Со изложба на уметнички дела од академскиот сликар Владимир Темпов, свечено е отворена ликовната колонија „Караманов – 2020“ во Радовиш
Со изложба на збирка на уметнички дела од познатиот академскиот сликар Владимир
Темпов од Кавадарци, денеска во центарот за култура „Ацо Караманов“
во Радовиш, свечено беше отворена традиционалната ликовна колонија
„Караманов-2020“.
15 уметници од Македонија во наредните три дена ќе творат
на манастирот Свети Ѓеоргиј во Ораовица. Колонијата ја отвори директорката на центарот
за култура Изабела Ангелова.
Присутните уметници ги поздрави и градоначалникот Герасим
Конзулов, кој им посака на уметниците добредојде во Радовиш и успешна ликовна
колонија, која годинава е споена заедно со традиционалната 5-та ликовна
колонија „Свети Георгиј“ која вообичаено се одржуваше во јуни, но поради
пандемијата беше одложена.
Присутните уметници и гости ги поздрави и претседателот
на ДЛУ „Рада“ од Радовиш, Душан Коцев.
Присутнита на настанот на крајот уживаа во прекрасните дела на академскиот сликар Владимир Темпов кои беа изложени во центарот за култура. Двете ликовни колонии ќе бидат одржана на манастирот Свети Ѓеоргиј во Ораовица согласно препораките и протоколите предвидени за организирање на вакви настани во услови на пандемија. Иако се со Меѓународен нема да учествуват уметници од странство. Истите се поддржани од Министерството за култура и Општина Радовиш.