Connect with us

Македонија

Обединета Македонска Дијаспора (ОМД): Доста веќе вести за Каракачанов, кога ќе се извини Бугарија на Македонските евреи за депортацијата?

Media Press

Published

на

На 11 март 2021 година се одбележуваа 78 години од депортацијата на 98% од Евреите од Македонија во нацистички логор за истребување. Обединетата македонска дијаспора (ОМД) прашува: Доста веќе вести за Каракачанов, кога ќе се извини Бугарија на Македонските евреи за депортацијата?

„Бугарската нацистичка армија насилно исфрли 7.144 Евреи од нивните домови во Скопје, Битола и Штип во 1943 година и ги испрати во транзитниот камп во Тутунскиот комбинат во Скопје, од каде што беа испратени во Треблинка. Ниту еден од нив не преживеа.

Ова е потресен дел од македонската историја, којшто никогаш не треба да се заборави.

Обединетата македонска дијаспора (ОМД) ја повикува сегашната бугарска влада официјално да ја признае улогата што Бугарија ја играше за време на нејзината окупација на Македонија во Втората светска војна и да му даде официјално извинување на еврејскиот народ и на Македонија.

Во отворено писмо до Бугарија во декември 2020 година, еврејската заедница во Македонија рече:

„Јавно ја повикуваме Владата (или официјално избраните политички власти – премиер, претседател, претседател на парламентот) на Република Бугарија да се соочат со вистината за холокаустот против Евреите на окупираните територии за кои про-нацистичката влада во Кралството Бугарија во тоа време беше директно одговорна и да се извини и да прифати одговорност.

„Колку побрзо демократска Република Бугарија се соочи со болните и мрачни моменти од своето минато, помирувањето ќе биде можно, бидејќи негирањето на злосторствата е првиот чекор кон нивното повторување“.

Македонската влада направи голем напредок во зачувувањето на историјата на македонските Евреи со отворањето на Меморијалниот центар на холокаустот во март 2011 година, еден од најголемите споменици и музеи на холокаустот во светот.

ОМД и Фондот за холокауст на Македонија започнаа стратешко партнерство и заедничка иницијатива за меморија на холокаустот во 2018 година, со цел заштита и унапредување на традициите и културите на македонската еврејска заедница.

Значаен чекор кон соочување со нејзиното про-нацистичко минато е сегашните бугарски лидери да го изразат својот длабок срам за извршените злосторства и да ги препознаат научените лекции од нив. Формалното извинување, по 78 години, е одамна потребно“ стои во апелот од ОМД.

прикажи повеќе
Advertisement

Македонија

Од 1 декември започнува забраната за употреба на пластични ќеси во трговијата

Media Press

Published

на

Од 1 декември, среда, започнува забраната за употреба на пластични ќеси во трговијата и на пластични амбалажи во угостителските објекти во подрачјата заштитени со закон.

Ќе се дозволи само продажбата на биоразградливи кеси кои ќе бидат лесни, но ќе чинат 15 денари. Најголемиот дел од тие пари, ќе одат во Фондот за заштита на животната средина.

Според Министерството за животна средина идејата е да се намали употребата на пластика. Оние средства што ќе се создаваат од тие 15 денари при секое купување на кесе ќе одат во фонд со кој ќе се инвестира во животната средина, исто така ќе се инвестираат во свесноста на граѓаните, како да го третираат отпадот во државата.

Прочитај повеќе

Македонија

Милошоски: И овој декември Македонија нема да добие датум за почеток на преговорите со ЕУ

Media Press

Published

на

„Од разговорот со соговорниците произлегува заклучокот дека и овој декември Македонија нема да добие датум за почеток на преговорите со ЕУ. Истиот неповолен исход се очекува и во периодот јан-јули 2022 година“, напиша Антонио Милошоски на социјалните мрежи.

„Во меѓувреме Албанија вложува дипломатски напори да се раздвои од пакетот со Македонија за да си ги зголеми шансите самостојно да добие датум за преговори, но сеуште е неизвесно дали со оваа опција ќе ги убедат сите членки на ЕУ да донесат едногласна одлука за посакуваниот чекор на официјална Тирана кон Брисел“, додава Милошоски.

Тој информира дека во Вашингтон на маргините на конференцијата за трансатланска безбедност успеал да поразговара со: Седрик Перин (Франција), Ине Сериде (Норвешка), Јан Фарски (Чешка Република), Моника Грегорчич (Словенија), Мими Кодели (Албанија) и Аудронис Азубалис (Литванија), на теми од билатерален интерес, како и за дискусиите во Брисел поврзани со процесот на европските интеграции.

Прочитај повеќе

Македонија

ДЕНЕСКА Е 29 НОЕМВРИ, обичен ден а некогаш голем национален празник

Media Press

Published

на

  Историски, 29 ноември ја означува годишнината од Второто заседание на АВНОЈ, кога во Јајце, 1943 година беше донесена одлуката за федерално уредување на државата, а понатаму во животот се славеше во вистинска свечена атмосфера, со изобилство храна и пијалоци, свечени академии, и се разбира… неработни денови.

По завршувањето на војната, на двегодишнината од заседанието во Јајце, на 29 ноември 1945 година, дотогашната Демократска Федеративна Република Југославија е преименувана во Федеративна Народна Република Југославија. На состанокот во Јајце беше одлучено дека „Југославија ќе се изгради во демократска, федерална заедница на рамноправни народи“, а на кралската влада во егзил ѝ беше забрането да се врати во земјата.
Оттогаш, 29 ноември се чествуваше како Денот на републиката и тоа беше еден од најголемите празници во некогашната СФРЈ.

Последен пат овој празник е прославен во Србија, во 2001 година, а Сојузното собрание на тогашната СРЈ го укинала со закон во ноември 2002.

Овој ден буди многу сеќавања и носталгични чувства кај многумина што ги живееле тие времиња. Песната „29 Ноември“ нема некој од постарите генерации да не ја рецитирал, а многумина сеуште ја паметат.

„Републико мила топло гнездо мое, го славиме денес раѓањето твое. Вечно да се млада најсреќна во цел свет, Републико мила мајски китен цвет“.

Првачињата на тој ден стануваа Титови пионери. Во училиштата полагаа заклетва со задолжителни приредби и читање состави на темата „Зошто го сакам другарот Тито. Секој пионер добиваше сина капа (титовка), црвена марама и црвена пионерска книшка.

Свечената пионерска заклетва беше:

„Денес, кога станувам пионер,
давам чесен пионерски збор
дека вредно ќе учам и работам
и ќе бидам верен и добар другар.

Дека ќе ја сакам нашата самоуправна татковина
Социјалистичка Федеративна Република Југославија,
дека ќе ги развивам братството и единството
и идеите за кои се бореше Тито.
Дека ќе ги почитувам сите луѓе на светот
што сакаат слобода и мир!“

 

Прочитај повеќе