Радовиш
Црковниот храм свети Пророк Илија во Радовиш добива сосема нов лик, по реновирањето деновиве започна фрескоживописот на храмот
Црковниот храм Свети Пророк Илија добива сосема нов лик со реновирањето на внатрешноста на црквата и фрскоживописот.
Откако заврши првата фаза со реновирањето кое започна од пред неколку месеци, деновиве се врши фрескоживописот на самата црква, со средства од донации. Од црковниот храм апелираатдо верниците да донираат и да помогнат да се заврши комплетното фрескоживописување на храмот.
„Во првата фаза од реновирањето на црковниот храм Свети Пророк Илија се изврши обнова на подот преку поставување на подно греење и нови подни плочки, беше извршено реновирање на ѕидовите и плафонот преку замена на старата мелтерија и нанесување на нова и глетување, за да може да се подготви површниата на ѕидовите за фрескоживописот. Овие денови се започна токму со цртање на фрескоживописот на храмот, за што се потребни дополнителни донации“, изјави свештеник Стојанче, претседател на Црковното настојателство во храм Свети Пророк Илија во Радовиш . Тој апелира и до верниците во стрнаство доколку се во можност да донираат и со тоа да помогнат да се заврши втората фаза со фрескоживописот на храмот.
Оние граѓани кои ќе донираат за цртање на фреските ќе бидат запишани и како донатори на самите фрески со што ќе бидат дел од историскиот момент на Светата црква. За претстојните празници во Свети Пророк Илија ќе се одрживаат традиционалните божествени литургии, единствено ќе биде изоставена бадниковата литија на дечињата.
Радовиш
Изложбата на фотографии „Рурална жена низ објективот“ на Лејла Куртов, за прв пат се одржа во Радовиш, во организација на Центар за култура „Ацо Караманов“ Радовиш
Изложбата на фотографии „Руралната жена низ објективот“ на авторката Лејла Куртов од Конче, за прв пат се одржа во Радовиш. На изложбата посветена на руралната жена, која предизвика голем интерес во јавноста, присуствуваа голем број радовишани. Во интервју за телевизија Кобра, Лејла вели дека пораката која ја испраќа преку објективот е да се срушат стереотипите за руралната жена.
Лејла доаѓа од урбана средина односно од Скопје, но го наоѓа својот мир и спокој во рурална средина како што е Конче каде е мажена и има свое семејство и работа. Работи како воспитувач во детската градинка во Конче.
Изложбата беше во оргaнизација на Центарот за култура Ацо Караманов од Радовиш, а беше заокружена со музика како изненадување од модераторот Златко Јанкулов кој ја најави изложбата.
Изложбата е составена од 19 фотографии кои опишуваат 17 животни приказни на руралните жени од Општина Конче, од македонска и турска националност, секоја со своите традиции.
Радовиш
Обука за препознавање и воспитно-образовна работа со деца во социјален ризик, се одржа во Радовиш
Општинскиот совет за превенција на детско престапништво во Општина Радовиш вчера организираше еднодневна обука за препознавање и воспитно-образовна работа со деца во социјален ризик, која се одржа во ресторан Леона Лукс во Радовиш. Самата обука беше наменета за наставници,професори и други стручни лица од образовните институции, а целта на обуката беше препознавање и третман на децата во социјален ризик.
Предавачи беа проф. д-р Зоран Киткањ и проф. д-р Ана Фрицханд.
Обуката ја отвори претседателката на Општинскиот совет за превенција на детско престапништво во Општина Радовиш, Наталија Дединец, а свое обраќање имаше и претседателката на Советот на Општина Радовиш Моника Трајанова.
Стартува изборната кампања за парламентарните избори
Гордана Силјановска Давкова: На оваа ужасна пирамида македонска, на врвот има неколку проценти пребогати луѓе, а долу останаа осиромашените
Пендаровски од Гостивар: Ја вративме слободата, изградивме еднакво општество
Димитриевски: Македонија заслужува претседател од граѓаните, кои го даваат легитимитетот за тој што ќе ги претставува и заштитува
