Connect with us

Радовиш

Со положување на свежо цвеќе во Радовиш, одбележан 11 Октомври Денот на народното востание

Виолета | Media Press

Published

on

По повод 11 Октомври, Денот на народното востание, денеска во Радовиш на споменикот на паднатите борци од НОВ, беше положено свежо цвеќе и одадена почит кон загинатите од народно ослободителната војна од страна на повеќе делагации.

Свежо цвеќе положија, делегација предводена од градоначалникот на Општина Радовиш Герасим Конзулов со престставници од општината, делегација на Советот на општина Радовиш и претседателката Викица Манолева, делегација на Сојузот на борците, делегација на политичките партии СДСМ, ВМРО-ДПМНЕ и СДММ и делегација на Здружението на пензионери на општините Радовиш и Конче.

Исто така свежо цвеќе беше положено и на споменикот на Ацо Караманов од делгација на Центарот за култура „Ацо Караманов“ и делегација на Сојузот на борците.

Радовиш

Со донација на компјутери и таблети од рудникот Бучим, сите ученици се вклучени во онлајн наставата во ООУ Крсте Петков Мисирков

Виолета | Media Press

Published

on

Рудникот Бучим како општествено одговорна фирма продолжува да донира во училиштата во Општина Радовиш, со цел да се овозможи сите ученици да се вклучат во онлајн наставата, која поради пандемијата со корона вирусот, се реализира во целата држава.

Заменик генералниот директор на Бучим Николајчо Николов, и градоначалникот на Општина Радовиш Герасим Конзулов, денеска беа во посета на училиштата во градот со цел да ја согледат состојбата во образовниот процес.  

Директорката на ООУ Крсте Петков Мисирков рече дека онлајн наставата успешно се реализира благодарение токму на заедничката подршка од општината и од рудникот Бучим.

Рудникот Бучим за потребите на ООУ Крсте П.Мисирков донира   8 компјутери и 30 таблети, во вредност од околу  306 илјади денари. Ова акција за донации во училиштата како што рече Николов, е започната уште од Денот на рударите.

Градоначалникот Герасим Конзулов рече дека Општина Радовиш, не може  сама да одговори за потребите на училиштата без донатори како што е рудникот Бучим. Конзулов во оваа прилика изрази благодарност до раководството на Бучим.

Тој додаде дека просторите од Електротехничкиот факултет кој веќе се под надлежност на општината ќе бидат доделени на  ООУ Крсте Петков Мисирков, како најоптеретено училиште во кое учат околу 1200 ученици. А со ребалнасот на Буџетот ќе бидат издвоени средства за донација на училиштата во опрема. Конзулов рече дека рудникот Бучим е добра пример како да донираат и остантите фирми во општината.

Градоначалникот апелира до граѓаните да ги почитуваат мерките за заштита од Ковид- 19, бидејќи бројките постојано растат а болничките капацитети се веќе преполни.

Continue Reading

Радовиш

Ќе се одржи ли прекинатата седница на радовишкиот совет до петок, откако градоначалникот Конзулов упати јавен повик

Виолета | Media Press

Published

on

Градоначалникот на општина Радовиш, Герасим Конзулов, јавно ги повикува  советниците и претедателот на  општинскиот Совет да ја одржат прекинатата седница најкасно до крајот на неделава и да покажат одговорност.

Со јавна објава на социјалнитер мрежи тој упати апел до советниците да не го кочат работењето на Советот а со тоа и работењето на општината.

„Јавно ги повикувам советниците и претседавачот на општинскиот совет да ја одржат прекинатата седница од 13.10 најкасно до петок (30.10).

Последните 4 месеци, Општината и сите општински институции се блокирани поради неработењето на Советот.Последиците се веќе видливи и се на штета на сите граѓани.

Се надевам на искрена соработка и очекувам до петок да ја продолжиме седницата во името на јавниот интерес. “ – Стои во објавата на Градоначалникот Конзулов

Од советничката група на опозициската ВМРО-ДПМНЕ,  по повод јавниот повик на градоначалникот Конзулов, велат дека не сакаат да бидат дел од меѓупартиската пресметка на владеачкото мнозинство.

„Ние како советничка група ова што се случува денес веќе го предвидовме и затоа понудивме решение со кое би функционирал Советот беспрекорно и без пречки. Затоа не сакаме да бидеме дел од нивната меѓупартиска пресметка и сметаме дека и граѓаните не заслужуваат вакво раштимано раководство“, стои во реакцијата од  советничката група на опозициската ВМРО-ДПМНЕ.

 Според претседателот на Советот Викица Манолева,  тие како владеачко мнозинство веќе оставриле средба и  биле во континуитет во договор со опозицијата и  седницата веќе ја закажале за во вторник.

Една од  најважните точки  од дневниот ред на прекинатата седница, беше токму ребалансот на Буџетот, односно Предлог одлука за измени и дополнувања на Буџетот на Општина Радовиш за 2020 година.  Без донесувањето на ребалансот на Буџетот се отежнува функционирањето и на останатите јавни институции, како и реализацијата на проекти од интерес на сите граѓани.

 Инаку истиот дневен ред веќе се провлекува на неколку седници и сеуште не е изгласан од страна на советниците. Пред се станува збор за  годишни планови за вработување во ЕЛС Општина Радовиш, како и во јавните образовни институции, во училиштата, градинките во ОН Библиотека во ЈП  Плаваја и во други институции, како и усвојување на годишните извештаи  и програми за работа на истите.

Потоа предлог програма за изменување и дополнување на Програмата за локален економски развој на Општина Радовиш за 2020 година, како и изменување на програмата за јавно осветлување, одобрување на финасиски средства на спортски клубови и други предлог одлуки значајни за функционирање на институциите.

Останува да се види дали конечно советниците ќе успеат да се договорат и да ги донесат овие предлог одлуки на следната седница.

Continue Reading

Радовиш

Конзулов: Јавно ги повикувам советниците да ја одржиме прекинатата седница

Александар | Media Press

Published

on

Градоначалникот на општина Радовиш, Герасим Конзулов, на неговата официјална фејсбук страница упати апел до советниците и претседавачот на општинскиот совет да ја одржат прекинатата седница најкасно до крајот на неделава.

Тој напиша дека последните четири месеци сите општински институции се блокирани од неработењето на советот, и во името на јавниот интерес очекува дека ќе биде свикана седница на Советот најдоцна до петок.

„Јавно ги повикувам советниците и претседавачот на општинскиот совет да ја одржат прекинатата седница од 13.10 најкасно до петок (30.10).

Последните 4 месеци, Општината и сите општински институции се блокирани поради неработењето на Советот.Последиците се веќе видливи и се на штета на сите граѓани.

Се надевам на искрена соработка и очекувам до петок да ја продолжиме седницата во името на јавниот интерес. “ – Стои во објавата на Градоначалникот Конзулов

Continue Reading