ ПАРИ, додека ЈП Комунална чистота Богданци, 100 000 ДЕНАРИ, или 1700 евра!“ стои во Реакцијата до јавноста од ЛО Левица, Богданци.

„Вака се трошат народните пари од страна на градоначалникот Шапов, директорот на комуналното претпријатие Прочков и општинската администрација за ручеци, вечери , по рестораните и кафеаните низ Македонија .

Овие парични средства можеа да се искористат за да се помогне на одредени групи ранливи категории, да се санираат одредени проблеми низ општината но, нивниот избор беше дека треба да се потрошат на луксузирање и јадење на државна сметка.

Ова луксузирање на грбот на народот мора да престане. Ние како ЛО Левица Богданци сметаме дека вакви трошоци треба да бидат скратени до минимално ниво односно, да има јавен отчет за секое трошење за репрезентација на општината, за народот да знае дека овие средства не се злоупотребуваат туку се наменски потрошени за официјални средби и пречек на видни лица и гости од државата, бизнис секторот, образованието – кои индиректно или директно ќе придонесуваат за напредок на општината.

Овие ручеци од 300 до 500 евра се срам за градоначалникот и директорот на ЈП Комунална чистота. Избори се ближат и време е тие да си заминат!“ се вели во Реакцијата од ЛО Левица Богданци.

Целата објава, на следниот линк

Богданци

Опожарено возило во близина на Богданци две лица починати, едното внатре, другото надвор од возилото

Media Press

Published

на

Две безживотни тела се пронајдени во близина на местото викано „Ичева чешма“, во Горно Село кај Богданци. Едното е на 21-годишно момче од Богданци, пронајдено покрај опожарен автомобил, додека второто тело било откриено во внатрешноста на целосно изгореното возило. данци.

Случајот бил пријавен во полиција на 03.11.2026 во 18:40 часот од Т.К. од Богданци.

  Веднаш по пријавата полициски службеници од ПС ОН Гевгелија се упатени на местото на настанот, каде било констатирано дека во близина на опожареното возило имало машко лице кое не давало знаци на живот, по што било констатирано дека станува збор за В.Г.(21) од Богданци.

Од екипа на Итна медицинска помош при ЈЗУ Општа болница Гевгелија била констатирана смрт. По локализирање на пожарот од страна на Бригадата за противпожарна заштита, било забележано дека во возилото има опожарено лице без знаци на живот. 

За настанот веднаш е известен Јавен обвинител од ОЈО Гевгелија и извршен е увид. По насоки на Јавен обвинител телата се дадени на обдукција за утврдување на идентитет, односно утврдување на причините за смртта. Се преземаат мерки за утврдување на околностите и за целосно расчистување на случајот.

Прочитај повеќе

Богданци

Лишено од слобода лице од Богданци поради сторено кривично дело Убиство

Media Press

Published

на

Во текот на вчерашниот ден било лишено од слобода едно лице од Богданци поради сторено кривично дело убиство. Како што информира СВР Струмица во физичка пресметка помеѓу син и мајка, синот со остар предмет и нанел убодни рани на својата мајка, по што таа починала.

„На 12.01.2026 во Полициската канцеларија Богданци, полициски службеници од СВР Струмица-ОВР Гевгелија го лишија од слобода П.С.(39) од Богданци. На 11.01.2026 околу 21:00 часот во стан во кој престојувале дошло до расправија помеѓу П.С. и неговата мајка М.С.(58) од Богданци, која преминала во физичка пресметка во која П.С. со остри предмети и нанел убодни рани на М.С. во пределот на главата. Од здобиените повреди М.С. починала, а смртта е констатирана и од лекар од Итна медицинска помош Гевгелија. На 12.01.2026 година во 07:05 часот во Полициската канцеларија Богданци П.С. сам го пријавил делото“, стои во информацијата од СВР Струмица.

Увид на местото извршил јавен обвинител од Основното јавно обвинителство Гевгелија и екипа од ОВР Гевгелија. По наредба на обвинител телото на починатата е предадено на обдукција, а против сторителот во текот на денот ќе биде поднесена кривична пријава под сомнение за сторено кривично дело „убиство“.

Прочитај повеќе

Богданци

Претрес во Богданци, пронајдена дрога, лишено од слобода едно лице

Media Press

Published

на

На 21.10.2025 во 13:00 часот во Богданци, полициски службеници од СВР Струмица-ОВР Гевгелија го лишија од слобода А.Р.(54) од Богданци. Врз основа на судска наредба, извршен е претрес во неговиот дом, при што се пронајдени околу еден килограм и 100 грама марихуана, четири засадени стебла канабис, остатоци од гранки со марихуана и предмети со остатоци од марихуана.

Лицето е задржано во Полициската станица Гевгелија, известен е јавен обвинител од Основното јавно обвинителство Гевгелија, а по документирање на случајот, во текот на денешниот ден ќе биде поднесена кривична пријава.

Прочитај повеќе