Connect with us

Политика

ВМРО ДПМНЕ: Секој четврти тестиран е заразен од КОВИД, Комисијата за заштита од заразни болести потфрли

Media Press

Published

на

Во денешното соопштение на политичката партија ВМРО ДПМНЕ укажуваат на тоа дека секој четврти тестиран во Македонија е заразен со КОВИД. Политиките на власта крахираа. Комисијата за заштита од заразни болести целосно потфрли. 

Од таму пополнуваат дека комисијата за заразни болести прогнозираше 2.000 заболени за времетраење на целата пандемија, а всушност имаме 2.000 заболени за една недела.

Пандемијата се уште не е завршена, а бројот на заразени е десеткратно повеќе од прогнозите на Комисијата за заштита од заразни болести и власта.
И власта не прави ништо за да спречи уште поголема катастрофа. На праг сме на сезоната на грип, а уште немаме вакцини. Највозрасните и хронично болните се оставени буквално на себе.

„СДСМ не се потруди ниту да се подготви за есенскиот голем бран на КОВИД. Цело лето преспаа, и не оспособија ниту еден болнички капацитет повеќе, иако знаеја дека ситуацијата ќе биде лоша, резултатот сега го гледаме, преполни болници уште на почеток на есента.
Хаосот кој се случува предизвикан од КОВИД е директна вина на Комисијата за заштита од заразни болести и власта кои немаат план како да се справат со заразата. Со СДСМ Македонија и граѓаните само тонат во хаосот на пандемијата.“
– пишува во соопштението од ВМРО ДПМНЕ

Македонија

Левица: Македонија во должничко ропство – 8,6 МИЛИЈАРДИ ЕВРА е должна само кон надвор

Media Press

Published

на

Политичката партија Левица во Реакција до јавноста вели дека степенот на задолженост на Македонија е загрижувачки и дека државата е во должничко ропство.

„Степенот на задолженост на Република Македонија, повторно ја бранува јавноста. Впрочем единствената работа за која има консензус во Собранието, со исклучок на Левица, е континуирано ставање на Републиката во должничко ропство.

Согласно соопштението на Народна Банка, крајот на четвртиот квартал од 2020 година, Македонија забележува неверојатни 8,6 милијарди евра само надворешен долг. Што е уште позастрашувачки – 62 проценти од овој долг е кон приватни институции.

Извештајот на Народна банка, иако промовираше ситно намалување на надворешниот долг, факт е дека целокупниот јавен долг на крај од третиот квартал изнесуваше 6,57 милијарди евра, согласно извештајот кон крајот на четвртиот квартал само надворешниот долг е 8,6 милијарди – што претставува значително зголемување, особено кога ќе се стави во контекст дека изнесува 80,2 отсто од процентот на БДП за 2020 година.

Тоаталното отсутство на економска визија ја сведе СДСМ, која како партија во 2016 година најавуваше кривична одговорност за неодговорни задолжувања, во моментов да ја бутка Македонија во банкрот“, стои во реакцијата од Левица.

Прочитај повеќе

Македонија

Демократски сојуз: Обврска на министрите е да бараат решенија, граѓаните да можат слободно да патуваат во странство

Media Press

Published

на

Демократскиот сојуз најостро ја осудува изјавата на министерот за економија, Крешник Бектеши, според кого, нема да се разговара со Грција за граѓаните да можат да патуваат во таа земја со цел да останат дома и да одмараат во нашите одмаралишта.

„Таквите тези се својствени само за Северна Кореја. Обврска на министрите е да бараат решенија за слободно движење на граѓаните, капиталот и идеите, а не да не затворат во рамките на Македонија. Граѓаните очекуваат проактивна дипломатија и членовите на Владата да ги “рушат” бариерите, а не да создаваат нови. Сите ние долго време сме затворени во своите домови и дополнителни блокади не ни се потребни“, стои во реакцијата од Демократски сојуз.

Инаку вчера од грчка страна беше соопштено дека Грција ги отвара вратите за српските граѓани кои примиле вакцина за претстојната туристичка сезона, а додека министерот Бектеши излезе со став дека нема да се разговара со Грција за граѓаните да можат да патуваат во таа земја со цел да останат дома и да одмараат во нашите одмаралишта.

Прочитај повеќе

Македонија

Левица: Лидерската средба Заев-Мицкоски ќе биде од корист за Републиката само ако се договори Македонска национална платформа

Media Press

Published

на

Политичката партија Левица, по повод денешната закажана средба меѓу претседателите на СДСМ и на ВМРО-ДПМНЕ – Зоран Заев и Христијан Мицкоски, го потенцира ставот дека ваквата средба на лидерите на двете најголеми политички партии во Македонија би имала смисла единствено ако тие конечно се договорат за носење на долгоочекуваната Македонска народна платформа, како пандан на Тиранската – околу која, во иднина, би се обединил целиот конститутивен македонски народ.

„Ја истакнуваме суштинската потреба од носење на ваква стратегиска Македонска платформа за националните интереси на македонскиот народ, од страна на лидерите на политичките партии во Македонија, а во која ќе се дефинираат нашите државни црвени линии – на внатрешен и на надворешен план – а кои ќе пружаат заштита и сигурност на македонските граѓани од великоалбанските и великобугарските национал-шовинистички претензии, кои денес се повампирени поради сервилноста на Владата на Заев.

Предлагаме оваа Македонска платформа задолжително да ги содржи овие пет точки, кои би се сметале за трајно затворени прашања и прашања кои, во иднина, би биле непреговорливи во процесот на ЕУ интеграции, како и во процесот на создавање на сите идни политички коалициони влади во Македонија, без оглед на тоа кој ќе ги предводи:

-Се гарантира унитарноста на Република Македонија и се осуетуваат сите обиди за нејзина идна кантонизација или федерализација;

-Се потврдува секуларноста на државата и немешањето на верските организации и лидери во политичките прашања;

-Се гарантира неповредливоста на територијален интегритет на Република Македонија и ќе се осуети секој обид за иредентизам или сецесија на било кое малцинство;

-Се гарантира должната почит кон државните симболи и инсигнии (грб, знаме и химна); и

-Се става мораториум за преговарање за македонските идентитетски прашања со било кој и било каде (име, јазик, култура, историја, национален идентитет и слично)“, стои во реакцијата од Левица

Прочитај повеќе