Connect with us

Економија

Бесими: 70 милиони евра за финансиска поддршка за исплата на плати, аплицирањето по ребалансот

Виолета | Media Press

Published

on


„Со ребалансот на буџетот ќе се обезбедат 70 милиони евра за финансиска поддршка за исплата на плати на вработените за фирмите кои бележат пад на приходите како резултат на кризата и тоа надоместок во интервалот од 14,500 до 21,776 денари, согласно падот на приходите на фирмите. По усвојување на реабалансот фирмите ќе можат да аплицираат за мерката“, рече министерот за финанси Фатмир Бесими на вечерашното гостување на Топ Тема.

„Штом помине ребалансот, средствата ќе бидат обезбедени и тогаш ќе може да се спроведе постапката, затоа што официјално со закон без да ги имаш обезбедено средствата не можеш да објавиш оглас за било што, било тоа да се работи за јавна набавка, било да се работи за субвенции во конкретниот случај или трансфер“, рече министерот за финанси.

Тој посочи дека оваа мерка ќе функционира во следните три месеци и ќе биде насочена кон внесување на ликвидноста во стопанството и кон зачувување на работните места.

Во претходниот период со оваа мерка беа поддржани во просек 19.322 фирми и 116 илјади работни места.  

прикажи повеќе
Advertisement

Економија

СДСМ: 5.726 самохрани родители ќе добијат платежни картички

Александар | Media Press

Published

on

Владата предводена од СДСМ во текот на пандемијата со коронавирусот континуирано им помага на сите, на коишто им е потребна помош на граѓаните и на компаниите за ублажување на негативните последици.

Со ребалансот на Буџетот за 2020 година, се обезбедуваат 470 милиони евра за реализација на мерките од четвртиот пакет за помош и поддршка, кој обезбедува значајни средства за поддршка на економијата, за спас на работни места, за зајакнување на приватната потрошувачка.

Измените и дополнувањата на Буџетот за 2020 година треба да бидат усвоени во Собранието за да можат 283.000 граѓани да добијат домашни платежни картички во вредност од по 6.000 денари.

Домашни платежни картички ќе добијат 5.726 самохрани родители, како поддршка во справувањето со последиците од економската криза. Тоа ќе значи зајакнување на семејните буџети на над 5.700 семејства и поттикнување на приватната потрошувачка.

„Платежни картички ќе добијат и пензионерите со пензии пониски од 15.000 денари, пасивните баратели на работа, самостојни уметници, филмски работници, културни работници и естрадни уметници, како и 540 студенти, но и граѓаните кои се над 64 години, а немаат пензија, ниту државна социјална пензија и се со приходи пониски од 15.000 денари, или воопшто немаат приходи.“ – пишува во соопштението од СДСМ

СДСМ како одговорна партија продолжува со креирање и спроведување на мерки и политики за помош и поддршка на погодените со пандемијата, продолжува со вистинска грижа за сите.

Continue Reading

Економија

Над 550 милиони денари промет е остварен за Викенд без ДДВ

Александар | Media Press

Published

on

Управата за јавни приходи го заокружи првиот Викенд без ДДВ преку кој граѓаните можеа да остварат враќање на целосниот износ на ДДВ за купените македонски производи и услуги и компјутерска опрема.

Во деновите 10, 11 и 12 октомври 2020 година, вкупно 204.088 граѓани купиле македонски производи и услуги како и компјутерска опрема и издадените фискални сметки ги скенирале преку апликацијата МојДДВ.

Во Викендот без ДДВ остварен е промет од 558 176 715 денари со што граѓаните ќе остварат враќање на ДДВ во износ од 66 853 929 денари.

Управата за јавни приходи ќе им ги исплати парите на граѓаните на нивните трансакциски сметки во рок од 15 дена од последниот ден на скенирање на фискалните сметки.“ – соопштуваат од УЈП

Од анализите и споредбите што ги направи Управата за јавни приходи потрошувачката на македонски производи во овој Викенд без ДДВ во споредба со потрошувачката на истите производи во претходните викенди во истиот месец е за 2.2 пати зголемена.
Дополнително скенирани се 3 пати повеќе фискални сметки и остварен е и 9,5 пати поголем промет од македонски прозиводи овој викенд во однос на истиот од минатата година.

Првата мерка од 4 – сет на антикризни мерки што ги донесе Владата на Република Северна Македонија стартуваше токму со мерката ,,Викенд без ДДВ“ кој целосно ја спроведе Управата за јавни приходи.

Резултатите од оваа мерка се повеќе од успешни бидејќи значат повеќе пари назад кај граѓаните, зајакнување на домашниот буџет и истовремено зголемена потрошувачка на македонски производи и услуги. Поттикнување на промет кај македонските компании е поддршка во услови на криза, која влијае и на подобрување на ликвидноста на компаниите.

Continue Reading

Економија

СДСМ: Ребалансот на Буџетот за 2020 година значи зголемена поддршка за граѓаните и компаниите погодени од коронакризата

Александар | Media Press

Published

on

Со ребалансот на Буџетот за 2020 што е во собраниска процедура, Владата предводена од СДСМ обезбедува 470 милиони евра за реализација на четвртиот пакет мерки за справување со економските последици од коронакризата.

Преку овој пакет мерки, 70 милиони евра ќе се искористат за спас на 83.000 работни места, односно ќе се субвенционираат вкупно 250.000 плати за месеците октомври, ноември и декември, а поддршката за исплата на плати ќе биде скалеста и ќе се движи од 14.500 до 21.776 денари месечно.

Со 27,6 милиони евра ќе се помогнат 283.000 граѓани кои ќе добијат домашни платежни картички во вредност од по 6.000 денари.

Тоа се речиси 100 милиони евра кои ќе завршат кај над 360.000 наши сограѓани.

Покрај ова уште дваесеттина мерки содржани во четвртиот пакет, обезбедуваат силна поддршка за компаниите, обезбедуваат поволни кредити, грантови, но и даночни олеснувања за помош на секторите кои се најмногу погодени.

Од почетокот на кризата, Владата, надлежните институции покажуваат вистинска грижа за граѓаните и деловните субјекти кои се најмногу погодени. Тоа продолжува и со овој ребаланс, со овој пакет економски мерки.

Во период кога целиот свет се соочува со економска криза, важна е навремената и ефикасна помош во справување со последиците. Со ребалансот на буџетот се обезбедува континуирана поддршка за домашната, македонска економија.

Заради потребата од брза, ефикасна помош на граѓаните и стопанството, сите пратеници треба да покажат одговорност и гласаат за измените и дополнувањата на Буџетот за 2020.

Continue Reading