Радовиш
Протресен финансискиот извештај на РК Радовиш од страна на советниците, побараа отчет каде одат парите
На одражанта седница на Советот на Општина Радовиш беше презентиран финасискиот извештај за 2020 година на РК Радовиш, остварените приходи и расходи и каде одат парите со кои располага клубот. Извештајот го презентира претседателот на клубот Игор Конзулов, по што се разви дискусија, а беа поставени и неколку советнички прашања.
Советникот Горан Поцев ги побара изводите од клубот, на што Конзулов му одговори дека тој нема право да ги достави изводите на увид пред советниците и дека тоа треба да го побараат од книговодителот на клубот, по што беше побарано мислење од правната служба.
Советникот Бојан Митевски со прашање на што се должи тоа што ракометниот клуб бил во добивка за 2020 година за околу 605 илјади денари. Митевски праша и за останати услуги каде се трошат парите, на што Конзулов даде одговор, дека парите се трошат за книговодствени услуги и теретани, за гориво за превоз и за други услуги и дека се е транспарентно.
По исцрпната дискусија на крајот сепак завршната сметка на РК Радовиш за 2020 година беше усвоена едногласно од страна на советниците.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Денеска членовите на ЛО Левица-Радовиш ја презентираа програмата на претседателскиот кандидат на Левица, проф. д-р Билјана Ванковска, на поставен штанд до градскиот пазар во Радовиш.
„Граѓаните велат дека со нетрпение ги чекаат овие историски избори за заедно да ставиме крај на криминалните банди од ДПМНЕ, СДС и ДУИ кои ја пустошат Македонија триесет години“ велат младите активисти на ЛО Левица – Радовиш, кои рекламниот материјал од програмата на Ванковска го делеа и на граѓаните во пазарот.
82 прекршувања на брзината, од кои 40 на подрачје на Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Ванковска од Кавадарци: Подобра сум од противкандидатите затоа што сум единствена со програма, реформаторска и радикална
Димитриевски од Прилеп: Нема да дозволам македонците да бидат граѓани од втор ред во својата држава
