„Народот не може да се сопре, против народот никој не може. Заев погледни ова е Радовиш!“ Ова е пораката која беше испратена на протестот кој синоќа ОК на ВМРО -ДПМНЕ го одржа во Радовиш.

Протестот со автомобили започнаа од пред Спортската сала па се до центарот на градот и до општинската зграда.  Свое обраќање пред Општина Радовиш имаа новиот претседател на ОК на ВМРО ДПМНЕ од Радовиш Јован Ристов и пратеникот во Собрание од редовите на ВМРО ДПМНЕ Здравко Трајанов.

„Радовиш ја исцртува црвената линија. Нема право власта да разговара и да преговара за историјата, за идентитетот и за културата. Нема право бидејќи моќта власта  ја црпи од народот, а мора да и порачеме дека моќта од денес во Радовиш со исцртаната црвена линија е во народот и порачуваме дека нема народ веќе во Македонија со свиткана ќичма, рече новиот претседател на ОК на ВМРО ДПМНЕ од Радовиш Јован Ристов.

„Место да го решат спорот со Бугарија СДС и власта на Зоран Заев упорно работат на разнебитувањето на македонскиот народ. Не е во интерес на македонскиот народ да преговараме за Македоснкиот јазик и за Македонската нација, не е во интерес на македонскиот народ да преговараме за македонското малцинство во Бугарија, тоа е факт“, рече пратеникот во собранието Здравко Трајанов.

Центарот за подршка на лица со интелектуална попреченост „Порака“ од Радовиш, денеска за прв пат не го одбележа 3-ти Декември Меѓународниот ден на лица со попреченост. Поради актуелната ситуација со корона вирусот дневниот центар денеска беше празен, а корисниците во работните активности се вклучуваат онлајн од своите домови.

Целта  на одбележување на овој ден секоја година е да се подигне јавната свест за лицата со интелектуална попреченост за што раководителот на Порака од Радовиш Тања Костадинова, упати повторно апел до надлежните и до граѓаните, за поголема свест и одговорност.

Инаку дневниот центар Порака секоја година го одбележуваше одој ден со пригодна свеченост на која присуствуваа повеќе гости, нивни подржувачи и пријатели меѓу кои и градоначалникот на Општина Радовиш, советници,  извршниот директор на Ридникот Бучим Ноколајчо Николов, директори на други приватни компании, директори на јавни и обрзовни институции, професори и други гости.   Годинава овој дневен центар беше празен, без присуство на неговите корисници и без присуство на гости.

Мирни протести на  тутунарите од село Калуѓерица, радовишко поради незадоволството од откупот на тутунот. Тие се незадоволни од одредувањето на класата и како што велат ако се цени на овој начин ќе им дојде  во просек по 150 денари за килограм тутун. За оваа цена тие нема да го продаваат своето тешко произведено производство.

Тутунопроизводителите велат дека за две класи подолу се цени квалитетот на тутунот, а има и одбитоци. И затоа апелираат до Здружението на тутунопроизводители да ги повлечат своите повереници, за да не може да се врши откуп. Тутунарите револтирани, велат дека ќе продолжат со протестите и во наредните денови и доколку не се слушне нивниот глас, ќе органзираат штрајк.

Како што најавија незадоволните тутунари ќе протестираат секој ден, се додека некој не ги слушне нивните барања, а испратија порака и до министерот за земјоделие, да каже по која цена ќе се откупи целиот тутун, како што најави од откупот во Прилеп.