Рудникот Бучим донираше 5 Инвертер клима уреди за потребите на детска градинка „12ти Јули“ во Конче во вредност од  3500 евра. Минатата година рудникот Бучим донираше финансиски средства во висина од 5000 евра, со кои целосно се уреди и огради дворот на градинката.

 Заменик генералниот директор на Бучим Николајчо Николов заедно со градоначалникот Благој Илиев, ја посетија градинката со цел да видат како фунционира истата.   Ова е прва градинка во Општина Конче која е опремена согласно стандардите со сите потребни услови, за што градоначалникот Илиев е посебно горд.

Капацитетот на градинката е 46 дечиња, а се запишани 20 дечиња, поради ситуацијата со корона кризата во моментот ја посетуваат десетина дечиња.

Во знак на благодарност за донациите на заменик генералниот директор на Бучим Николајчо Николов, му беше дадена благодарница од градинката и цртеж направен со детски рачиња. Тој го изрази задоволството од подарокот и од пријатниот и топол амбиент кој го нуди градинката.  

 Рудникот Боров Дол донираше 5.700 евра со кои ќе се постави систем за греење на пелети и во студените зимски денови ќе се обезбедат потопли простории за престојот на децата во детската градинка во Конче.

ООУ „Гоце Делчев“ во Конче продолжува да ги подобрува условите за настава, овој пат со донација на бели магнетни табли за секоја училница. Рудник Бучим  дониираше за потребите на основно училиште Гоце Делчев, 26 магнетни табли во вкупна вредност од 2600 евра. Додека пак рудник Боров Дол  претходно донираше 15 таблети во вредност од 2600 евра и интернет пристап до крајот на учебната година.

По тој повод директорката на училиштетот Цветка Агелова, во знал на благодарност додели благодарници на Рудникот Бучим и на новиот рудник Боров Долм за досегашните донации во училиштетото.

Зменик генералниот директор на Бучим Николајчо Николов кој беше во посета на училиштетото, рече дека со задоволство го помагаат воспитно образовниот процес, со што даваат придонес во развојот на младите генерации.

Од името на Боров Дол благодарност за доделената благодарница изрази Кристина Крстева Прес секретер на компанијата Солвеј во чии состав работат Бучим и Боров Дол.

И градоначалникот на Општина Конче Благој Илиев, од името на општината се заблагодари на Рудникот Бучим и на Боров Дол за помошта која секогаш ја даваат  како општествено одговорни компании.

Инаку во ова училиште заедно со подрачните настава со физичко присуство следат  134 ученици а околу 130 од вкупно 265 ученици наставата ја следат онлајн.

Донација од околу 200 столици доби Општина Конче кои ќе се користат за потребите на Домот на културата но и при организација на секакви општински манифестации.

Станува збор за два типа на столици благодарение на соработката што ја восопставија граѓански здруженија од Едрене Турција и Здружението за спорт и кутлура ,,Зија Гокалп’’ од Конче каде добар дел од жителите се од турска националност.

Имено, како што изјави градоначалникот Благој Илиев здружението за образование и култура на “Академија на Румели” и “Федерацијата на Балканските Турци” од Едрене Турција, преку здружението за спорт и култура “Зија Гокалп” во Конче донираа 40 посетителски и 150 пластични столово или  вкупно 190 столиви за потребите на културниот дом на општина Конче.

 Столчињата се поставени во Домот на културата каде најчесто се организираат разновидни културни манифестации но и празници на општината и собири.

Според градоаначалникот Илиев, соработката меѓу граѓаните од Едрене и Конче, во иднина ќе се прошири и на културен, економски и спортски план.