Connect with us

Радовиш

Донирана опрема и материјали на ЈП„Плаваја“ Радовиш како учесник во проекти финансирани од Германската Влада

Media Press

Published

на

Асоцијацијата на даватели на комунални услуги на Македонија – АДКОМ преку проектот „Отворен регионален фонд за модернизација на општинските услуги – одговор на Covid-19“ имплементиран преку Германската агенција за меѓународна соработка (ГИЗ) обезбеди пакети со материјали и опрема за јавните претпријатија од Западен балкан кои учествувале или учествуваат во проекти финансирани од Германската Влада.

„Во донираната опрема и материјали ЈП„Плаваја“ Радовиш како учесник во проекти финансирани од Германската Влада доби:

– Алкохол 50 литри, Дезинфициенси 25 литри, Гумени чизми 18 пара, Маски за еднократна употреба 500 броја, Маски за повеќе кратна употреба FFP3 броја 10, Заштитни ракавици 25 пара, Заштитни одела за еднократна употреба 150 броја, Заштитни одела за повеќе кратна употреба 25 броја, Мотрона грбна прскалка 1 број, Рачни прскалки 3 броја, Долги PVC ракавици (50 см) 100 пара, Кратки PVC ракавици (30 см) 100 пара, Ракавици за еднократна употреба 250 пара и Заштитни визири 25 броја“, информираат од ЈП Плаваја.

ЈП„ПЛАВАЈА“ РАДОВИШ СЕ ЗАБЛАГОДАРУВА ЈАВНО:

НА ГЕРМАНСКАТА АГЕНЦИЈА ЗА МЕЃУНАРОДНА СОРАБОТКА (ГИЗ) И НА АДКОМ ЗА ДОНИРАНАТА ОПРЕМА И МАТЕРИЈАЛИ.

„Со ваквата донација се заштитува здравјето на вработените во претпријатието кои секојдневно со својата непрекината работа, се изложени на можна инфекција од корона вирусот кој ја предизвикува болеста КОВИД-19.

ВИ БЛАГОДАРИМЕ ШТО СЕ ГРИЖИТЕ ЗА НАШЕТО ЗДРАВЈЕ!!!

Со Вашата грижа и искажана општествена одговорност обезбедувате континуитет на сите дејности на претпријатието кои во ова време на пандемија се повеќе од потребни на сите жители на општина Радовиш – редовното водоснабдување со чиста и здрава вода за пиење, одведувањето на отпадните води, собирањето на комуналниот отпад, јавната чистота, одржувањето на канализационите системи, прочистувањето на отпадните води, грижата и оплеменувањето на јавните површини и одржувањето на гробиштата“, велат од ЈП плаваја, Радовиш.

прикажи повеќе
Advertisement

Радовиш

Од утре започнува асфалтирањето на делот од регионалниот пат од Радовиш кон планината Плачковица

Media Press

Published

на

Од утре започнува асфалтирањето на делот од регионалниот пат од Радовиш кон планината Плчаковица со што целосно завршува реконструкцијата на овој патен правец. Градоначалникот Герасим Конзулов заедно со раководителот на одделението за урбанизам Кирчо Сусинов, денеска изврши увид во работните активности.

Конзулов апелира до граѓаните да се воздржат од патување кон планината Плачковица овие денови бидејќи нема да е прооден за секаков вид на возила во време од 09.00 до 17.00 часот секој работен ден освен недела, се до завршувањето на асфалтирањето.   

Пред две години беа реконструирани 3 колометри на делот од Шумска куќичка кон градот Радовиш,  а минатата година уште  7 колометри.   Со оваа последна фаза од околу 8 километри целосно ќе биде завршена реконструкцијата на овој патен правец кој води кон атрактивната и примамлива за планинарите и туристите, планина Плчаковица.

Според Градоначалникот Конзулов со ова целосно ќе биде обновен регионалниот пат кон Плачковица после 42 години.

Прочитај повеќе

Радовиш

Лиле Стефанова од Радовиш е една од петте нови јавни обвинители во тимот Русковска

Media Press

Published

на

Лиле Стефанова е една од петте кандидати кои Советот на јавни обвинители со гласање ги избра, да преминат од основните јавни обвинителства каде работеле, во Обвинителството за гонење на организиран криминал и корупција со кое раководи Вилма Русковска. Останатите четворица се Наташа Поп-Трајкова, Артан Ајро, Трајче Пеливанов и Катерина Коларевиќ

Според биографиите кои пред гласањето ги читаше претседателот на Советот на јавни обвинители, кандидатите имаат од 8 до 16 години искуство како јавни обвинители. Најголем стаж има Лиле Стефанова која веќе беше јавен обвинител во Обвинителството за гонење на организиран криминал и корупција, до пред да премине во Специјалното јавно обвинителство.

„Лиле Стефанова работела како основен јавен обвинител во основното јавно обвинителство во Радовиш во периодот од 2004 до 2010 година. Од 2010 година до 2015 година била јавен обвинител во Обвинителството за гонење на организиран криминал и корупција, а потоа во СЈО. Има стаж како јавен обвинител од 16 години и добиено оценка од 25 поени. “, рече претседателот на Советот на јавните обвинители, Ацо Колевски кој читаше дел од биографиите на обвинителите.

На огласот, распишан пред 6 месеци, се пријавиле 14 кандидати.

Прочитај повеќе

Радовиш

Одбележан Денот на планетата Земја во Радовиш, со акција за чистење и уредување на градскиот парк на ридот

Media Press

Published

на

Денеска се одбележува Денот на планетата Земја, празник на единствениот дом на сите живи суштества. По тој повод во Радовиш екипата на ЈП Плаваја заедно со доброволците од Црвениот крст спроведоа акција за уредување на градскиот парк на ридот.

По тој повод градоначалникот Герасим Конзулов Заедно со младите активисти на Црвениот крст засади дрвце како симбол на обновата и заштитата на природата и упати апел до граѓаните да ја чуваат животната средина.

На градскиот парк исто така е поставена и нова урбана опрема, клупи и канти за отпадоци и нова фонтана. Конзулов апелира до граѓаните да ја чуваат урбаната опрема.

Во рамките на акцијата е предвидено да се чистат пешачките патеки и обраснатата вегетација, посадени се нови садници на дрвја, а старите клупи ќе бидат репарирани.

Голем проблем на општина Радовиш претставуваат и дивите депонии кои неконтролирано се прават на излезот од градот кон планината Плачковица, за кои како што рече градоначалникот Конзулов се поставуваат и прегради од земја но сепак пак се загадува.

Меѓународниот ден на планетата Земја на 22 Април секоја година се одбележува ширум светот со разни манифестации и акции, со цел да се сврти вниманието на јавноста на зачењето на зачувување на животната средина и да доведат до промена на еколошката свест.

Денот на Планетата Земја за првпат е одбележен на 22 април 1970 година во САД. Оваа дата е прифатена како Ден на планета Земја на Конференцијата на Обединетите нации за животна средина во 1992 година.

Прочитај повеќе