Конче
Бучим и Боров Дол со донации за првата детска градинка во Конче која е најсовремено опремена
Рудникот Бучим донираше 5 Инвертер клима уреди за потребите на детска градинка „12ти Јули“ во Конче во вредност од 3500 евра. Минатата година рудникот Бучим донираше финансиски средства во висина од 5000 евра, со кои целосно се уреди и огради дворот на градинката.
Заменик генералниот директор на Бучим Николајчо Николов заедно со градоначалникот Благој Илиев, ја посетија градинката со цел да видат како фунционира истата. Ова е прва градинка во Општина Конче која е опремена согласно стандардите со сите потребни услови, за што градоначалникот Илиев е посебно горд.
Капацитетот на градинката е 46 дечиња, а се запишани 20 дечиња, поради ситуацијата со корона кризата во моментот ја посетуваат десетина дечиња.
Во знак на благодарност за донациите на заменик генералниот директор на Бучим Николајчо Николов, му беше дадена благодарница од градинката и цртеж направен со детски рачиња. Тој го изрази задоволството од подарокот и од пријатниот и топол амбиент кој го нуди градинката.
Рудникот Боров Дол донираше 5.700 евра со кои ќе се постави систем за греење на пелети и во студените зимски денови ќе се обезбедат потопли простории за престојот на децата во детската градинка во Конче.
Конче
Градоначалникот на Општина Конче со честитка до граѓаните по повод Новогодишните и Божиќни празници
Среќни Новогодишни и Божиќни празници им посакува на сите граѓани градоначалникот на Општна Конче Благој Илиев.
Во новата година ви посакуваме здравје, успех и многу убави моменти поминати во природа, исполнети со мир, спокој и благосостојба. Среќни Новогодишни и Божиќни празници, од Општина Конче – Мала, едноставна и бесконечно убава“, стои во честитката од градоначалникот Илиев.
Конче
Масовни протести на тутунарите од Општина Конче, незадоволни од откупот на тутун го блокираа регионалниот пат Радовиш – Конче
Тутунарите од Општина Конче денеска масовно излегоа на организирани протести поради незадоволство од откупот на тутунот, посебно од неговата проценка. Со блокирање на регионалниот пат Радовиш – Конче, на раскрсница кај Лакавица, тие го изразија својот револт од непочитувањето на договорот од петокот, од страна на откупните претпријатија. Организатор на протестите беше Иницијативниот одбор на македонски тутунари од Општина Конче.
Тутуноптоизводителите велат дека нема да го продаваат тутунот по цена за една кутија цигари и бараат да не бидат ограничувани во килажа. Тие имаат две барања, реална проценка на класите и откупување на целото количество тутун.
Денешниот штрајк на тутунопроизводителите доби логистичка поддршка и од бизнис секторот, кој индиректно е засегнат од откупот на тутунот.
Маката на тутунарите, инспирација и за пишување поезија, во која се вели дека треба да се изигра македонското тешко оро, до крај.
За утре повторно е закажан масовен штрајк на тутунарите од Општина Конче со почеток во 7 часот со што повторно ќе се блокира регионалниот пат Радовиш- Конче
Изгласан Законот за попис на населението и домаќинствата
Царовска: Реформите се потребни, тие се во интерес и на децата и на нашите барања
Од денеска започна второто полугодие од оваа учебна година
Мицковски: Владата ниту подарените вакцини неможе да ги примени
