Connect with us

Струмица

Директорката на Здравствен Дом- Струмица Љубица Митева, со демант на одржаната прес конференција на пратеничката Ели Панова

Media Press

Објавено на

Како директор на ЈЗУ "Здравствен Дом" Струмица во која функционира и Службата за итна медицинска помош се чувствувам за...

Posted by Ljubica Miteva on Monday, 16 November 2020

„Како директор на ЈЗУ “Здравствен Дом” Струмица во која функционира и Службата за итна медицинска помош се чувствувам за повикана да ја демантирам изјавата на пратеничката Ели Панова од редовите на ВМРО-ДПМНЕ, која зборува за катастрофални услови во објектот на итната медицинска помош“, напиша на својот ФБ профил директорката на ЈЗУ “Здравствен Дом” Струмица Љубица Митева.

„Почитувана Ели Панова,

Како жител на град Струмица треба да знаете дека објектот не е од пред четири години и за жал истиот за кој велите дека е руиниран, своето фијаско го доживеа за време на вашето владеење од цели 10 години кога се немаше елементарни услови за работи ( хигиена, медицинска опрема, лекови, здравствени работници).

Само за Ваша информација и Вам блиските ЈЗУ Здравствен дом Струмица Ве информира дека

· Целосно се реконструирани WC тоалетите кои до пред 4 години не беа во функција

· Зголемен е тимот на итна медицинска помош со 10 тима и тројца доктори на договор на дело за разлика од претходно кога Службата беше затекната само со 5 тима

· На вработените во итна медицинска помош им се признаени и исплатени финансиски средства по основ на бенифициран стаж од 2011 година, признаени им се разни додатоци на плата по основ на колективен договор за здравствена дејност, за разлика од претходно

· Обезбедени комплет работни униформи на тимовите во итна медицинска помош, донација во вредност од 5000 евра на 17.06.2020 година.

· Имаме поднесено апликација на 30.06.2020 преку Центарот за развој на Југоисточен плански регион до Амбасада на Јапонија за целосно обновување на објектот.

· За време на Вашето владеење просторот пред Службата каде што се сликавте беше депонија за стари и неисправни медицински возила кои беа сместувачки капацитети за бездомници

· Од сопствени приходи јавната установа, спроведе јавна постапка за набавка на едно медицинско амбулантно возило кое треба да биде испорачано до првата половина на месец декември неопходно во справување со пандемијата. Склучен договор бр.05-1237/3 од 15.10.2020.

· За прв пат на тимовите им се обезбеди комплет медицински куфери, за разлика од претходно кога се немаше ниту апарат за мерење на притисок

· Обезбедена донација за патничко моторно возило за домашна посета на хронично болни лица од 21.12.2018 година

· На вработените им се обезбеди комплет лична заштитна опрема

· Зголемена квота на медикаментозна и ампуларна терапија во Службата за 100%, за разлика од претходно кога пациентите се упатуваа сами да ја набавуваат терапијата од аптеките.

· Набавени се пет компјутери за потребите на установата

· За време на пандемијата во време од 8 (осум) месеци до сега ИМП не остана без терапија ниту без лична заштитна опрема за здравствените работници.

За Ваша информација вратен е долг од 104.500,00 евра кој беше затекнат од претходното работење“, напиша меѓу другото Митева.

Струмица

Општина Струмица со награден фонд до 130.000 д. за најдоброто идејно решение за Градски плоштад ,,Гоце Делчев“ – Струмица

Media Press

Published

на

ПОТСЕТУВАЊЕ ДО ГРАЃАНИТЕ: РОКОТ ЗА ИДЕЈНИТЕ РЕШЕНИЈА ЗА ГРАДСКИОТ ПЛОШТАД „ГОЦЕ ДЕЛЧЕВ“ Е ПРОДОЛЖЕН ДО 15 ДЕКЕМВРИ 2026 ГОДИНА

Општина Струмица ги потсетува граѓаните, архитектите и сите заинтересирани учесници дека рокот за доставување идејни архитектонски решенија за реконструкција и урбан дизајн на Градскиот плоштад „Гоце Делчев“ е продолжен.

Предлозите можат да се достават најдоцна до 15 декември 2026 година, до 12 часот, по пошта или лично во архивата на Општината, канцеларија бр. 20. Конкурсот е јавно достапен на Електронскиот систем за јавни набавки (www.e-nabavki.gov.mk), каде заинтересираните можат да ја најдат целокупната документација.

Најдобрите идејни решенија ќе ги избира стручна жири-комисија.

Општина Струмица обезбеди парични награди во износ од 130.000 денари за првата, 60.000 денари за втората и 40.000 денари за третата награда.

Градскиот плоштад „Гоце Делчев“ последен пат беше целосно реконструиран во 2010 година. По повеќе од 15 години, Општината отвора нова можност за осмислување на неговиот изглед и содржина, со визија за поубав, пофункционален и попривлечен централен простор, место кое ќе одговори на потребите на граѓаните, ќе поттикнува дружење и ќе продолжи да биде срцето на јавниот и културниот живот во Струмица.

Со овој конкурс, Општина Струмица прави чекор кон ново урбано лице на градот, создадено со современи архитектонски идеи и визија за иднината.

Ги повикуваме сите заинтересирани да се вклучат и да го дадат својот придонес во обликувањето на новото лице на центарот на Струмица.

Прочитај повеќе

Струмица

Општина Струмица денес ја одржа 18-та седница на Советот на општина Струмица

Media Press

Published

на

Нови развојни планови за Струмица, финансиска стабилизација и инвестиции во 2027 година!

На денешната 18-та седница на Советот на Општина Струмица е усвоен Планот на програмите за развој за 2027 година, со кој се поставува основата за реализација на капиталните инвестиции во наредната година.

Усвоени беа и ребалансот на буџетот за 2026 година, извештајот за неговото извршување за третиот квартал, како и измените и дополнувањата на општинските програми.

Одговарајќи на советничките прашања, градоначалникот Петар Јанков ги образложи тековните и планираните проекти, финансиското работење и предизвиците со кои се соочува општината.

Општината постепено ја стабилизира финансиската состојба и создава услови за поинтензивна реализација на планираните активности.

На седницата се донесе и одлуки за унапредување на комуналните услуги, работењето на јавните претпријатија, урбанистичкото планирање и поддршка на граѓани на кои им е потребна парична помош.

,,Продолжуваме со одговорно управување, реално планирање и конкретни чекори за развој на Струмица“ – истакна градоначалникот Петар Јанков.

Прочитај повеќе

Струмица

Ново мултифункционално игралиште во Куклиш

Media Press

Published

на

НОВО ИГРАЛИШТЕ ЗА СПОРТОТ ВО КУКЛИШ: Завршена подлогата и поставени кошевите на новото мултифункционално игралиште

Љубителите на спортот и рекреацијата од населеното место Куклиш добиваат современо уреден спортски простор. Активностите за целосно уредување и модернизација на мултифункционалното спортско игралиште во ова населено место се во забрзана реализација, соопштија од Општина Струмица.

Според досегашните изведувачки работи, подлогата на игралиштето е успешно завршена, а веќе се монтирани и кошевите, со што проектот добива видлива завршна форма.

Проектот е замислен како мултифункционален спортски терен кој ќе овозможи практикување на повеќе спортови, со што ќе се создадат оптимални услови за спортски активности на младите, децата и сите рекреативци од Куклиш.

Оваа значајна инвестиција се реализира преку меѓусебна соработка и партнерство меѓу Општина Струмица и „Видеолотарија Касинос Австрија“. Овој заеднички потфат е дел од пошироката стратегија за унапредување на спортската инфраструктура и рамномерен развој на условите за спорт и рекреација во сите населени места низ општината.

Прочитај повеќе