Connect with us

Радовиш

Општина Радовиш со пригодна програма го одбележа 6-ти Ноември, градоначалникот Конзулов со свое обраќање

Media Press

Published

на

Општина Радовиш со пригодна програма на достоинствен начин го одбележа празникот 6-ти Ноември – 76 години од ослободувањето на Радовиш.

Најпрво во 11:00 час. во Паркот на млади беше положено свежо цвеќе а веднаш потоа во Центарот за култура „Ацо Караманов“ беше одржана свечена седница на Советот на општина Радовиш, на која на предлог на комисијата за награди и признанија, беше донесена Одлука за доделување на овогодишните шестоноемвриски плакети.

Со почеток во 12:30 час. во Центарот за култура „Ацо Караманов“, беше одржана свечена академија на која беа доделени шестоноемвриските плакети. Академијата започна со отварањето на ликовната изложба од радовишката ликовна колонија, а веднаш потоа Градоначалникот на општина Радовиш Герасим Конзулов со поздравен говор ја отвори свеченоста на доделување.

„Пред 76 години, македонските партизани и наши сограѓани како дел од антифашистичката коалиција го ослободија Радовиш од окупацијата и извојуваа голема победа.

Денес, на 6ти Ноември го чествуваме нивното дело и оддаваме почит на паднатите херои и ослободители на нашиот град. Несомнено, 2020 година ќе остане запаметена како една од најтешките години поради здравствената и економска криза предизвикана од глобалната пандемија.

Тешките времиња носат нови предизвици но отвараат и можност да покажеме дека истрајноста, слободата и надежта се основи на човековиот дух. Македонските партизани покажаа дека колективниот идеал за слобода е посилен од секое оружје. Граѓаните на Македонија преку НОБ и партизанското движење застанаа на вистинската страна на историјта и ја втемелија нашата определба да бидеме дел од Европа. Но европа која ке ги почитува правата на сите народи без разлика колку се мали или големи.

Почитувани, Со длабока почит кон ослободителите на градот и паднатите херои во народноослободителната борба Ви го честитам 6ти Ноември!“ рече во своето обраќање градоначалникот Конзулов.

Плакета за постигнат јубилеј и значаен придонес во афирмацијата на општина Радовиш беше доделена на Црковниот хор „Св.Спасо Радовишки“, а веднаш потоа беа доделени плакети од областа на културата на Ефтим Манев – за особено достигнување во областа на културата и афирмација на општина Радовиш и на М-р Васо Ристов за придонес и континуирана поддршка на општина Радовиш во областа на јавните дејности.

Плакета за придонес во развојот и квалитетот на живеење на општина Радовиш беше доделена на Здравко Стефановски а веднаш потоа беа доделени и Плакетите за особен придонес во развојот и афирмацијата на општина Радовиш на: Ванчо Чифлиганец, Николајчо Николов и Василиј Борутцкиј како и на раководителот на секторот за урбанизам во Општина Радовош Кирчо Сусинов.

прикажи повеќе
Advertisement

Радовиш

Од утре започнува асфалтирањето на делот од регионалниот пат од Радовиш кон планината Плачковица

Media Press

Published

на

Од утре започнува асфалтирањето на делот од регионалниот пат од Радовиш кон планината Плчаковица со што целосно завршува реконструкцијата на овој патен правец. Градоначалникот Герасим Конзулов заедно со раководителот на одделението за урбанизам Кирчо Сусинов, денеска изврши увид во работните активности.

Конзулов апелира до граѓаните да се воздржат од патување кон планината Плачковица овие денови бидејќи нема да е прооден за секаков вид на возила во време од 09.00 до 17.00 часот секој работен ден освен недела, се до завршувањето на асфалтирањето.   

Пред две години беа реконструирани 3 колометри на делот од Шумска куќичка кон градот Радовиш,  а минатата година уште  7 колометри.   Со оваа последна фаза од околу 8 километри целосно ќе биде завршена реконструкцијата на овој патен правец кој води кон атрактивната и примамлива за планинарите и туристите, планина Плчаковица.

Според Градоначалникот Конзулов со ова целосно ќе биде обновен регионалниот пат кон Плачковица после 42 години.

Прочитај повеќе

Радовиш

Лиле Стефанова од Радовиш е една од петте нови јавни обвинители во тимот Русковска

Media Press

Published

на

Лиле Стефанова е една од петте кандидати кои Советот на јавни обвинители со гласање ги избра, да преминат од основните јавни обвинителства каде работеле, во Обвинителството за гонење на организиран криминал и корупција со кое раководи Вилма Русковска. Останатите четворица се Наташа Поп-Трајкова, Артан Ајро, Трајче Пеливанов и Катерина Коларевиќ

Според биографиите кои пред гласањето ги читаше претседателот на Советот на јавни обвинители, кандидатите имаат од 8 до 16 години искуство како јавни обвинители. Најголем стаж има Лиле Стефанова која веќе беше јавен обвинител во Обвинителството за гонење на организиран криминал и корупција, до пред да премине во Специјалното јавно обвинителство.

„Лиле Стефанова работела како основен јавен обвинител во основното јавно обвинителство во Радовиш во периодот од 2004 до 2010 година. Од 2010 година до 2015 година била јавен обвинител во Обвинителството за гонење на организиран криминал и корупција, а потоа во СЈО. Има стаж како јавен обвинител од 16 години и добиено оценка од 25 поени. “, рече претседателот на Советот на јавните обвинители, Ацо Колевски кој читаше дел од биографиите на обвинителите.

На огласот, распишан пред 6 месеци, се пријавиле 14 кандидати.

Прочитај повеќе

Радовиш

Одбележан Денот на планетата Земја во Радовиш, со акција за чистење и уредување на градскиот парк на ридот

Media Press

Published

на

Денеска се одбележува Денот на планетата Земја, празник на единствениот дом на сите живи суштества. По тој повод во Радовиш екипата на ЈП Плаваја заедно со доброволците од Црвениот крст спроведоа акција за уредување на градскиот парк на ридот.

По тој повод градоначалникот Герасим Конзулов Заедно со младите активисти на Црвениот крст засади дрвце како симбол на обновата и заштитата на природата и упати апел до граѓаните да ја чуваат животната средина.

На градскиот парк исто така е поставена и нова урбана опрема, клупи и канти за отпадоци и нова фонтана. Конзулов апелира до граѓаните да ја чуваат урбаната опрема.

Во рамките на акцијата е предвидено да се чистат пешачките патеки и обраснатата вегетација, посадени се нови садници на дрвја, а старите клупи ќе бидат репарирани.

Голем проблем на општина Радовиш претставуваат и дивите депонии кои неконтролирано се прават на излезот од градот кон планината Плачковица, за кои како што рече градоначалникот Конзулов се поставуваат и прегради од земја но сепак пак се загадува.

Меѓународниот ден на планетата Земја на 22 Април секоја година се одбележува ширум светот со разни манифестации и акции, со цел да се сврти вниманието на јавноста на зачењето на зачувување на животната средина и да доведат до промена на еколошката свест.

Денот на Планетата Земја за првпат е одбележен на 22 април 1970 година во САД. Оваа дата е прифатена како Ден на планета Земја на Конференцијата на Обединетите нации за животна средина во 1992 година.

Прочитај повеќе