Connect with us

Струмица

Општина Струмица денеска го одбележи 11 Октомври – Ден на Народното востание

Виолета | Media Press

Published

on

Со полагање свежо цвеќе пред Споменикот на револуцијата во градскиот парк, општина Струмица денеска го одбележи 11.Октомври – Ден на Народното востание на Македонија и Ден на борецот.

Свежо цвеќе положија повеќе делегации од Општина Струмица, од политички партии и од здруженија.

Единаесетти Октомври е ден од македонската историја кој не само што е симбол на нашата борба за слобода, туку е и ден кога е поставен еден од темелите на подоцнежната македонска државност. На овој ден им оддаваме почит на сите учесници во вооруженото антифашистичко и народноослободително востание. Наша должност останува да го чуваме споменот за нив и за овој голем ден кој со пиетет го празнуваме. Тоа треба да не мотивира да чекориме напред и да веруваме во себе и во својата татковина, создавајќи нераскинлив јазол помеѓу минатото и иднината.

Струмица

„Академија за реинтеграција на маргинализирани лица“ во Струмица им го менува животот на зависниците

Виолета | Media Press

Published

on

 Проектот „Академија за реинтеграција на маргинализирани лица“ преку Центарот за развој на Југоисточен плански регион во партнерство со  Здружението за советување, лекување, реинтеграција и ресоцијализација на лица зависни од психоактивни супстанци – ИЗБОР од Струмица, поддржан од  Швајцарската агенција за развој и соработка и Министерството за локална самоуправа е навистина еден уникатен пример како да им се помогне на оние кои се зависници од психоактивни супстанци, од алкохол, дрога, и тоа на начин на кој тие ќе бидат ресоцијализирани, не само лекувани.

Токму преку проектот ќе се овозможи унапредување на постоечките услуги во југоисточниот регион за подобро вклучување на маргинализираните лица на пазарот на труд. Во износ од над 6 милиони денари набавена опрема потребна за работно оспособување за пекарство, пакување на производи, градинарство и цвеќарство со цел збогатување на програмата за реинтеграција за стекнување на вештини на професионално оспособување за маргинализирани лица.

– Овој проект во соработка со Министерството за локална самоуправа е навистина еден оригинален пример како да им се помогне на оние кои се зависници, на начин на кој тие ќе бидат ресоцијализирани, не само лекувани. Токму тука не само што се рехабилитираат зависниците од психоактивни супстанци туку и работат, се социјализираат, и на тој начин стануваат активни на пазарот на трудот. Овој пример ние треба да се преслика во други региони во државава каде што исто така постои проблемот на зависности, рече Зоран Димитровски, заменик министер за локална самоуправа.

Според Коста Јаневски, градоначалникот на општина Струмица ова е уште една успешна приказна во рамките на општина Струмица, која со голем дел е потпомогната од Швајцарската Амбасада.

– Овој проект е успешна приказна за општината, така што се повеќе е препознаен во нашата држава и по чии тек и други региони заинтересирани се обидуваат да создадат една таква комуна која што преку работна ангажираност се прави реинтеграција на луѓето кои што се во одреден ризик од одредени зависности, да се вратат во општеството, појасни тој.

За Сократ Манчев, претседателот на здружението ИЗБОР овој проект финансиран од Министерство за локална самоуправа и Швајцарската агенција за развој и соработка нуди можност за професионална рехабилитација заради реинтеграција на лица со попреченост, и други маргинализирани групи.

– Самиот проект предвидува голем склоп на активности, економски активности преку кои ќе се обидеме не само да ги вработиме тие луѓе, да им најдеме работа, туку и да направиме една само-одржливост на нашата организација, појаснува Манчев.

Continue Reading

Струмица

Втор слој асфалт на дел од улиците во Струмица со што се подобрува инфраструктурата во градот

Виолета | Media Press

Published

on

Општина Струмица започна со поставување на втор слој асфалт на дел од улиците во градот, согласно планираната динамика за оваа тековна година. Претходно беа озвршени сите потребни  подготовки.

Втор слој асфалт е ставен на улицата „Максим Горки“ на површина од 1.800 метри квадратни, а во текот на утрешниот ден ќе се асфалтира на улицата „Атанас Караман“.

Општина Струмица им благодари на граѓаните за разбирањето и почитувањето на привремениот режим на сообраќај на улиците каде што деновиве се одвиваат градежните активности.

Исто така Општина Струмица ја подобрува инфраструктурата во близина на туристичките локалитети и културно – историските знаменитости.

Уредувањето на околината во близина на манастирот „Св.Леонтиј“ во Водоча коешто започна во месец мај годинава, се врши според планираната динамика.

Проектот којшто во целост е финансиран од Европската Унија преку ИПА Програмата за прекугранична соработка 2014 – 2020 година опфаќа изградба на парк во близина на манастирот, уредување на влезот на населеното место Водоча и изградба на патека до помошните објекти на манастирот.

Continue Reading

Струмица

Ќе се пришируват капацитети на струмичката болница, новиот крак се пренаменува во ковид центар

Виолета | Media Press

Published

on

Министерството за здравство планира да ги проширува капацитети на болниците за сместување на пациенти позитивни на Ковид -19. Денеска во посета на струмичката болница беше Министерот за здравство Венко Филипче, кој рече дека ќе се пришируват капацитети на струмичката болница, новиот крак се пренаменува во ковид центар

„Новиот крак од струмичката болница го пренаменуваме како ковид центар. Опремен е и снабден со болнички кревети, со централен довод на кислород. Има капацитет од 100тина кревети и за неколку денови ќе ставен во функција. Денеска ги посетив болниците во Штип и Струмица каде заедно со директорите и вработените разговаравме за предизвиците кои произлегуваат од зголемениот наплив на пациенти заболени од ковид-19“, изјави министерот за здравство Венко Филипче по денешната посета на струмичката Општа болница.

„Ги зголемуваме термините, но и бројот на тестови за ковид-19. Дадовме насока на сите лаборатории за време на празникот и викендот да има дополнителни термини и да нема намалување на бројот на тестирања. Од денеска, за двојно ги зголемуваме и болничките капацитети. Со ова, значајно се зајакнува бројот на кревети за два до три пати. Но, целта не е да се исполнат болничките капацитети, туку со мерките кои стапија на сила и законските измени кои треба да поминат наредната недела со задолжително носење на маска и ограничување на собирите ќе ја намали епидемијата во земјава“, вели Филипче.

Continue Reading