Радовиш
Гужви пред Стопанска Банка во Радовиш, има ли место за паника или станува збор за лажна информација
Гужви, чекање во ред без држење дистанца и ризик за потенцијална зараза во време на пандемија, ваква е сликата пред Стопанска Банка во Радовиш последните денови. Паника и вознемиреност кај дел од граѓаните од Општина Радовиш да не се затвори банката, па побрзаа да си ги извадат своите пари. Радовишани слушнале за ваквите информации но не се сигурни за што станува забор.
„Станува збор за лажна информација. Банката е стабилна и нема место за страв и паника“, рече регионалната директорка на Стопанска Банка АД Скопје Весна Ангеличкова. при гостувањето во вестите на Регионална телевизија Кобра во Радовиш.
Од Народната банка преку соопштение информираат дека бил одржан работен состанок на којшто зедоа учество претставници на банките и штедилниците и претставници на Народната банка, а е поврзан со невистините и лажните информации коишто се пласираат во јавноста во изминатиот период, поврзани со банкарскиот систем, на штета на целата економија и општеството во целина.
Оттаму додаваат дека новите технологии и интернетот даваат многу можности, кои за жал во голема мера се користат и за ширење лаги и дезинформации, а тоа ги вознемируваат граѓаните и имаат потенцијал да нанесат економски штети.
–Затоа сакаме да апелираме до граѓаните и компаниите коишто имаат какви било прашања отворено да ѝ ги поставуваат на својата банка, на Македонската банкарска асоцијација (МБА) или на Народната банка. Исто така, бидејќи банките се транспаренти економски субјекти, тие се обврзани и редовно објавуваат повеќе податоци за своето работење, коишто може и треба да се следат од сите заинтересирани граѓани и компании. Само на тој начин може да се заштитиме од пласираните невистини и да донесеме основана одлука за банката со која соработуваме – се вели во соопштението од Народна Банка.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Денеска членовите на ЛО Левица-Радовиш ја презентираа програмата на претседателскиот кандидат на Левица, проф. д-р Билјана Ванковска, на поставен штанд до градскиот пазар во Радовиш.
„Граѓаните велат дека со нетрпение ги чекаат овие историски избори за заедно да ставиме крај на криминалните банди од ДПМНЕ, СДС и ДУИ кои ја пустошат Македонија триесет години“ велат младите активисти на ЛО Левица – Радовиш, кои рекламниот материјал од програмата на Ванковска го делеа и на граѓаните во пазарот.
82 прекршувања на брзината, од кои 40 на подрачје на Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Ванковска од Кавадарци: Подобра сум од противкандидатите затоа што сум единствена со програма, реформаторска и радикална
Димитриевски од Прилеп: Нема да дозволам македонците да бидат граѓани од втор ред во својата држава
