Државниот секретар на Министерството за здравство, Аленка Форте на денешната прес-конференција за актуелната состојба во врска со болеста КОВИД-19 изјави дека во согласност со одлуката на владата за ослободување на некои мерки засновани на премин од црвена во портокалова фаза, основните училишта денес повторно се отвораат за сите ученици од последната година, сите продавници и голем број услужни активности.

„Мора да бидеме свесни дека ослободувањето на мерките не значи дека не треба да следиме превентивни мерки пред ширењето на инфекцијата со вирусот САРС-КоВ-2. Напротив, нагласи Форте, уште поважно е да ги почитуваме и да се придржуваме до нив, бидејќи само на овој начин ќе можеме да го намалиме бројот на заразени и бројот на хоспитализирани, што ќе ни овозможи дополнително ослободување на мерките.“ – Изјави таа на прес конференција

Таа исто така потенцираше дека Министерството бара решение како да се овозможи бесплатно издавање на уверението, со цел да се минимизира товарот врз здравствениот систем, а истовремено да се обезбедат кредибилни податоци.

Бугарските државјани и сите лица со постојан или долготраен престој во Бугарија од денеска при влез во земјата доколку немаат негативен резултат од ПЦР-тест направен 72 часа пред влез во земјата, ќе бидат ставени во 10-дневен карантин заедно со членовите на нивните семејства.

Оваа одлука е донесена вчера од Бугарскиот министер за здравство, Костадин Ангелов.

Директорите на регионалните здравствени инспекции можат да го укинат карантинот на соодветни групи лица кои пристигнале во Бугарија во периодот од 29 јануари до 1 февруари. Услов е граѓаните да достават документ кој покажува негативен резултат од PCR тест направен во рок од 24 часа од влегувањето во сила на оваа наредба. Во такви случаи, карантинот се укинува во рок од 24 часа по поднесувањето на документот.

Министерката за туризам на Србија, Татјана Матиќ и министерот на Грција за туризам, Харис Теокарис, на денешниот онлајн состанок потпишаа Меморандум за разбирање на полето на туризмот во услови на пандемијата на КОВИД-19 со кој ќе се дефинираат условите за влез и излез на патниците меѓу двете држави во периодот од 1 мај до 1 октомври 2021 година.

„На тој начин ќе биде овозможен влез на граѓаните од двете земји кои се вакцинирани, додека за граѓаните кои не се вакцинирани ќе биде задолжителен PCR или антигенски тест. Исто така, на граница ќе се прават брзи тестови“ објасни мнистерката.

Таа напомена и дека граѓаните кои досега не можеле да остварат заменски патувања за Грција, а кои склучиле договори со туристички агенции, ќе можат тоа да го направат до 31.12.2021 година.