Земјоделие
Левица: ПРОДАЖБАТА на државното земјоделско земјиште во приватни раце е чекор назад кон феудализам
Објавено на
Од
Media Press
Владата, преку премиерот Зоран Заев и министерот за финансии, Фатмир Бесими, најави продажба на државно земјоделско земјиште во наредните 3 години – 2021, 2022 и 2023. Ова распродавање на земјиштето е планирано да почне од втората половина на 2021 година. Владата планира продажба на 20 – 30% од вкупното државното земјоделско земјиште, кое според нивни проценки вреди повеќе од 2 милијарди евра, реагираат од Политичката партија Левица.
„Накратко, визијата на Владата за целта и условите под кои ќе се врши продажба на државното земјоделско земјиште како и причините за истото се следни:
– „Мора да се продава државен имот, бидејќи нема простор за задолжување“ – став на Бесими,- Обезбедување на 200 до 300 милиони евра од продажба на 20% од вкупните површини,
– Земјоделското земјиште во сопственост на државата, ќе можат да го купат физички и правни домашни лица, но и правни лица со странски капитал,
– Купувачот има обврска да го работи земјиштето, односно да отвори нови работни места,
– Земјиштето не смее да се преименува во градежно земјиште,
– Најголеми парцели ќе се продаваат низ Пелагонија и Овче Поле,- Најмала површина која ќе може да се купи ќе биде 10 хектари.
И покрај тоа што Македонија има благопријатни природни услови за земјоделство, сепак, очигледно тоа, не само што не е приоритет на властите, туку истото е апсолутно занемарено. Резултатите од ваквата незаинтересираност и несериозност се повеќе од очигледни. Секоја година имаме нови разочарани земјоделци – производители, кои, и покрај нивниот труд и производство остануваат социјално загрозени категории.
Ние како политичка партија, во врска со предвидената продажба на државното земјоделското земјиште сметаме дека, во никој случај не е прифатлива политиката на отуѓување на земјоделското земјиште во приватни раце, особено не негова продажба на странски капитал. Единствената причина на Владата за најавената распродажба на земјиштето е обезбедување на финансиски средства, бидејќи тие со недомаќинското и коруптивно работење ја ограбија и презадолжија државата, и сега бараат нови извори на финансии кои повторно ќе ги рапределат по приватни џепови.
Левица, државното земјоделско земјиште го смета за природен ресурс, кој го поседува оваа држава, заедно со сите други природни ресурси како: водата, шумите, рудните богатства. Следствено на тоа, овие ресурси му припаѓаат на народот кој живее овде.
Со отуѓувањето во приватни раце на земјоделското земјиште, државата се лишува од можноста за планско земјоделско производство, идни аграрни реформи, а се загрозува и производството на здрава храна за во иднина, бидејќи, питка вода и незагадена почва ќе бидат се’ повеќе реткост во иднина.
За крај, со најавена продажба на парцели со најмала површина од 10 хектари се исклучуваат ситните земјоделци, кои поседуваат мали земјоделски површини, со кои си обезбедуваат храна и материјални средства за живот. Тие како сиромашни не можат да си дозволат да купат површина од 10 хектари, и со тоа не можат да напреднат со земјоделско производство. Во овој случај купувачи ќе се јават само крупните и имотните земјопоседници, корпорации, странски компании, кои потоа ќе заработуваат од трудот на сиромашните земјоделски работници, изнајмувајќи им го земјиштето или вработувајќи ги на истото како аргати.
Со оваа мерка ќе се создадат услови за воспоставување на нов феудален систем на големи земјопоседници, а ќе се уништат малите земјоделци поради неконкурентност. Тоа ќе допринесе за дополнителна миграција и уништување на селата.Затоа застануваме во одбрана на земјоделците, селаните, и сметаме дека државата има обврска да ги заштити интересите на работниот народ, и да се спротивстави на појавата на тенденции на нов феудализам и експлоатација на земјоделците и работниците од страна на странски и домашни крупни капиталисти и земјопоседници“, стои во реакцијата до јавноста од Левица.
Поврзани содржини

„ИЗНЕНАДЕНИОТ“ ГУВЕРНЕР СЛАВЕСКИ ДА ЗАСТАНЕ ВО ЗАШТИТА НА ГРАЃАНИТЕ ОД БАНКАРСКАТА АЛЧНОСТ

ЛЕВИЦА: Две години МВР со Панче Тошковски не презема никакви дејствија за криминалот со фирмата за надзор над проектот со ,,Бехтел и Енка”

Левица: ЕВРОПСКИОТ СУД ЗА ЧОВЕКОВИ ПРАВА СО НОВ ШАМАР ЗА УСТАВНИОТ СУД

Левица, Струмица: Годишниот план за вработување во ЈКП ” КОМУНАЛЕЦ” СТРУМИЦА за 2026

Левица: Лозарите добија понижување наместо откупна цена

Апасиев на воена парада на Црвениот плоштад во Русија
Земјоделие
Крмов: Власта ги уништува малите земјоделци за да ги помогне големите!
Published
5 месеци agoна
јуни 11, 2026By
Media Press
На собраниската расправа за интерпелацијата на министерот за земјоделие Цветан Трипуновски, пратеникот на Левица Борислав Крмов оцени дека по речиси две години мандат, Владата не само што не ги решила клучните проблеми во земјоделството, туку состојбата дополнително се влошила.
Според Крмов, најголемиот проблем не се аферите, ниту блокираните европски фондови, туку фактот што Македонија постепено го губи сопственото производство на храна.
Пратеникот потсети дека пред да стане министер, Трипуновски јавно зборуваше за неоткупениот ориз, намалениот сточен фонд и доцнењето на субвенциите. Денес, рече Крмов, речиси сите тие проблеми остануваат, а дел од нив се и продлабочени.
Во регионите каде се произведува ориз земјоделците и понатаму се соочуваат со ниски откупни цени кои не ги покриваат ниту основните производствени трошоци. Наместо развој и сигурност, производителите се принудени да продаваат под реалната вредност на својот труд, додека државата не нуди системско решение за нивните проблеми.
Особено загрижувачка е состојбата во сточарството. Бројот на овци, говеда и производството на млеко континуирано опаѓа, а сè повеќе фармери се откажуваат од дејноста бидејќи не можат да обезбедат одржлива заработка.
„Во Македонија практично му ставаме крај на овчарството.“, истакна Крмов.
Крмов посочи и на огромната разлика меѓу откупните и малопродажните цени на млекото. Додека производителите добиваат минимални средства за својот производ, граѓаните плаќаат сè повисоки цени во маркетите.
Најголем товар врз земјоделците претставуваат неисплатените субвенции и намалената финансиска поддршка. „Во моментов им должите на македонските земјоделци 70 милиони евра неисплатени субвенции.“, обвини Крмов.
Дополнително, Владата ги зголемува критериумите за добивање субвенции, што директно ги погодува малите производители. Повисоки прагови за добивање субвенции за овоштарите и лозарите. Построги услови за сточарите и пчеларите. Намалување на дел од субвенциите и ограничување на пристапот до државна поддршка.
Крмов кажа дека зад овие мерки стои јасна политичка определба, наместо да се помогне на малиот земјоделец, државата создава услови за дополнително окрупнување на производството и концентрација на земјоделското земјиште и профитот кај мал број големи стопанства.
„Малиот земјоделец го туркате или да стане наемен работник или да се исели од државата.“, рече Крмов.
Тој оцени дека Владата ги покрива сопствените буџетски неуспеси преку кратење на средства за најранливите категории граѓани, меѓу кои се и индивидуалните земјоделци.
Во услови кога Македонија има плодна земја, поволна клима и долга земјоделска традиција, земјата станува сè позависна од увоз на храна, додека домашното производство опаѓа. Наместо младите да гледаат перспектива во земјоделството, сè повеќе семејства се принудени да ги напуштаат нивите и фармите во потрага по друга работа или егзистенција надвор од државата.
Земјоделие
Трипуновски: Ограничена маржа на цената на ѓубривата за заштита на домашното земјоделско производство
Published
7 месеци agoна
април 21, 2026By
Media Press
Со цел да се спречи растот на цените и да се помогне на земјоделците и домашното земјоделско производство, денеска на 166-та владина седница, Владата донесе Одлука каде што се ограничува маржата на цената на вештачките ѓубрива.
Целта е да се обезбеди достапност до ѓубривата и да се заштитат земјоделците од растот на цените.
Станува збор за две одлуки кои што ќе стапат на сила и истите ќе се применуваат до 31.05.2026 година.
Првата одлука се однесува на сите правни и физички лица регистрирани за производство и трговија на големо и мало, кои прибавуваат и продаваат:
• неоргански ѓубрива;
• органски ѓубрива;
• органо минерални ѓубрива;
• биостимулатори, како и подобрувачи на својството на почвата.
Највисоката бруто профитна маржа на неорганските ѓубрива со оваа одлука кај сите трговски друштва и трговци поединци кои учествуваат во трговскиот ланец се утврдува во вкупен износ до 5% во трговијата на големо и во вкупен износ до 5% во трговијата на мало.
Додека пак највисоката бруто профитна маржа за органските ѓубрива, органо минерални ѓубрива, биостимулатори, од оваа одлука во трговијата на големо ќе изнесува до 10% и во малопродажба ќе изнесува до 10%.
Дополнително, се воведува обврска за континуирано снабдување на пазарот со вештачки ѓубрива. Трговците на мало се должни месечно да обезбедуваат и продаваат најмалку 70% од просечната количина што ја набавиле во 2026 година, додека трговците на големо се обврзуваат да ги снабдуваат трговците на мало со најмалку 70% од просечно продадените количини.
Целта на оваа одлука е да се спречат евентуалните недостатоци на пазарот, да се обезбеди редовна достапност на ѓубривата и да се заштитат земјоделците од неправилниот раст на цените.
Со втората одлука која што денеска е донесена, се ограничува растот на цените на ѓубривата на домашниот пазар, односно се корегира продажната цена за 10% намалување на залихите кои што ги имаат продавачите набавено по старите набавни цени.
Со овие две одлуки се прави стабилизација на цените на ѓубривата, односно нивна корекција, намалување, информира Министерот за земјоделство шумарство и водостопанство Цветан Трипуновски.
„Овие одлуки се донесени врз претходна консултација и разговор со регистрираните увозници на вештачки ѓубрива, но и по основ на претходно направена анализа од страна на Државниот пазарен инспекторат каде што беше констатирано дека има раст на цените.
Зголемувањата на цената на ѓубривата значи поскапо производство и притисок врз македонските земјоделци. Затоа целта на оваа одлука е да се стабилизира пазарот, да се намалат трошоците, како и да се заштити домашното земјоделско производство“, соопштува Трипуновски.
Земјоделие
Приведено лице од струмичко, подметнал пожар на нива, следува соодветна пријава
Published
1 година agoна
септември 17, 2025By
Media Press
На 16.09.2025 на регионален пат помеѓу селата Сарај и Петралинци, струмичко, полициски службеници од СВР Струмица го лишија од слобода С.В.(59) од село Дабиле, струмичко. Тој се сомничи дека околу 19:00 часот подметнал пожар на арско ѓубре во нива помеѓу селата Дабиле и Петралинци, сопственост на В.С.. Од екипа на Територијалната противпожарна единица Струмица пожарот е изгаснат, а повредени лица нема. С.В. е задржан во Полициската станица Струмица и во службен разговор го признал делото.
Запознаен е јавен обвинител од Основното јавно обвинителство Струмица, а увид на местото изврши екипа на СВР Струмица. По целосно расчистување на случајот, против лицето ќе биде поднесена соодветна пријава.

Поевтинуваат горивата

ТРИБИНА ЗА КРСТЕ ПЕТКОВ МИСИРКОВ – вековна мисла и неизбришлив темел на македонскиот идентитет

Пензионерите од Василево добија пензионерски клуб

ФАТЕН СО АКТИВНА ЗАБРАНА: Управувал со возило спротивно на законската мерка – забрана за управување на возило!

