Connect with us

Македонија

200.000 дози кинески вакцини се очекува да пристигнат на 28 април, во тек е вакцинација на граѓани од 73 и 74 години

Media Press

Published

на

Министерот за здравство Венко Филипче во изјава за медиуми информираше за текот на вакцинацијата во А1 арената „Борис Трајковски“, каде во моментов се одвива вакцинација на граѓани помлади од 75 години.

„Салата Борис Трајковски продолжува да работи како четврти пункт за вакцинација во Скопје и сите граѓани кои уште на почеток беа пријавени, а се на возраст под 75 години, односно 73 и 74 години ќе се вакцинираат тука во салата во следните денови. Вакцинацијата ќе биде со вакцините кои ни се на располагање. Спутник В тоа што останаа по завршување на вакцинирањето на критичната инфраструктура, дел од вакцините на Астра Зенека и донацијата од на ОАЕ а тоа е кинеската вакцина. Направен е распоредот, нешто поразвлечен заради тоа што сепак станува збор за постари граѓани, некои од нив доаѓаат со придружба, а согласно динамиката како ќе се одвива ќе се прави распоредот и за следните денови. Добро се одвива целокупниот процес на вакцинација и во салата Борис Трајковски, а и ширум пунктовите во државата“, рече министерот Филипче.

Потврден е и точниот датум на пристигнување на кинеските вакцини во количина од 200.000 дози и истите се очекува да ги добиеме на 28 април со што ќе се забрза динамиката на вакцинацијата и со истите ќе се опфати и поголема група граѓани.

-Следните вакцини на почеток на следната недела ги очекуваме од на компанијата Фајзер, според најавата на 19 април, 10.000 вакцини, на 26-ти уште 10.000 и има потврдата од кинеската амбасада дека кинеските вакцини треба да ги очекуваме околу 28-ми април, посочи изјави министерот.

Што се однесува до состојбата во болниците, тој посочи дека после оној мини пик, како што беше  голем притисокот на почеток на неделата, бројките сега се мали.-

„Вкупниот број новодијагностицирани повторно бележи пад, тоа сето го гледаме и во болниците како во Скопје, така и ширум државата. Тој притисок што го имаше претходно го нема. Се уште има пријави и се уште сме внимателни заради тоа што има голем број дијагностицирани пациенти на кои може да им затреба болнички третман меѓутоа не е таква бројката на приеми каква што беше пред една недела. Се надевам дека овој тренд ќе продолжи и дека дефинитивно ова се знаци дека и овој бран стивнува“, посочи министерот Филипче.

Македонија

Олабавување на мерките. Полицискиот час од 5 до 15 мај ќе започнува во 23:00 и ќе завршува во 05:00 часот

Media Press

Published

на

 Владата донесе одлука согласно која од 5 мај, среда, забраната за движење со цел заштита од КОВИД-19 наместо од 21:00 часот, ќе започнува од 23:00 часот и ќе трае до 05:00 часот наредниот ден. Мерката започнува да важи од 5 мај и ќе трае до 15 мај.
 
Соодветно на овие измени угостителските објекти ќе бидат отворени за гости до 22:30 часот и тоа само на отворените делови, тераси, на угостителските објекти, како што е утврдено со постојните мерки и наменски протоколи.
 
Комисијата за заразни болести дополнително предложи, а Владата на седницата прифати воведување мерка за задолжителна самоизолација (карантин) во траење од 14 дена за сите домашни и странски физички лица – патници кои пристигнуваат од Индија и Бразил заради спречување на ширење на новите соеви SARS-CoV-2.

Прочитај повеќе

Македонија

Владата ќе одлучува дали од среда полицискиот час ќе почнува од 23 часот, а угостителските објекти да работат до 22:30 часот

Media Press

Published

на

Главниот координативен кризен штаб поради намалениот број на заразени и намалениот притисок во болниците   предложи од среда полицискиот час да почнува од 23 часот и да трае до 05 часот наредниот ден, а летните тераси на угостителските објекти да работат до 22:30 часот.

За овие предлог-мерки денеска ќе се одлучува на седница на Влада и би биле со важност од 5 мај 2021 година.

„ Главниот координативен кризен штаб го поддржа предлогот за измена на времетрањето на забраната за движење и на денешната седница ги разгледуваше предлозите кои ги дадовме. Врз основа на нив предложи на наредната седница на Владата да се усвои одлука за постојните мерки:

– забраната и посебниот режим на движење да почнува од 23:00 часот до 05:00 часот наредниот ден;

– време за работа на угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел) да биде до 22:30 часот“, напиша министерот Венко Филипче на својот ФБ профил.

За време на продолжениот викенд вкупниот бројот на новозразени беа 746, а оздравени 1.700 пациенти. Вчера односно на 3 мај беа регистрирани 62 новозаболени и 398 оздравени пациенти, додека на 2 мај имаше 105 новозаболени и 403 оздравени пациенти, на 1 мај 214 новозаболени и 305 оздравени, а на 30 април 365 новозаболени и 594 оздравени.

Вкупната бројка на КОВИД-дијагностицирани лица во нашата земја од почетокот на епидемијата изнесува 152.747, бројката на оздравени пациенти е 133.871, на починати е 4.961, а бројот на активни случаи изнесува 13.915

Инаку масовната имунизација на населението започна во повеќе регионални центри низ државата – Скопје, Куманово, Штип, Кавадарци, Тетово, Охрид и Битола од  200.000 кинески вакцини, кои пристигнаа минатата недела. Предвидено е да се вакцинираат меѓу 10 до 15 илјади граѓани на ден, со што здравствените власти очекуваат до почетокот на летото да имаме висок процент на вакцинирано население и целосно менување на епидемиолошката состојба. Министерот за здравство Венко Филипче, по пристигнувањето на 200 илјади вакцини „Синофарм“ во петокот најави дека се очекува да пристигнат и други големи количества на вакцини и тоа уште 600.000 од Кина и 26.000 од „Фајзер“.

Прочитај повеќе

Македонија

Денеска е Велики Четврток ден кога се бојадисуваат велигденските јајца, со што започнуваат велигденските празници

Media Press

Published

на

Велики четврток се наоѓа во средината на Страдалната седмица, која е полна со важни настани за спасението на човекот.

На Велики Четврток се бојадисуваат велигденските јајца. Јајцето кое е главно обележување на Велигден го симболизира гробот од кој што воскресна Исус Христос а црвента боја неговата  крв.  Порано се бојадисувале само црвени јајца, а се верува дека овој обичај потекнува од Марија Магдалена, која според Библијата, однела јајца обоени во црвена боја пред тогашниот римски цар Тибериј кога се дознало дека Христос Воскреснал.

Велики четврток се одбележува во знак на сеќавање на важни свети настани, Тајната вечера, на која Исус Христос ги измил нозете на своите Апостоли,покажувајки пример на братска љубов и смиреност, христовата молитва и предавството на Јуда. Кога светот спиел во своите домови, Спасителот ја водел последната битка со омразата, напуштеноста, осаменоста. Според обичајот пред изгрејсонце се бојадисуваат (вапцат) велигденските јајца и со првото јајце им се прави на децата црвено-бело за да бидат здрави.

Според верувањата на Велики Четврток или Чист четврток се чисти куќата, се става се на свое место, а останатите денови до и по Велигден не се чисти домот. Куќата се украсува со весели бои и цвеќе, празнично. Обичај е секој да се искапи на Велики Четврток со здравец-чувар на Вашето здравје. Се верувало дека на овој ден се прочистува водата и на секој му донесува убавина и здравје. За многу години Велики Четврток.

Прочитај повеќе