СВР Струмица по претходна пријава извршиле извршиле контрола во с.Банско, струмичко, при што било констатирано дека Д.И.(57) и А.И.(54) од с.Банско организирале свадбена веселба на нивниот син Е.И.(26), на која присуствувале околу 300 гости, со што постапило спротивно на член 206 од Кривичниот законик.

Свадбата била прекината, а по целосно документирање на случајот, ќе биде поднесена кривична пријава по член 206 од Кривичниот законик – „непостапување според здравствените прописи за време на епидемија“. За настанот бил известен Јавен обвинител.  

Струмица доби Европска куќа, во зградата спроти малиот градски парк. На вчерашното отворање, на коешто присуствуваа претседателот на Владата, Зоран Заев и амбасадорот на Европската Унија во Република Македонија, Дејвид Гир, градоначалникот Коста Јаневски им го предаде клучот од Европската куќа на младите луѓе од Струмица.

„Европска куќа ќе биде исклучително „жив“ простор во кој младите од општина Струмица, па и пошироко, ќе ги чуваат и негуваат европските вредности, преку разни форми на дружење, инфо-услуги, ЕУ-дискусии, реализација на проекти, промоции на ЕУ-настани, изложби, филмски, музички и мултимедијални настани, работилници и слично. Убеден сум дека оваа куќа ќе биде омилена дестинација за младите и дека сите настани кои ќе бидат реализирани ќе ги дадат посакуваните резултати, рече во своето обраќање, градоначалникот Јаневски.

По повеќе од две години од крадењето на ѕвездата на фудбалската легенда Горан Пандев, вчера беше повторно поставена нова ѕвезда.

„Ѕвездата на Пандев беше поставена во 2010 година како симбол на освоената титула Европски и Светски шампион со италијанскиот гигант „Интер“, година во која е реконструиран и струмичкиот плоштад.

Верувам дека овој пат, ѕвездата на Пандев нема да му пречи на никој и ќе остане на градскиот плоштад, ќе ја чуваме исто како и што се радуваме на неговите успеси и промоција на нашата општина и нашата држава.“’ – напиша градоначалникот на Општина Струмица, Коста Јаневски