Министерка Боровиниќ-Бојовиќ на денешната прес-конференцијата изјави дека благодарејќи на однесувањето на граѓаните со тоа што ги почитувале мерките за заштита од Ковид-19 вирусот, епидемиолошката состојба во Црна Гора е подобра денес и дека во овој момент 57,3% од болничкиот капацитет е исполнет со ковид-пациенти, а дека тој процент порано бил 67 отсто.

Дополнително на тоа, Министерството за здравство на Црна Гора донесе одлука да се дозволи влез во Црна Гора од денес без задолжително тестирање на коронавирус.

Точниот датум кога ќе пристигнат вакцините неможе да се утврти, изјави министерката напоменувајќи дека очекуваат подетални информации од 10 до 15 дена. Вакцините се очекува да пристигнат во Црна Гора кон крајот на Јануари.

Боровиниќ-Боровиќ истакна дека сакаат прво вакцини со европски сертификат и дека преговараат со „Фајзер“ и со „Астра зенека“.

Во Црна Гора  од денска се  донесени нови построги мерки насочени кон сузбивање на пандемијата на Ковид-19. Воведен полициски час со  кој забраната за напуштање на домот ќе трае од 22 до 5 часот наутро, објавуваат тамошните медиуми.

Исто така, забранета е работата на продавниците од 7 до 20 часот, додека угостителските објекти ќе бидат отворени од 7 до 18 часот.

Компаниите кои се занимаваат со трговија на прехранбени производи (пазари, супермаркети, хипермаркети) и компаниите и претприемачите кои се занимаваат со трговија со непрехранбени производи и обезбедување услуги (трговски центри, продавници за чевли и облека, салони за убавина, фризерници) ќе работат од 7 до 20 часот, предвидуваат новите мерки. Забранет е и меѓуградскиот сообраќај од петок во 22 часот до понеделник во 5 часот наутро.

Останатите мерки остануваат на сила како задолжителни:  носење на маска и одржување физичко растојание во затворено и надвор, забранети се масовни / социјални собири, како и собири во станбени згради и забрането да се собираат во група повеќе од четири возрасни лица заедно на отворено.

И Србија во последните седум дена бележи висок степен на инциденца на Ковид -19, со 724 случаи на 100 000 жители.  Додека хрватска  582,  Црна Гора 540, Словенија 497. Во земјите од каде најчесто доагаат ислениците ситуацијата е поповолна. Во  Австрија е  266,5 случаи на 100.000 жители. Во Италија  238,6, во Данска 193, во Германија 156 и во Франција 110,3.

Јавните собири се забранети  и во Холандија, додека Швајцарија треба да спроведе слична забрана, бидејќи ситуацијата со Ковид – 19 е влошена и во двете држави.

Руската вакцина против Ковид -19 „Спутник V“ на меѓународниот пазар ќе чини нешто помалку од 20 долари за лице, додека за руските граѓани ќе биде бесплатна, е објавено на официјалниот профил на „Твитер“ посветен на рускиот лек.

Вакцината ќе се прима во два наврата, а секоја доза ќе чини помалку од 10 долари вкупно за двете дози околу 20 долари.

Шефот на рускиот Државен фонд за национално богатство Кирил Дмитриев , вели дека Москва и нејзините странски партнери може да произведат повеќе од милијарда дози вакцини в година, што е доволно за 500 милиони луѓе. Русија се обидува да ги забрза производството и дистрибуцијата на својот лек.