Донација на техничка опрема за потребите на вработените во РТВ Кобра  од Рудникот Бучим.  Како општествено одговорна фирма Рудникот Бучим,  согледувајќи го значењето на телевизија Кобра како регионален медиум, во делот за јавното информирање на граѓаните во Југоисточниот регион, донира техничка опрема за потребите на вработените.

Денеска опремата беше доставена од страна на заменик генералниот директор на Бучим Николајчо Николов и прес секретарот на компанијата Солвеј во чии состав работи Бучим, Кристина Крстева.

Од страна на РТВ Кобра беше изразена благодарност до менаџерскиот тим на Бучим, со надеж за идна соработка. Инаку телевизија Кобра и рудникот Бучим, зад себе имаат долгогодишна успешна соработка.

Во овие услови на пандемија со Ковид -19, Бучим донира техничка опрема за потребите и на општинските основи училишта и средното училиште во Радовиш во вредност од околу 490 000 денари.

Околу 700 ученици успешно следат онлајн настава во СОУ Коста Сусинов во Радовиш. За потребите на професорите кои предават предмети како што се физика и математика,  на барање на училиштето, рудникот за бакар Бучим донира 15 Рen таблети.

По тој повод заменик генерланиот директор на Бучим Николајчо Николов, заедно со градоначалникот Герасим Конзулов беа  во посета на училиштето. Тие проследија и како тече еден онлајн час во услови на пандемија.

Според директорот Гоце Лазаров, оваа донација е од големо значење за професорите кои предаваат предмети од природните науки, за поуспешно реализирање на онлајн наставата.

 Рудникот Бучим ќе донира опрема и за уште четири ученици кои немаат опрема за следење онлајн настава, рече заменик генералниот директор Николов во оваа прилика кој изрази задоволство од успешното одржување на еден онлајн час.

 За потребите на двете основи училишта, и за средното училиште во Радовиш  Бучим ја донираше потребната опрема во вредносто од околу  487 илјади  денари.

Вградени плакари за потребите на дечињата во пет училници во ООУ„Никола Карев“ во Радовиш,  се донирани од рудникот за бакар Бучим. На барање на училиштето, дополнително  ќе бидат донирани и компјутери.

Заменик генералниот директор на Бучим Николајчо Николов заедно со Градоначалникот на Општина Радовиш Герасим Конзулов, денеска беа во посета на училиштето и притоа посетија и едно одделение во кое се врши настава со физичко присуство, во услови на пандемија.  Според директорката камените Атанасова мерките и протоколите се почитуваат како што се забалажуваше и на самиот час, дечињата носеа заштитни маски и седеа според препорачаното растојание.

Вкупно во ова училиште заедно со подрачните,  355 ученици посетуваат настава со физичко присуство.

„ОУ Никола Карев е најпосетувано од моја страна  и имаме одлична соработка“ рече заменик генералниот директор на Бучим Николајчо Николов, кој посебно беше изненаден од одоговорноста на учениците присутни на настава.

Донираните шкавчиња веќе ги користат учениците за своите потреби, а за оваа донација рудникот Бучим издвои 150 000 денари.