Connect with us

Економија

УЈП: Во тек е исплатата на поврат на данок на личен доход на земјоделците

Media Press

Published

на

Управата за јавни приходи известува дека во тек е исплатата на поврат на данок на личен доход на земјоделците кои во текот на 2019 година оствариле доход од продажба на сопствени земјоделски производи.

На 14 451 земјоделци ќе им се исплати 87.036.280 денари. Исплатата се реализира кај земјоделците кои пријавиле валидни трансакциски сметки, а земјоделците кои ги исполнуваат условите за поврат на данок на личен доход, а не ги ажурирале своите трансакциски сметки, ги повикуваме тоа да го направат во најкус можен рок во најблиските организациони единици на Управата за јавни приходи.

„Право на поврат на данок на личен доход остваруваат физичките лица кои остваруваат доход од продажба на сопствени земјоделски производи чиј износ не надминува 1 000 000 денари, врз основа на податоците од потврдените годишни даночни пријави и кои се запишани во Единствениот регистар на земјоделските стопанства и други податоци со кои што располага Министерството за земјоделство, шумарство и водостопанство, немаат остварено доход по друг основ кој е оданочлив согласно Законот за данокот на личен доход и кои не се ДДВ обврзници.“ – стои во соопштението на Управата за јавни приходи

Економија

Дизелот од ноќеска на полноќ поскапува за 3,5 денари за литар, поскапуваат и бензините

Media Press

Published

на

Дизелот од ноќеска на полноќ поскапува за 3,5 денари за литар, Екстра лесното масло за домаќинство за 1,5 денари, а бензините за по два денара по литар, одлучи денеска Регулаторната комисија за енергетика (РКЕ). Новата малопродажна цена на Еуродизел (Д-Е V) и на Екстра лесното масло за домаќинство (ЕЛ-1) ќе изнесува по 63,5 денари за литар, Еуросупер БС-95 ќе се продава за 73, а Еуросупер БС-98 за 75 денари за литар.

Со одлуката на РКЕ за 1,101 денари за килограм се зголемува и малопродажната цена на Мазутот М-1 НС и ќе изнесува 37,981 денари.

Со оваа одлука се врши зголемување на малопродажните цени на нафтените деривати во просек за 3,36 отсто.

Прочитај повеќе

Економија

Од денеска горивата се продаваат по пониска цена за 1,5 и за 1 денар

Media Press

Published

на

Бензините и дизелот од ноќеска на полноќ поевтинија за 1,5 и за 1 денар, соопшти Регулаторната комисија за енергетика.

Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1) се намалија за 1,5 денар за литар, додека малопродажната цена на ЕУРОДИЗЕЛ (Д-Е V) се намали за 1 денар за литар.

Малопродажната цена на Мазутот М-1 НС се намали за 1,138 денар за килограм.

Од денеска максималните цени на нафтените деривати изнесуваат:

Моторен бензин ЕУРОСУПЕР БС – 95 – 71,00 (денари/литар)

Моторен бензин ЕУРОСУПЕР БС -98 – 73,00 (денари/литар)

Дизел гориво ЕУРОДИЗЕЛ БС (Д-Е V)  – 60,00 (денари/литар)

Масло за горење Екстра лесно 1 (ЕЛ-1) – 62,00 (денари/литар)

Мазут М-1 НС- 36,880 (денари/килограм).

Прочитај повеќе

Економија

За 3,5 денари ќе поскапат горивата со предложените измени за зголемување на еколошката такса

Media Press

Published

на

Владата вчерашната  82 седница го утврди текстот на Предлог-законот за изменување на законот за животна средина.

Како што информираат од владината прес – служба со предложените измени се предвидува зголемување на еколошката такса, односно се предлага зголемување на давачката за увоз на нафтените деривати во земјата за 3,5 денари за моторен бензин со содржина на олово повисока од 0,013 г/л и за авионски бензин, гориво за дизел мотори, екстра лесно масло за горење и масло за горење М1, М2 (мазут), како и зголемување од 3,1 денар за моторниот безоловен бензин со содржина на олово до 0,013г/л како помалку загадувачки нафтен дериват во однос на останатите предвидени деривати.

„Основната цел поради која се предлагаат овие измени и дополнувања се доуредување на делот за финансирање во животната средина, доследна примена на начелото „загадувачот плаќа“ и прибирање на потребните средства за преземање на мерки и активности за заштита и унапредување на животната средина“, појаснуваат од Влада.

Прочитај повеќе