Connect with us

Економија

Вкупно 179 работодавачи кои примиле финансиска поддршка за месец октомври 2020, не исплатиле плата на работниците

Media Press

Published

on

Директорката на Управата за јавни приходи Сања Лукаревска на прес-конференција, ја информираше јавноста за искористеноста на мерката финансиска поддршка за исплата на плати за месец октомври 2020 година.

За месец октомври 2020 поднесени се 13,819 барања БФП-ИП/2, на 12,598 работодавачи е исплатено вкупно 961,613,984  денари, за вкупно 61,556 вработени.  Вкупно 179 работодавачи кои примиле финансиска поддршка за месец октомври 2020 во износ од 5.271.771 денари, не ја исполниле обврската за исплата на плата за 338 вработени.

Овие работодавачи се од дејностите:

·  40 работодавачи од дејноста Трговија на мало, примиле финансиска помош од 968.254 денари и на 63 вработени не исплатиле плата,

·  23 фирми што вршат подготовка на оброци и служење на храна примиле помош од 830.614 денари и на 55 вработени не исплатиле плата,

·  12 фирми од дејноста транспорт, примиле помош од 418.512 денари и на 25 вработени не исплатиле плата. Тука влегуваат и дејностите Трговија на големо, Изградба на згради, Трговија на големо и мало со моторни возила и моторцикли.

По региони најмногу фирми што не исплатиле плата се од: Скопје 52 фирми, Тетово 41 и Гостивар 15.

Вкупно 24 даночни обврзници, за дел од своите вработени побарале финансиска поддршка преку конечна пресметка, а за дел со исправка, и за 506 вработени примиле финансиска поддршка во износ од 2.005.437денари, но не извршиле доплата на износот на плата по поднесените исправки во вкупен износ од 99.186 денари.

На работодавачите кои користеле финансиска поддршка, а не извршиле исплата на плата доставени се опомени за неисплатена плата, по што следи спроведување на постапка на присилна наплата на платата. Согласно Закон за финансиска поддршка на работодавачите погодени од здравствено-економската криза предизвикана од вирусот КОВИД-19, за месеците октомври, ноември и декември 2020 година во ваков случај предвидува изрекување на глоба за сторен прекршок во износ од 500 до 1.000 евра во денарска противвредност на микро правно лице, од 500 до 2.000 евра во денарска противвредност на мало правно лице, од 1.000 до 6.000 евра во денарска противвредност за средно правно лице и од 1.000 до 10.000 евра во денарска противвредност на големо правно лице.

По однос на компаниите кои не ја исплатија платата за месеците април, мај и јуни 2020 година, директорката информираше дека е спроведена присилна наплата заради неисплатена плата, а плата не исплатиле 55 работодавачи за месец април, 48 работодавачи за месец мај и 82 работодавачи за месец јуни. За овие работодавачи доставени се детални податоци во Јавното обвинителство, за покренување на кривична постапка.

149 работодавачи немаат исплатено плата само за еден месец, 25 работодавачи немаат исплатено плата за два месеци и 5 работодавачи немаат исплатено плата за сите три месеци (април, мај и јуни).  За овие работодавачи доставени се детални податоци во Јавното обвинителство, за покренување на кривична постапка. И овие листи на обврзници ќе се достават до Генерален секретаријат на Владата на РСМ за објава.

,,Кај работодавачите, кои примиле износ на финансиска поддршка, а не ја исплатиле платата на работниците, започнуваме со вршење на детални контроли, по сите видови на даноци, а истите ќе бидат и координирани со Државниот инспекторат за труд.

Во претходниот период, работевме на продлабочување на соработката со Државниот инспекторат за труд и покрај овие контроли за финансиската поддршка, ќе следи и инспекциски надзор кај компаниите кои исплатиле плата пониска од минималната, согласно со закон. Листата на компании кои примиле износ на финансиска поддршка за месец октомври, а не ја исплатиле платата на работниците, исто така ќе биде денес доставена до Генералниот секретаријат на Владата на РСМ, за јавна и транспарентна објава на неплаќачите. Листата овој пат нема да може да се менува, независно дали по објавата некој обврзник направи исплата на плата за своите вработени“, рече директорката Сања Лукаревска.

Економија

ССК достави 15 мерки за опстанок на работните места и претпријатијата

Media Press

Published

on

Сојузот на стопански комори на Македонија бара континуитет на поддршката која ќе овозможи да се зачуваат работните места и да опстанат претпријатијата. Ова барање на ССК е преточено во 15 мерки кои и официјално се доставени до надлежните.

Сојузот достави 15 мерки за економски спас кои се базираат на реалните потреби на стопанството кое се соочува со голем број предизвици. Важно е да се зачуваат работните места, но и да се надмине нарушената ликвидност која многу брзо, доколку не се обезбеди континуирана финансиска помош може да доведе до затворање на дел од правните субјекти. Во услови на намалена деловна активност и голема неизвесност, мерката 14.500 даде значителни резултати за одржување на претпријатијата како и зачувување на работните места. Неопходно е и да остане достапна кредитната линија на Развојната банка, за мали и средни претпријатија со овозможување средства за надминување на предизвиците за одржување на ликвидноста“, изјави претседателот на Сојузот на стопански комори, Даниела Арсовкска.

Според Арсовска, предлог-мерките се скромни со оглед на состојбите во економијата и се засновани на широк процес на консултации во приватниот сектор.

Неопходно е поддршката да има континуитет, кој повеќе од се ќе биде сигнал за претпријатијата да се задржат работните места и да се издржи тешкиот период без да згаснат дејностите кои се најкритични – дополнува Арсовска

Приоритетни мерки на предложениот пакетот вклучуваат продолжување на мерката за месечна финансиска помош од 14.500 денари до април 2021 година, директно и неселективно, продолжување на помош во форма на бескаматни кредити и можност за репрограмирање на обврските од активни кредитни побарувања.

Continue Reading

Економија

МТСП: Пензионерите со јануарската пензија добиваат зголемени пензии за усогласување со пораст на трошоците за живот

Media Press

Published

on

„Пензионерите со јануарската пензија ќе добиваат поголема пензија по основ на усогласување на пензијата со порастот на трошоците за живот кои во второто полугодие од 2020 година во однос на првото полугодие истата годинa изнесуваат 1,2%. Зголемувањето на пензијата во номинална вредност изнесува 185 денари на ниво на просечна пензија и 134 денари на ниво на најниска пензија.“ – Се вели во соопштението на Министерството за труд и социјална политика

Од таму дополнуваат дека редовното законско усогласување на пензијата се врши два пати во годината од 1 јануари и 1 јули секоја година. Критериумот за зголемување на пензијата е порастот на индексот на трошоците на живот, што обезбедува одржување на економската вредност и куповната моќ на пензијата.

Почнувајќи од 2019 година покрај редовното усогласување се предвидува и дополнително усогласување во случај доколку бруто домашниот производ во претходната година има реален пораст повеќе од 4%. Покрај овие два начини на усогласување од 2020 година врз основа на одлука од страна на Владата на Република Северна Македонија може да се изврши уште едно дополнително усогласување во случај кога има пораст на минималната плата во тековната година за повеќе од 15% и пораст на просечна плата во претходната година за повеќе од 5%. 

Continue Reading

Економија

Бектеши: Продолжуваме со мерки за поддршка на индустријата, занаетчиството, туризмот и енергетска ефикасност кај домаќинствата

Media Press

Published

on

Министерот за економија Крешник Бектеши денеска на прес-конференција во Владата информираше за Програмите кои што ќе ги реализира Министерството за економија во 2021 година, а кои што беа донесени на последната седница на Владата.

Во рамки на Министерството за економија следната година ќе се реализираат неколку програми за поддршка на индустријата, иновативноста, занаетчиството, туризмот и поттикнувањето на обновливите извори на енергија, енергетската ефикасност.

За реализација на мерките предвидени во Програмата за конкурентност, иновации и претприемништво (КИП) обезбеди 68.800.000 денари.

  • Овие средства се наменети за:50.000.000 денари за мерки за Поддршка на развојот на развој на микро, мали и средни претпријатија,
  • 13.000.000 денари за имплементација на мерки од Индустриската стратегија,
  • 4.800.000 денари наменети за мерки за поддршка и развој на Кластерското здружување во Република Северна Македонија и
  • 1.000.000 за мерки за Инвестиции и општествена одговорност, како и субвенции за приватни претпријатија.

За реализација на Програмата за промоција на обновливите извори на енергија и поттикнување на енергетската ефикасност во домаќинствата се предвидени вкупно 52.000.000 денари:

  • 8.000.000 денари за надоместување на дел од трошоците за сончеви термални колекторски системи во домаќинствата до 30%, но не повеќе од 10.000 денари по домаќинство и до 70%, но не повеќе од 15.000 денари по домаќинство, за лица со ниски примања;
  • 22.000.000 денари за надоместување на дел од трошоците за ПВЦ или алуминиумски прозорци во домаќинствата до 50%, но не повеќе од 20.000 денари по домаќинство и до 70%, но не повеќе од 25.000 денари по домаќинство, за категоријата на лица со ниски примања;
  • 14.000.000 денари за надоместување на дел од трошоците за набавка на печки на пелети во домаќинствата до 50%, но не повеќе од 20.000 денари по домаќинство и до 70%, но не повеќе од 25.000 денари по домаќинство, за лица со ниски примања;
  • 8.000.000 денари за надоместување на дел од трошоците за фотонапонски панели за производство на електрична енергија до 4 kW за сопствена потрошувачка за домаќинствата, на градба на која има право на сопственост или користење, до 30%, но не повеќе од 62.000 денари по домаќинство.

За програмата за развој на туризмот во Северна Македонија во 2021 година се предвидени 31.000.000 денари.

  • За дигитален маркетинг за туристичкиот потенцијал на социјални медиуми 11.500.000 денари;
  • Субвенции за опрема и алатки за подобрување на Активен туризам 3.500.000 денари;
  • Субвенции за туристички цели на селски домаќинства 5.000.000 денари;
  • Промоција на еколошки зони (еко-туризам) изготвување на Студија за еко-туризам и план за промоција на потенцијалите за развој на еко-туризмот 1.500.000 денари;
  • Кампања за безбедно патување – одбележување на туристички центри со сертификати за безбеден туризам, промотивен материјал безбедно патување и медиумска кампања за туристите 1.000.000 денари;
  • Надградба на мобилна апликација „Visit Macedonia” за туристичките потенцијали на земјата, како и можноста за резервација на: хотел, ресторан, културен настан, како и проверка на понудите за посета на одредени места во самиот регион 500.000 денари;
  • Субвенции за дигитализација на туристичко/угостителскиот сектор кои ќе придонесат за дигитализација на туристичката понуда и подобрување на дигиталната промоција на туристичко/угостителскиот сектор во Република Северна Македонија 4.500.000 денари.

Continue Reading