Црвен крст на Република Северна Македонија Општинска организација Радовиш Ве поканува да земете учество на крводарителската акцијата која ќе се одржи на 12.01.2021 година (вторник) во просториите на Општинска организација Црвен крст Радовиш со почеток од: 09:00 до 14:30 часот.

Да напоменеме дека крводарувањето не е поврзано со Ковид-19 и е сосема безбедно.

Биди хуман, дарувај крв, спаси нечиј ЖИВОТ.

Факти за крводарувањето:
– Дарувањето на крв е доброволно, анонимно и бесплатно.
– Крводарител може да биде секоја здрава личност од 18-65 години.
– Жените можат да даруваат крв на секои 4 месеци, додека мажите на секои 3.
– Дарувањето крв не е болно, не создава навика и не му штети на организмот.
– Пред секое дарување крв се врши лекарски преглед.
– Дарувањето крв е корисно со тоа што ќе го проверите вашето здравје.
– На крводарителите како почитувани членови во општеството, Црвен крст им доделува признанија.
– Со 10 дарувања на крв, секој крводарител е ослобооден од плаќање на сите видови болничка партиципаци

Православната црква во Радовиш информира дека годинава нема да се одржи традиционалната литија на дечињата, која веќе долги години се одржува на Бадник, започнувајќи од црковниот хам Свети Пророк Илија преку плоштадот Свети Спасо Радовишки па се до црковниот храм Света Троица, поради актуелната состојба со корона вирусот.

„Оваа година заради пандемијата, околностите не дозволуваат да формираме Бадникови поворки, но ништо не нè спречува да ја пееме Божиќната песна, каде и да се наоѓаме, посилно од било кога!

“Вечниот Бог слезе и во Дева се всели: Свет, Свет, Свет Си и Пресвет Господи…” велат од православната црква во Радовиш

„Божиќната песна да нè сплоти во силна заедничка молитва за подобра година за сите.

Полни со вера и надеж, радосно да го најавиме ХРИСТОВОТО РАЃАЊЕ!“ додаваат од цркавата.

Полицијата го приведе момчето кое помина низ плоштадот во Радовиш со своето возило и го објави видеото на социјалната мрежа „Тик-Ток“.

Од МВР известуваат дека вчера околу 15 часот ОВР Радовиш во полициска станица Радовиш го приведе Т.К.(24) од Радовиш.

Приведеното момче е идентификувано како возач на патничкото возило од снимката, на 30.12.2020 околу 22.00 часот на ул.„22 Октомври“, пред угостителски објект, со своето возило преминал преку површина наменета за пешаци (шеталиште) и постапил спротивно на поставен сообраќаен знак за ограничување на движење на возило.

По документирање на случајот, против него ќе бидат поднесени соодветни поднесоци по член 124, став 3, како и член 187, став 6 од Законот за безбедност на сообраќајот на патиштата.