Радовиш
Зградите во Паркот на младите во Радовиш после 5 децении во ново издание, во завршна фаза е реконструкцијата на фасадата
Во завршна фаза е реконструкцијата на фасадата на станбените згради во Паркот на младите во Радовиш. Проект кој го реализира Општина Радовиш од сопствениот буџет за поубав изглед на овој дел од градот. Станарите задоволни од новиот изглед иако не сакаа да коментират пред камера.
„Тие се едни од најстарите згради во Радовиш изграден пред околу педесетина години и надворешниот изглед одамна не беше подновен“, беше еден од коментарите.
Во рамките на овој проект ќе биде опфатена и реконструкција на фасадата на Пензионерскиот дом во Радовиш како и зградата на раскрсницата кај кружниот тек на булеварот Александар Македонски.
Инаку овие денови во тек е изградбата на тротоарите на новиот крак на ул. Плачковица, кој наскоро ќе биде и асфалтиран. Оваа улица претставуваше вистински проблем на граѓаните кои живеат овде речиси триесетина години.
Целосно се завршени и градежните активности на новата улицата во с.Ораовица со што се подобруваат условите за живеење и на локалното население.
Радовиш
Ликовна изложба „Соочување“ на Томе Даневски во Националната галеријата „Мала Станица“ во Скопје
Вчера со почеток во 20.00 ч. во Националната галеријата „Мала Станица“ во Скопје беше отворена самостојна изложба „Соочување“, на ликовниот уметник од Радовиш Томе Даневски, на која беа изложени преку 30-тина дела од истоименатa едиција.
Посетителите ги очекуваше богатство од разиграна колористика со длабоко експресивна тематика, која Ви нуди можност да бидете сведоци на соочувањето на универзалната и теолошката енергија. На изложбата беа присутни и голем број радовишани, роднини и пријатели на Даневски, како и љубители и поддржувачи на уметноста.
Изложбата ќе биде отворена до 25 март.
Радовиш
Бесплатен преглед на очен притисок во очната амбуланта во Здравствен дом – Радовиш, по повод Светска недела на глауком
По повод неделата на глаукомот, ОО на Црвен Крст – Радовиш, во соработка со ЈЗУ Здравствен Дом -Радовиш, денеска организира бесплатен преглед на очен притисок, во очната амбуланта во Радовиш а утре во просториите на Здравниот Дом – Конче, со почеток од 09:00 до 13:30 часот.
Доктор Весна Пешева Јанковски апелира до граѓаните барем еднаш годишно да направат офталмолошки преглед, со цел навреме да се открие глаукомот. Итересот за прегледи беше голем, само за час и половина беа прегледани 60 граѓани.
Денеска се вршеа прегледи со безконтактен апарат, кој за жал беше позајмен од приватна болница, бидејќи очната амбуланта го нема и мерењето на очен притисок се прави по една посложена процедура со ставање капки за анестезија и со контактен апарт со окото.
Оваа активност Црвен крст – Радовиш, ја организира во рамките на ЦКА – ПХВ програмата, а со цел да се подигне свеста да се прават превентивни прегледи на очен притисок после 40-тата година, како и да се покрене иницијатива за набавка на овој навидум мал но многу вреден апарат.
Инаку на денешните прегледи очен притисок беше измерен кај 125 луѓе. Кај 24 луѓе беше детектиран покачен очен притисок, со понатамошен совет да се направи комплетен офталмолошки преглед со цел поставување на точна дијагноза.
Апасиев од Велес: На овие избори одиме на двоцифрен број пратеници
Димитар Ковачевски од Гевгелија: ВМРО-ДПМНЕ не нуди никаков план за јасен напредок во евроинтеграциите
Мицкоски од Охрид: Нашата цел е да ја вратиме Македонија во рацете на народот
Движењето ЗНАМ ја презентира програмата “Проглас за достоинствена Македонија”на митинг на градскиот плоштад во Куманово
